هل تشتري السياره ذات الماركة و الإسم المشهور أو تشتري ذات الكماليات بدون النظر للإسم

**SharpArrow** · 11-11-2009 09:56 AM

المشاركة الأصلية كتبت بواسطة mahora

اختيارات الاستطلاع ناقصة..... لانه ممكن تكون ماركة مشهورة لكن سعر موديلاتها مبالغ فيه و بالتالى يؤدى هذا الى استبعادها..... كما ان الكماليات فقط بدون خدمة توكيل جيدة و اعتمادية عالية كما فى حالة معظم السيارات الصينى لن تكون اختيار جيد..... الاختيار السليم هو الحد المعقول من هذه العناصر: الكماليات مع الاعتمادية مع خدمة التوكيل الجيدة.....

يبقى فيات لينيا برضه

**kareemhisham** · 11-11-2009 10:09 AM

الوسط دايما حلو ..

يعنى انا مثلا احب يبقى تحت ايدى عربية ادائها كويس ..

فمينفعش مثلا اقول ماركة و تاريخ و اروح اشترى جراند بونتو 77 حصان ..

و عشان كدة اخترت الكورولا ماركة و تاريخ و فيها امكانيات و اداء كويس .. زايها زاى السيفيك و المازدا و الجيتا ..

انا شايف ان المفروض اليشترى عربية ميتنزلش عن حاجة فيهم ..

و العربيات البتجمع بين الاتنين موجودة فى كل الفئات السعرية

**amrhos** · 11-11-2009 12:58 PM

السلام عليكم
أولا أشكر الجميع جدا للمشاركه بالراي و المشوره

السيد / mahora أنا أقصد أن يكونوا اختيارين فقط و ذلك للمقارنه بين السيارات المراد شرائها بنفس الفلوس اللي انا هشتري بيها ....
يعني انا معايا 100000 جنيه أركب بيهم ايه !! عربيه كااااااامله و مش ماركه ثابته نفسها أو اركب عربيه ناقصه شوية كماليات بس إسم أو ثابته نفسها في السوق ... المقارنه اقصد بها ذلك في ضوء الواقع الشخصي أو التجربه الشخصيه لكل مشارك .....

السيد / kareemhisham كلامك سليم.. يعني أن مقياسنا في الاختيار لأن انا عاوز ايه في العربيه اللي انا هشتريها .....

السيد / hibbsa مع كامل إحترامي و تقديري و لكن أظن أن هذا ليس مكان عرض اللينيا المستعمله فهناك مكان للبيع و الشراء ....

السيد / tutankhamoun كلام في الصميم .....

السيد / momopersona معاك حق في بعض النقاط و لكن الواضح في الغالب من التجارب إن الاسم ما بيفرقش بس في تحقيق المكاسب !! و لكن الجوده و الاستمراريه بدون ما تزهق من العربيه و من وكيلها و صيانتها و خاماتها اتضح من التجربه إنها بتفرق فعلا في الاسم الكبير و اراء الناس علي المدي الطويل ..... حتي لو العربيتين في نفس السعر ....

و شكرا لكم جميعا و أرجو كل من له تجربه شخصيه في صلب الموضوع ان يشاركنا لتعم الاستفاده و شكرا لكم جمييييييييييييييييييييعا .....

**SharpArrow** · 11-11-2009 02:36 PM

انت بتقول معاك 100000 جنيه
اللينيا زيرو بتبدأ 96000 - 120 حصان
جميع الكماليات 106000 - 120 حصان برضه
انا مجبتش سيرة مستعمل نهائي

**SharpArrow** · 11-11-2009 02:41 PM

اللينيا نزلت حوالي 20 الف عن سعرها اللي كان ب 126000

بس ملحوظة فيه واحد لسه مشتريها بيقول ان السعر ده عرض مؤقت و قرب ينتهي فا لو حبيت العربية الحقها بالسعر ده

**amrhos** · 14-11-2009 11:53 AM

أسف hibbsa أنا فكرتك تتكلم عن مستعمله !!!

