سؤال عن سيرفو اللانوس.......؟!

**swimmer25** · 05-11-2009 12:07 PM

بمناسبة تعديلات الفرامل الكتير اللي انا مقتنع بيها جدا بس كنت بفكر اني اعملها لما احس ان الفرامل ضعفت........

سؤال سالته زماااااااااااان بعد تعديل محمد ممدوح للفرامل وكان نفسي اعرف رده من الناس هنا بس كنت دايما بنسي اقوله هنا...

انا سالت سواق خبرة في مجال الصيانة عن فرق فرامل اللانوس عن الفيرنا لاني بحس ان الفيرنا فراملها اقوي ودواسة الفرامل بتستجيب فيها احسن

قالي فعلا
وكان رده ان سيرفو الفرامل في الفيرنا طبلته مش ناشفة زي اللانوس فبتاخد وتدي كويس وعشان كده استجابتها اسرع واقوي

ايه راي الخبراء في الكلام ده وايه مدي صحته ؟ حد جرب الحكاية دي....حد جرب العربيتين ولاحظ الفرق........
لو الكلام صحيح ينفع نركب سيرفو فيرنا بدل بتاع اللانوس ويبقي من ضمن تعديل الفرامل؟

**MMamdouh** · 05-11-2009 01:04 PM

السيرفو ما هو الا تنك لتخزين الفراغ اللى بيولدة المنافولد و بيستخدم لمساعدة رجل السائق على الضغط على دواسة الفرامل

اعتقد الفرق ناتج من فرق حجم السيرفو بين العربيتين اكتر منة فرق المكونات

MMamdouh

**عصام غنايم** · 07-11-2009 03:53 AM

السيرفو بيفرق فى حساسية وقوة الفرمله
وبصفتى واحد من اللى عملو التعديل ( امامى و خلفى ) اقدر اقوللك ان التعديل بيفرق فى زيادة القوه الفرمليه بنسبة 300%
http://www.nilemotors.net/Nile/103361-a.html
وبالرغم من ذلك
فكلام الراجل صحيح
السيرفو من اهم العوامل المؤثره فى القوه الفرمليه
وهو ماينقص التعديل الهام فى فرامل الانوس ولتوضيح كلامى اكثر
لاحظ الحساسيه الذائده لفرامل الالنترا وايضا
لاحظ ان فرامل الانسر الكرستاله ذى الفل بالرغم من مقاسات الطنابير الصغيره نسبيا ( امامى وخلفى ) تقريبا مقاس الانوس طيب ايه سبب ضعف فرامل الانوس ؟؟؟؟؟؟؟؟؟؟؟؟؟؟؟( السيرفو )
وده رأى شخصى .

**swimmer25** · 07-11-2009 08:21 AM

معني كلامكم انه فيه فرق
بس مش مستاهل وخصوصا بعد التعديل

بس انا اعتقد ان فيه فرق في المكونات كمان بين سيرفو اللانوس والفيرنا

هل ممكن سيرفو الفيرنا يركب مكان بتاع اللانوس؟
وهل ممكن يكون ده التعديل بدل تعديل الفرامل الامامي والخلفي وده للي مش قادر يعمل تعديل الفرامل كامل؟
بس اكيد طبعا مش هيكون نفس المميزات وخاصة في الجزء الخاص بالحرارة مع الفرامل

**MMamdouh** · 07-11-2009 12:45 PM

الكلام دة واضح اوى فى الافيو اللى فيها نفس طنابير اللانوس و التيل بتاعها حجمة تقريبا زى بتاع اللانوس الا ان فرق استجابة الدواسة رهيب

الفرق بين العربيتين فى السيرفو... بس هل معنى كدة لو فرامل الافيو اتضغط عليها جامد حتضعف زى اللانوس؟؟

