الموضوع: تحقيق شامل عن عماره رشدي (عماره العفاريت)

المشاركة الأصلية كتبت بواسطة R A N A

دانت قلبك إسود بشكل ياشنوري
انت لسة فاكر الموضوع ده
، ياساتر عليك
يعني انا فوت موضوعك بتاع اوضة التليفزيون بتاعتكوا في البيت اللي صورتها وعملت بيها موضوع قهرت بيه الاعضاء من كام يوم ومحبتش اخش احقد واقر زي ماناس كتير عملت وقلت يالا مش مشكلة ربنا يوسع عليهم وعلينا .
تقوم تخش تقولي بنزين 92
طب ياجماعة بقي للعلم بس
شنوري المنتدي كله عارف انه عنده محل موبايلات في اسكندرية والمفاجاة بقي اللي محدش يعرفها انه فاتح شركة اتصالات كبيرة في الإمارات وبيسافر هناك مرتين ثلاثة في الاسبوع عشان يشوف ارباح الشركة وصلت لفين وبالمرة يجيبله كام حتة موبايل كده للمحل اللي في اسكندرية اللي بالطبع عامله مجرد واجهة عشان يداري بيها الثراء الفاحش اللي هو فيه ومداري علي الاعضاء ومدعي الفقر والعربية القديمة اللي بيقابل بيها الاعضاء دي هو اللي جايبها للبواب بتاع الفيلا اللي هو بيمتلكها واللي راكن في جراجاتها (واخدين بالكم مش جراج واحد لا جراجات كمان ) عدد من العربيات الفارهة واللي تتراوح مابين لامبورجيني وفيراري بطرازات مختلفة كمان وعربية المشاوير بقي هي بورش كاين والكلام ده من مصادر موثوق فيها جدا
وعارفين بقي العمارة اللي هو بيحكي عنها دي في الاصل عمارته وهو اللي بانيها وحاطط فيها العفاريت بتوعه دول عشان مالوش مزاج يسكن فيها بني ادمين دلوقتي وعشان لما يظهر ملكيته الحقيقية ليها فيما بعد (بعد مالسعر في المنطقة دي يولع اكتر ماهو مولع اصلا ) الناس تفتكر انه اشتراها برخص التراب بقي عشان فيها عفاريت وكده .
حتى إسالوا البواب بتاع العمارة هايقولك دايما نسمع العفاريت بالليل قاعدين عاملين حفلة وعمالين يغنوا
إدعوا لعم شنوري بطولة العمر الله يخليه .... الله يخليه ويبارك فيه
(طبعا ماهو مسكنهم في ارقي احياء الاسكندرية )
هاتسكت ياشنوري ولا أكمل؟

يا حبيب قلبى يا شنورى وانا بقول ليه بحبك كده من زمان لله فى لله وحاسس فيك بابتسامة امل

مش عاوز مدير اعمال او حد يمسكلك فرع الامارات

المشاركة الأصلية كتبت بواسطة جمال

حلوة اوى اوى
كدة عرفنا اصل كلمة شنورى جاية منين

ههههههههههههه و الله و عرفوك يا شنورى .

