الموضوع: هل تشتري السياره ذات الماركة و الإسم المشهور أو تشتري ذات الكماليات بدون النظر للإسم

المشاركة الأصلية كتبت بواسطة hibbsa

مع احترامي لكل ملاك شيفرولية انا مقصدش اشتم حد
بس انا بتكلم عن عربية لو هنت فيها شوية اخرها 10 او 11 سنة و تلاقيها فيصت خلاص
انما لو عربية اوربى او ياباني تعد معاك بال 40 و 50 سنة لما تبدأ تكحكح فعلا
تكنولوجيا كوري مفيش بمعنى مفيش (كله مقتبس من الياباني و الاوربي) حتى الشكل في بعض الموديلات مفيش ابتكار
بص الكوري حلو بس كله مقتبس و انا مبحبش المقتبس لان مهما اقتبست من مطور للتكنولوجيا عمره ما هيديك احسن حاجة عنده اكيد هيديك الاقل دايما عشان هو الاصل و لازم يفضل مميز

مثال:
تكنولوجيا vvt اللي موجودة في النيو اكسنت دلوقتى ده فيات مبتكراها من سنة 1960 اصلا و اول موديل استخدمها كان الفا روميو عام 1980 و دلوقتى كل عربيات فيات موجود فيها التكنولوجيا دي ومن غير ما تكتب فيات كده عليها اصلا لانها تكنولوجيا قديمة و يبقى عيب اننا اتمنظر بتكنولوجيا انا عاملها من 50 سنة
دلوقتى النيو اكسنت حطاها على عربياتها عشان تغري الناس و كتير اوي فاهمين انها مش موجودة غير في النيو اكسنت

مثال تاني:
الايزي ترونيك
قللي كام عربية كوري فيها الايزي ترونيك (مش ستب ترونيك)
و هو موجود في معظم العربيات الاوربي و الياباني و الاوربي اكتر
البونتو اللى معايا فيه منها ايزي ترونيك بس منزلتش مصر

و خد من ده كتير
عشان كده انا مبحبش الكوري ولا عمري هشتريه
و لو شفت اي موديل كوري لو رحت لنفس الفئة منه ياباني او اوربي ممكن يكون اغلى شوية (ان مكنش نفس السعر) بس احسن منه بمراحل
عمرك شفت شيفرولية اوبترا بتطلع من بي ام دبليو 316i؟ مستحيل طبعا عشان فرق التكنولوجيا
ولا الكروز تطلع منها
و الاوبترا متطلعش من اللينيا 1400 سي سي بالعكس اللينيا تبهدلها و تزعل صاحبها
و غيره و غيره

يعنى الكورى اخره 10 11 سنه ويفيص

واليابانى والاوروبى يبدأ يكحكح بعد 50 سنه

بصراحه مش مقتنع

لان اولا مهما كان نوع العربيه اهتمامك بيها وطريقة السواقه والصيانه وغيره بتفرق جدا فى عمر العربيه

واى عربيه مهما كانت بعد فتره بتحتاج تتصلح ويتغير فيها حاجات وتعمل عمرات عشان تكمل

فمش منطقى ان العربيه اليابانى والاوروبى بعد 40 سنه تبقى مازالت ماسكه نفسها وماشيه وجميله

والكورى 10 سنين وتضطر ترميه

لأ بيتصلح ويكمل وشغال

وبعدين فى العصر الحالى معتقدش حد لسه بيفكر فى عربيه تعيش 50 سنه

طبعا معروف ان الاوروبى واليابانى هما رواد صناعة السيارات وسابقين الكورى وان الكورى طلع بعديهم واحدثهم

بس مش معنى ان جه بعدهم ان يبقى مش كويس وكل حاجته اقتباسات وتقليد وخلاص

لو اتكلمنا بشكل عام عن الكورى وغيره من العربيات على مستوى العالم

فحاليا السيراتو والالنترا بيتحطوا دائما مع الكورولا والسيفيك وغيرهم عادى واحيانا ناس بتفضلهم

الجينيسيس اتقارنت بال بى ام وتفوقت عليها فى حاجات

اما لو اتكلمنا على مصر هاتلاقى ان الكورى انسب حاجه لعدة اسباب

عربيات فيها كل شئ فى اليابانى مواتير وجير بوكس وتقفيل كويس وسعرها ارخص ومش مكلفه فى الصيانات وقطع الغيار وفى اعادة البيع سعرها كويس وشكلها حلو

اليابانى ممكن ميزدش عنه فى اى حاجه ويمكن يقل ويبقى اغلى كمان طب ليه ؟ يقوللك اصله معمر !!! معمر اد ايه ؟

اما بالنسبه لموضوع الشد فالاوبترا مش عربيه شد اوى لان موتورها 107 حصان فاكيد مش هاتطلع من بى ام

مش عشان فرق التكنولوجيا عشان فرق الهورس باور

البى ام كام حصان ؟ بيتهيألى 122 حصان

فاللى يشد معاها لازم يبقى قريب منها فى الهورس باور على الاقل

يعنى مثلا سيراتو او النترا

واللينيا برضه عربيه 120 حصان بتربو ووزنها مش تقيل فلازم تبقى جامده

يعنى الموضوع هورس باور مش تكنولوجيا

وبعدين اشمعنى البى ام واللينيا التربو اللى قلت عليهم

ما الكورى ممكن يسبق 20 عربيه اوروبى غيرهم

الاوبترا تطلع من اللينيا ال 77 حصان وانا حاطط رجل على رجل وتطلع من عربيات اوروبى كتير الهورس بتاعها مش جامد

هل معنى كدا ان الكورى افضل وفارق عنهم فى التكنولوجيا ؟

فى النهايه انا مش قصدى خالص ان الكورى احسن

بس مش حقير ولا بعيد عن اليابانى والاوروبى ولا هما افضل بمراحل

المشاركة الأصلية كتبت بواسطة hibbsa

ياباشا انا كمان مش قصدي احقر من الكوري
بس اللى اقصده انه مقارنتا بالاوربي حاجة صغيرة اوي
و بعدين اللينيا 1400 سي سي
لو 77 حصان شديدة برضه بس طبعا عشان فرق ضخم في الهورس باور السيراتو و الالنترا هتطلع منها
لكن ال 120 بتطلع بمنتهى السهولة من السيراتو رغم ان السيراتو 1600 سي سي 124 حصان
يعني موتور اكبر و هورس باور اكتر
طب ازاي؟؟؟ تبقى دي مش تكنولوجيا؟

و موضوع الناس حابه ايه و سعر اعادة البيع ايه دي مش مقياس لجمال العربية
ماهي الفيرنا قد ما معروف انها ثبات زبالة و خامات و تقفيل وحش الا انها منتشرة بشكل كبير جدا
و ده اعترف انه غباء من وكيل فيات في مصر و ايطاليا كمان
انهم لازم يسوقو عربياتهم احسن من كده و يعملولهم تست درايف عشان الناس تشوف امكانياتها و تعرف هي جامدة قد ايه

فا مش معنى ان العربية منتشرة و محبوبة تبقى احسن من اي عربية تانية في فئتها

على فكره الكروز برا بتنزل بموتور Ecotec 1400 تربو

140 حصان

تخيل دى لو شدت مع اى عربيه من اللى انت بتتقول عليهم دول هاتعمل فيهم ايه ؟

دى تكنولوجيا ولا مش تكنولوجيا ؟