هل تشتري السياره ذات الماركة و الإسم المشهور أو تشتري ذات الكماليات بدون النظر للإسم

**Hosam_Optrawy** · 16-11-2009 02:44 PM

المشاركة الأصلية كتبت بواسطة momopersona

طب انا هاسألك سؤال
لو شيفروليه اوبترا نزلت باسمها الحقيقى دايو نوبيرا كان حد اشتراها ؟؟؟؟؟؟؟؟؟؟؟؟؟؟؟؟
بروتون نزلت باسمها الحقيقى واتباعت من غير جنيه دعاية ولا اى حاجة باعت نفسها ومانزلتش اسمها (لوتس) مثلا وكان ساعتها ماحدش هايعرف يقارنها بالعربيات الكورى
وعلى فكرة بروتون مش احقر من دايو ابدا والعربيات الدايو ديه تركبها النهاردة جامده جدا كمان 5 سنين ماتعرفش تركبها وعلى فكرة لو على السواقة البروتون سواقتها امتع من الكروز اللى هى دايو لاسيتى بس بعد الكذب على المصريين بئت شيفروليه كروز عشان تتباع بس

الدايو نوبيرا من اكتر العربيات الناجحه فى مصر

من ايام ما كانت كورى وحتى ما بقت تقفيل مصرى مازالت ناجحه وبتبيع

طبعا لما اتقفلت فى مصر بقت اقل شويه

والاوبترا ايا كان اسمها وعلامتها فهى عربيه ممتازه وكورى 100 % وطبعا كانت هاتبيع

وعلى فكره انا ماقولتش بروتون احقر من دايو

انت كدا فهمت كلامى غلط

انا بقول مادام الكورى والدايو تعتبر عربيات حقيره جنب الامريكانى يبقى اكيد كمان البروتون برضه جنب الامريكانى حقيره

وعلى فكره الدايو اللى انت بتقول عليه اخره 5 سنين ماشى بقاله 12 سنه ( اما نشوف بروتون هاتعمل ايه )

وبالنسبه لمتعة السواقه فدى حاجه ترجعلك ماقدرش اناقشك فيها كل واحد بيستمتع بطريقته وبحاجات معينه

وعلى فكره موضوع الدايو والشيفروليه والافلاس والكذب انت فاهمه غلط خالص

الموضوع مفيهوش اى كدب وخداع

كل شئ واضح ومعلن ومعروف

**Hosam_Optrawy** · 16-11-2009 02:57 PM

المشاركة الأصلية كتبت بواسطة momopersona

يا راجل !!
اللانوس عربية كويسة و مظهرش منها عيوب عشان كده اتباعت بس برده مش بكميات زى الفيرنا واللزجان مثلا لكن النوبيرا اسأل اى حد هايئولك عفشة وفتيس وقطع غيار بتتغير بسرعة وصاج خفيف
ومفيش نوبيرا 2009 على فكرة
وعلى فكرة الاوبترا اول مانزلت اتباعت جامد ودلوائتى نادر اما بشوفها بورقها او منغير نمر بسبب ان الناس عرفت خلاص كل حاجة عنها
بعكس عربية زى البروتون كل سنة مبيعاتها بتزيد عن اللى قبلها ومن غير دعاية

النوبيرا كانت مع صديق ليا موديل 2005 وعمل بيها كيلومتر كتير ومعملتش معاه مشاكل جايز هو كان حظه كويس فى العربيه ( ماهى برضه تقفيل مصرى والتقفيل المصرى حظوظ )

موضوع المبيعات دا اللى يحكم فيه هو السوق

انا مش عارف انت بتقول كدا على اساس ايه ؟

واضح انك ماتعرفش ان شيفروليه واخده المركز الاول فى المبيعات فى مصر عام 2008

وقبلها ب 4 سنين هيونداى

وبروتون مابتجيش حتى لا مركز تانى ولا تالت ولا رابع !!!