السلام عليكم
فعلا موضوع شيق وجميل وللاسف العماره موضوع الحديث فات عليها سنين واجيال من الناس يتوارثون هذه المعتقدات عنها
ولكن انا لى حكايه مع هذه العماره
لى صديق رجل اعمال بريطانى الجنسيه عراقى المولد يعمل فى مجال العقارات اتصل بى من القاهره فى يوم وقال لى هل سمعت عن عماره رشدى؟؟ ايه رايك فيها واللى بيتقال عليها؟؟
طبعا اول سؤال سالته انت عرفتها منين؟
قاللى من برنامج تليفزيونى يعرض قصتها على احدى القنوات الفضائيه
ورديت ان قصتها زى ماتم ذكره بالمشاركه ان الناس بتسكن فيها وتلاقى نفسها تانى يوم فى الشارع بس قلتله انا ليا ملاحظه غريبه ان جراج العماره مستخدم والبواب بتاع المنزل الملاصق ليه موجود وبيجرش عربيات تحت العماره ومافيش القلق ده
قاللى انا نازل اسكندريه اشوف الموضوع ده بنفسى
وفعلا اتقابلنا وحكالى انه شافها فى التليفزيون وانه عايز يشترى العماره دى واذا كان الموضوع جن وعفاريت عنده اللى يطلعهم من العماره
المهم رحنا موقع العماره انا وصديقى واول ما شفها قعد يتمتم بكلام غريب ويقرا بعض الايات وطبعا انا مندهش من اللى بيعمله المهم بعض ماخلص قرايه التعويذه بتاعته اتكلم حوالى ربع ساعه بالموبايل
وقاللى احمد انت عارف الناس مابتجيش هنا العماره دى ليه؟؟
طبعا علامه التعجب ظهرت على وجههى وقولتله ليه؟؟قول انتى بااااااااه؟؟
قاللى هنا اعوذب الله من الشيطان الرجيم مركز قياده ابليس
طبعا علامه التعجب اللى ظهرت على وجههى كبرت ورديت عليه بسخريه
يعنى ابليس كل يوم بيسرح الشياطين بتاعته على الناس من العماره دى؟؟
قاللى ايوه حاجه زى كده
قلتله طيب انا سمعت عن الناس اللى بطلع الجن لكن ماسمعتش عن واحد بيطلع ابليس من مركز قيادته؟؟
قاللى انا معايا شيخ سره باتع هو بتاع المصائب دى بس ليه شرط؟؟
قلتله ايه الشرط؟؟
قاللى انه يشاركنى فى العماره لانى هاشترى العماره بالارض واهدها وابنى برج مكانها وهو عايز يشاركنى بنسبه 70% من الارباح
طبعا انا سمعت 70% افتكرت فيلم خالتى نوسه والدجال اللى كان ضد محمد هنيدى فى الفيلم
وطبعا كان ردى انك هاتشاركه ب30 % وانت صاحب راس المال وكل شى وهو هاياخد 70% طبعا ده نصااااااااااااب
طبعا اقنعته بالموضوع وقولتله فى مثل عندنا فى مصر بيقول لو فيه الخير ماكان رماه الطير يعنى ان فى ناس من اهل البلد حاولت كتير فى العماره دى ولحد الان مازالت سر مغلق لا احد يعرف حقيقتها وانه باب مغلق لا تعرف ماذا وراءه
واقنعته ان كتير احيانا لابد من وجود ابواب مغلقه ولابد ان تكون مغلقه ولا تحاول فتحها لان الابواب دى لو اتفتحت ماتعرفشى ايه اللى وراها وانها للموعودين وليس للحسابين اى ان الباب سيفتحه شخص فى يوم من الايام ولكنه هو مكتوب له انه سيفتحهه بينما من الممكن ان تحسب لها سنين وسنين ولا تجد المفتاح

خد عندك ياسيدى وادى قصه تؤكد الكلام الى احنا بنقوله ان الكلام ده موجود والموضوع مش كذب واختراعات مصرين

المشاركة الأصلية كتبت بواسطة misoalex

بصره يا باشا انت غاوى تعرف حاجات عن المواضيع دى زى
بس انت لو عملت بحث على النت كويس عن كتاب شمس المعارف حتلاقى صفحات منه وعلى فكره منصحش حد يقرأ الصفحات دى خاااااااالص وحتى الى رافعها كاتب كده انا معرفش هى لسه موجوده ولالا لانى بقالى كام سنه مش متابع العالم الواسع ده بجد عالم فظيع وربنا يكفينا شره
وبعدين يا شنورى باشا فينك وصحيح حتعمل المقابله الجايه فى عماره رشدى

انا حابب بس انبه الى ان كتب السحر دي كلها شركيات ياريت ماحدش يقراها