**SharpArrow** · 15-11-2009 08:13 AM

لا ياباشا ولا يهمك :)
و بالمناسبة انا جربت العربية بنفسي
بجد تحس انك راكب باسات على اصغر شوية (حجما)
و تسارع رهيب بالتربو بتاعها كانها 1800 او 2000 سي سي
تطحن الالنترا و السيراتو و الصني و المازدا 3 و السيفيك و اكتر من كده
ما شاء الله عربية اكتر من رائعة
و حلال كل قرش يدفع فيها

**momopersona** · 16-11-2009 02:37 AM

يا استاذamrhos انا مثلا وانا باشترى كان عندى فى نفس السعر تقريبا
شيفروليه افيو وبروتون برسونا
لما تبص للاسم تلائى طبعا شيفروليه ( طب اللى اشتراها عمل ايه باسمها ) كلها مشاكل عرفتها عن طريق سؤال ملاكها الصادقين وكمان خامات سيئة وتقفيل سيئ وسعر عالى لمجرد اسم شيفروليه والدعاية والانتشار و من نظرتى المتواضعة على العربية وقيادتها لئيتها اسم وسمعة فقط
وفى المقابل سألت ملاك بروتون كله بيشكر فيها رغم انها مش منتشرة بسبب الاسم وقلة الدعاية جربتها عجبتنى خاماتها افضل من شيفروليه مشاكل فى الكماليات فقط واللى مش موجودة اساسا فى ذات الاسم المشهور والحمد لله انى اشتريتها
لان بعد ماشتريت بروتون بدأت مشاكل الافيو تتعرف اكتر وسمعة الجين2 تزيد
دى تجربة فردية طبعا بس اعتقد ان فى ناس كتير اوى حصل معاها مواقف شبيهه وناس كتير مشيت ورا الاسم فقط وندمت

**momopersona** · 16-11-2009 02:50 AM

المشاركة الأصلية كتبت بواسطة hibbsa

انا شايف ان كلامك متعارض مع العربية اللى انت اخترتها
هي اه بروتون بقالها سنين قليلة بس هي مالكة لشركة لوتس اللى هي تكنولوجيا رهيبة و سمعة كبيرة و اسم محدش يقدر يستقل بيه
ثانيا هي اه سعرها معقول جدا بس قطع غيارها ناااااااااار و صيانتها نااااااااار

اعتقد انك بصيت للاسم و انه يفرق معاك والا كنت جبت حاجة صيني مثلا

اولا فعلا موتور وعفشة اللوتس اللى فى بروتون قويين جدا بس الموتور والعفشة مش كل حاجة يعنى انا ماشتريتهاش عشان اسم لوتس
بروتون شركة لسه مش مشهورة اوى ولكن ملاكها بيشكروا فيها جدا بعكس شركة زى شيفروليه (افيو) مشهورة جدا و لكن ملاكها مابيشكروش فيها فلازم الواحد يبئا ليه نظرة وميمشيش ورا الاسم والسمعة فقط
ويسأل ملاكها الصادقين اللى خايفين عليه فقط
وأأكدلك ان لو العربيات الصينى ملاكها الصادقين اللى بيخافو عليا بس قالولى ان هى حلوة وانا عجبتنى كنت اشتريتها بس ده محصلش
ااه وعلى فكرة قطع غيار بروتون رخيصة ومتوفرة حاليا خارج التوكيل واسعارها ارخص من الكرولا والصنى مثلا بس اكيد مش زى اللانسر البوما (يعنى فى المتوسط)

**Ghost2** · 16-11-2009 03:54 AM

اكيد اشوف عربية ليها اعتمادية واسم وشركة ليها سمعتها ومحافظة عليها

مشاهدة نتائج الإستطلاع: أيهما تختار و تقرر عند القرار بالشراء ؟؟؟

الموضوع: هل تشتري السياره ذات الماركة و الإسم المشهور أو تشتري ذات الكماليات بدون النظر للإسم

LinkBack

أدوات الموضوع

عرض

-

-

أشكر الجمييييييييييع -

-

-

-

-

-

-

-

المواضيع المتشابهه

ماذا تشتري في فئة من 70 الف الي 85 الف

تشتري اية لو مكاني ؟

لو معاك 80 الف تشتري ايه ؟؟؟؟

اي لانسر تشتري

قبل ما تشتري سيارة لازم تشتري الخاتم دة

الكلمات الدلالية لهذا الموضوع

المفضلات

المفضلات

ضوابط المشاركة