مقارنه بين التيريوس والتيجو1600

**dodino2006** · 22-11-2009 04:38 PM

المشاركة الأصلية كتبت بواسطة mahora

معلومة بس صغيرة...... التيريوس 2010 الهاى لاين وصلت 150.000 جنيه فقط لاغير..... و الوكيل بيزودها كل سنة من 4-6 الاف جنيه..... و اعتقد ده ابلغ دليل على اد ايه هى مطلوبة رغم الارتفاع المستمر فى سعرها..... لان الناس عارفة كويس هى بتشترى ايه و توبه ايه.....

انا اخويا معاه التيريوس ٢٠٠٩ الهاي لاين و بصراحة مبسوط منها جدا

**dodino2006** · 22-11-2009 04:47 PM

المشاركة الأصلية كتبت بواسطة Hegazio

لأ .. برضه Very Cost Effective

طيب ماشي اللي حضرتك تشوفه، بس انا اعرف ان حضرتك مدير تسويق في شركة ادوية، هل ممكن تستعمل دواء او تتحمل مسئولية تسويق دواء تم رفضه عن طريق ال FDA ؟ اكيد طبعاً لا....

اللي انا عايز اقوله ان التيجو اكيد برضه هتبقي cost effective في امريكا برضه، و لكن علشان هما دولة عندهم معايير عالية للجودة، فالعربية مش بتدخل امريكا اساساً، و علشان كده العربية مش هتدخل في اي حسابات cost effectiveness بالنسبة للمستهلك الامريكي، و بما اننا معندناش في مصر هيئة محترمة لقياس معايير للجودة، يبقي احنا نحسبها بنفسنا و نستفيد بهيئات قياس الجودة في الدول المتقدمة و نعتبرها عربية مش موجودة اساساً في السوق، بالظبط زي ما بنرفض استخدام دواء غير مصرح به من ال FDA حتي و لو مسموح بدخوله مصر

**Hegazio** · 22-11-2009 11:57 PM

مش قادر اجادل اكتر من كده بصراحة
ما تشتريهاش يا سيدي

**zkralla** · 23-11-2009 03:08 PM

التيجو والصينى بصفة عامة فى راى انه مقامرة ممكن تكسب وممكن تخسر والايام الجاية هى الى هتحدد ده هل العربيات هتصمد ولا لأ

**madoo** · 27-11-2009 03:48 AM

المشاركة الأصلية كتبت بواسطة Ghost2

طيب انا معاك ان العربيتين واقفين جنب بعض وهما زيرو ان التيجو تتفوق .. حضرتك المفروض قبل ما تكتب الموضوع تدخل قسم سبيرانزا وتشوف تقارير التيجو عامله ازاي والناس باعتها ليه ... ومشاكلها ايه .. وزي مابقول التيجو وهي في المعرض تكسب .. احنا ممكن نوقفهم جنب بعض بعض ست شهور .. وانا واثق من كلامي وبقولك ست شهور .. واتفرج . يا راجل ده في واحد معانا في المنتدى هنا الفرش بتاع الباب والتابلوه بدأ يقشر بعد شهرين .. اعذرني بس لسه بدري على الصيني .. ياريت احنا كمصريين نبطل نقارن بالفئة السعرية .. في حاجات تانيه كتير .. يعني مش هدفع 80 الف مثلا عشان اركب عربية كاملة وبعد سنتين اخسرهم لمجرد اني اخترت غلط .. معلش لو كلامي ضايقك بس انا بفكر بمنطقيه شوية