MMamdouh

**عصام غنايم** · 08-11-2009 03:56 AM

اولا اذيك يا ابو يوسف يا جامد

ثانيا

بس هل معنى كدة لو فرامل الافيو اتضغط عليها جامد حتضعف زى اللانوس؟؟

لا اظن ذلك
صحيح حجم الطنابير بيفرق
لاكن
حساسية الفرمله وقوتها بتعتمد فى المقام الاول على قوة السيرفو

**عصام غنايم** · 08-11-2009 04:10 AM

وهل ممكن يكون ده التعديل بدل تعديل الفرامل الامامي والخلفي وده للي مش قادر يعمل تعديل الفرامل كامل؟

( رأى شخصى )
لو سيرفو الانوس اتغير بواحد اقوى هيغنى عن تعديل الفرامل المرهق والمكلف
صحيح التعديل ممتاز
بس لو اضيف عليه تغيير السيرفو هتبقى النتيجه خرافيه
بمعنى
( 1 + 1 = 2 )
(1) تعديل الفرامل
(1) تغيير السيرفو

السؤال ده مطروح لجميع الاعضاء ؟؟؟؟؟؟؟؟
ايه السيرفو اللى يركب مكان سيرفو الانوس بدون تخريب فى العربيه يعنى ذى التعديل كده فك وتركيب ؟
اللى هيعرف الاجابه
هياخد جوايز كتييييييييييييييييير

ملحوظه
ميكونش السيرفو البديل تبع شركة ( gm ) لان اغلب عربيتها لا تتمتع بحساسية الفرمله المطلوبه

**swimmer25** · 08-11-2009 07:33 AM

المشاركة الأصلية كتبت بواسطة esamghanayem

لا اظن ذلك
صحيح حجم الطنابير بيفرق
لاكن
حساسية الفرمله وقوتها بتعتمد فى المقام الاول على قوة السيرفو

انا فهمت قصدك
قصدك ان ممكن تكون الطنابير والتيل سخنين جدا زي ما بيحصل في اللانوس بس في الاخر قوة السيرفو بيعوض الضعف ده
ممكن..........بس لازم حد يكون مجرب الافيو وفاهم يعني ايه الفرامل بتضعف من كثرة الضغط عليها بسبب السخونة
عامة الموضوع صحيح هيتحسن بس طبعا بردو من غير الميزة التانية اللي عندك وهي عدم الحاجة لرجلاش الفرامل الخلفية وثبات السيارة مع الفرامل

**swimmer25** · 08-11-2009 07:38 AM

المشاركة الأصلية كتبت بواسطة esamghanayem

( رأى شخصى )
لو سيرفو الانوس اتغير بواحد اقوى هيغنى عن تعديل الفرامل المرهق والمكلف
صحيح التعديل ممتاز
بس لو اضيف عليه تغيير السيرفو هتبقى النتيجه خرافيه
بمعنى
( 1 + 1 = 2 )
(1) تعديل الفرامل
(1) تغيير السيرفو

السؤال ده مطروح لجميع الاعضاء ؟؟؟؟؟؟؟؟
ايه السيرفو اللى يركب مكان سيرفو الانوس بدون تخريب فى العربيه يعنى ذى التعديل كده فك وتركيب ؟
اللى هيعرف الاجابه
هياخد جوايز كتييييييييييييييييير

ملحوظه
ميكونش السيرفو البديل تبع شركة ( gm ) لان اغلب عربيتها لا تتمتع بحساسية الفرمله المطلوبه

لحد هنا بقي وانا معرفش حاجة
انا بس معاكم في التفكير ولكني لا افقه شيئا في المكونات

-

الموضوع: سؤال عن سيرفو اللانوس.......؟!

LinkBack

أدوات الموضوع

عرض

-

-

-

-

-

المواضيع المتشابهه

سيرفو فرامل فى اقل من سنة

سيرفو الفرامل

سيرفو الفرامل

سيرفو الفرامل سكودا

سيرفو الفرامل

الكلمات الدلالية لهذا الموضوع

المفضلات

المفضلات

ضوابط المشاركة