الموضوع: انا خلاص مش طايق السواقه من الاغبيياء....

انا وصلت مرحله اني خلاص مش عايز بجد اسوق و في نفس الوقت مش بطيق اركب ميكروباصات ولا هي عمليه ولا مريحه ......
انا بقيت الاحظ انا كل يوم بيزيدوا الاغبياء في الشارع + كمان اللامبـــــــــــــــــــ ـــــــــالاه و الاستهتار
يعني ممكن نصنف السواقين الي انواع....

1- سواقين النقل الكبير و المقطورات....و دول ليهم طريقتين في السواقه لأما يجري جامد اوي لدرجه انه ممكن يشيلك من قدامه.....لأما يتمشي علي اقل من مهله علي الشمال..

2-الميكروباصات بكل انواعها +اتوبيسات النقل العام........دول يعتبروا من اكتر السواقين بنتعامل معاهم يوميا و في كل المناطق......و دول بقي عندهم نقطه اخش الناحيه اللي عايزها و اللي جاي اكيد هيقف لأنه نسبه كبيره ملاكي و هو اللي هيضر اكتر و طبعا الوقفه في اي حته عجباه و بالاخص قبل شارع او بعد مباشره و يقف اللي عايز يدخل الشارع او يطلع منه ........
بس في نقطه انه الاتوبيسات بقيت اللعن من الميكروباصات ....و تلاقيه ماشي مشيس و حالته كرب و عمال يجري و فاكر نفسه شاب روش و بيحاول ياخد غرز.....لدرجه و الله كنت هتشال شيله ما يعلم بيها الا ربنا..من سواق اتوبيس ....عمال يجري ورايا و انا عامل اشاره اني هلف يمين ....و كنت متاكد انه مش هيبطء و يادوب دخلت اللفه بسرعه و هو عدا من ورايا علي طول.....الحمد لله و ربنا ستر......و طبعا نقطه الوقوف في حته موجود بس بتبقي ازفت من الميكروباصات بسبب كبر حجم الاتوبيس

3-سواقين التاكسي.....و عنده مبدء انه ممكن يقف في اي لحظه و في اي مكان.....ليشقطله زبون....

4-سواقين الملاكي.....و دول بقي كذا نوع
-الناس الكبار......و تلاقيه مش باين من الكرسي و لازق في الدريكسيون و طبعا مع(انا لا اري و لا اسمع و لا اي بتنجان)....و دول وظيفتهم انه يمشوا يطوحوا في الشارع و يرموا علي الناس
-الستات......و تلاقيهم نوعين.....نوع غشيم و تلاقيها ست مجنونه ولو كلمتها توعد تجعر .....
ونوع اللي بيتنزل من بتها و لسه في ديماغها شويه طبيخ و تلاقيها ماشيه
فاقده الوعي في الشارع و ممكن تعمل اي حركه مش مظبوطه في اي وقت
و غير طبعا بقيت السواقين و فيهم طبعا اسس القياده المصريه بس معتقدش انهم عندهم حاجه زياده متعودين عليها

مع كل النواع ديه من السواقين و غير كده في قوانين غير قوانين المرور بيطبقها السواقين....و منها
و تعتير ازفت قانون شفته و هو ان الطريق بقي ماشي العكس في كل حاجه.....يعني الشمال بقي بطيئ و اليمين بقي سريع مع طبعا وجود سواقين بيطبقوا القانون الاصلي فبيحصل تضارب في الشارع و تلاقي الشمال حبا سريع و حبا بطيء و اليمين كذلك.....و بصراحه في الحاله ديه مافيش حل غير ان الواحد يقضيها غرز.....غير بقي يمشي زيهم و يروح بعد كام ساعه.....
حاجه تانيه ان الناس بقيت تمشي في الشوارع الداخليه او حتي العموميه حتت بالعكس علشان يوفر الحته اللي هيمشيها لحد الملف.....او علشان بيكون الشارع مكسر شويه ......و في الاخر بيقف في و قت اكتر من لو كان لف زي البنأدمين.....
و صعب جدا تاخد يمينك او شيمالك بسهوله غير انك تحدف علي الناس او تزنقهم......

و من ارفع سمات السواق المصري و هي البلطجه علي الفاضي......يخبطلك عربيتك و ينزل يزعقلك في الشارع...و حصلت معايا مرتين قبل كده بس كنت لسه مش مطلع الرخصه .....و شكلي مش كبير اوي فالراجل ينزل يفتح بقوا عليا مع انه هو اللي خابطني....و طبعا مش بسكت بس في الاخر بحاول الم الموضوع علشان مش طالبه يجيلي حته امين شرطه يقولي فين رخصك.....
و مره منهم عربيه والدي اتكسر الفانوس اللي ورا و الرفرف اتعوج و الاكصدام اتخلع......و كل ده ليـــــــــه؟؟؟؟؟؟؟؟
علشان واقف في اشاره ....و واحد متخلف راح لابس فيا من ورا .....و نازل الشاب الظريف فاتح حلقوا و يقولي "انتا و اقف"و طبعا كان اول رد ليا كان لازم يكون ابيح........بس من الاخر مطلعتش منه بحاجه علشان كان امين شرطه جاي فكنت لازم امشي..........بس عملت معاه الصح و اصحابي ضربوه شويه....



و بعد الملاحظه و بجد ان معظم سواقين النقل و وسائل المواصلات......المفروض انهم ميكيفين ديماغهم علي طول مش عارف بقي بيقضوها ايه بصراحه بس غالبا حشيش علي بنجو.....
بس المصيبه ان من كتر البلاوي ديه ديماغهم اتعودت عليه و فوتت.......لدرجه انا شايف انهم بيعتبروها غذاءهم اليومي و بدل ما كونا بنقول ان سندوتش الفول بيضرب في الدماغ فبقيت شكلها كده سندوتشات كولا بزيت الحار....
و في الغدا ام العيال تعمله حشيش فرن اورداحي مع صوص الكولااااااا الرهيب........


يعني بجد يا رجاله بعد قرايه البلاوي دي كلها.....ينفع الانسان يستمر و يسوق في البلد ديه.....
دي الغابه منظمه عنها..........
انا بجد وصلت مرحله فظيعه لدرجه اني طول منا ماشي في الشارع بكلم نفسي من اللي باشوفوا.....غير العصبيه الي بقيت فيها و حرقه الدم.........
بجد حد يقولي اعمل ايه فاللي انا فيه ده.........

و اسف جدااااا علي الاطاله

و فيه حاجه مهمه جدا نسيت اضفها.....و هي الناس اللي بتعدي الشارع
بجد ممكن الواحد يتغاضي عن شويه حاجات مزعجه من السواقه الا النقطه ديه......لأن لو قدر الله و حد خبطك ....يغور الحديد......غير انك تخبط بنيأدم هيغور البنيادم و ممكن كمان تغور معاه بالمشاكل

يعني انا ملاحظ ان الناس اللي بتعدي الشارع معظمهم عندهم لا مبـــــــــــــــــالاه و استهتــــــــــــــــــتا ر غير عادي
يعني تلاقيه شايف العربيات بتجري و تلاقي بيتمشي.....و لا كأنه علي بيتمشي علي النيل.....و طبعا الرعاش و الكلكس مش بينفع مع كل الناس

غير بقي اللي كتر اوي ....الناس اللي بتعدي الطرق السريعه و الدائري .....و و الله حصل معايا كذا مره....
و منهم و احد علي الدائري و اقسم بالله انه مابصش اصلا فيه عربيات ولا لأ .....غير انه كمان كان بيتمشي و كنت خلاص هشيله.....مع اني ماكنتش بجري و ماشي حوالي 100كم

و لا بقي علي الطرق السريعه ....يعني كنت راجع من طريق الساحل مره و كان بليل و و الله لولا اني بعمل كل شويه رعاش علشان اشوف الطريق لو فيه حاجه......كان ممكن اخد مثلا شمالي او لو زودت السرعه شويه كنت هخبط واحد و اشيله........................................ ...لقيت جلابيه في الضالمه بتتمشي

و حصل ليا موقف بسبب الناس اللي مش بتبص علي الشارع خالص.....وتعتير من اكبر المشاكل اللي حصلتلي و كنت ممكن اتحبس فيها ......مع اني و الله ما انا غلطان....بس الحمد لله ربنا ستر في الاخر

يعني بجد نفسي اعرف ....هي الناس ديه مش خايفه علي روحه ليه......لو عايز ينتحر .....يروح ينتحر بعيد عنا و ميعملناش مصايب.....