**momopersona** · 16-11-2009 03:07 PM

المشاركة الأصلية كتبت بواسطة hosam_optrawy

النوبيرا كانت مع صديق ليا موديل 2005 وعمل بيها كيلومتر كتير ومعملتش معاه مشاكل جايز هو كان حظه كويس فى العربيه ( ماهى برضه تقفيل مصرى والتقفيل المصرى حظوظ )

موضوع المبيعات دا اللى يحكم فيه هو السوق

انا مش عارف انت بتقول كدا على اساس ايه ؟

واضح انك ماتعرفش ان شيفروليه واخده المركز الاول فى المبيعات فى مصر عام 2008

وقبلها ب 4 سنين هيونداى

وبروتون مابتجيش حتى لا مركز تانى ولا تالت ولا رابع !!!

لو فاهم ان المبيعات سببها جودة السلعة بس تبئا فاهم غلط
فى عوامل تانية كتييير زى الدعايةوالترويج وخدمة ما بعد البيع والشكل ....الخ
والدليل عربية زى الاودى او الفولفو ليه مانتشروش فى مصر ماتئوليش مثلا ان بى ام دبليو احسن من اودى مثلا
لكن لمجرد ان فى مصر الناس ليها طريقة تفكير غريبة بجد

**Hosam_Optrawy** · 16-11-2009 03:17 PM

نعم !!

طب اسأل ملاكها كده

على فكره انا مش بحب النوبيرا بس الواقع والمبيعات والانتشار هما اللى بيقولو انها ناجحه

وزى ما انت قلت انا هاسيب الملاك يردوا عليك بخصوص النوبيرا

طبعا ده الكلام التقليدى اللى ملوش اى اساس من الصحة لان مثلا مش ممكن العفشة لما تتركب فى كوريا هاتبئا سليمة ولما تتركب فى مصر هاتبئا بايظة ونفس الكلام على الفتيس مثلا المشاكل اللى ممكن تظهر هاتبئا مشاكل تافهة زى تقفيل الصالون مثلا

لأ ليه اساس من الصحه لان اولا معنى ان العربيه تبقى تقفيل مصرى يعنى فيها اكتر من 40 % مكونات مصريه

غير ان الايدى العامله ومدى كفاءة المهندسين والمصانع والالات المستخدمه فى التجميع مستحيل تبقى فى نفس مستوى كوريا

اكيد اسوأ بمراحل

طب فهمنى ليه بتنزل باسم فى مصر وباسم تانى بره مصر

زى ما قولتلك جنرال موتورز بتمتلك كذا شركه

بتنزلها فى كل بلد حسب السوق والبلد اللى هاتنزل فيها وتناسبها

يعنى فى امريكا نازله سوزوكى

وفى استراليا هولدن

وكوريا دايو

وعندنا شيفروليه

ولما نزلت عندنا محدش ضحك علينا وجه يقول دى امريكانى

لأ معروف ان دى عربيه كورى خارجه من مصنع دايو فى كوريا وعليها علامة شيفروليه واللى حط عليها علامة شيفروليه هى شركة جنرال موتورز وهى اللى بتختار

ممكن مثلا تكون اختارت شيفروليه عشان شايفه ان وكيل شيفروليه فى مصر افضل واقوى وعلاقته بجنرال موتورز افضل والمبيعات معاه هاتبقى أفضل وفرصها احسن

**Hosam_Optrawy** · 16-11-2009 03:21 PM

المشاركة الأصلية كتبت بواسطة momopersona

لو فاهم ان المبيعات سببها جودة السلعة بس تبئا فاهم غلط
فى عوامل تانية كتييير زى الدعايةوالترويج وخدمة ما بعد البيع والشكل ....الخ
والدليل عربية زى الاودى او الفولفو ليه مانتشروش فى مصر ماتئوليش مثلا ان بى ام دبليو احسن من اودى مثلا
لكن لمجرد ان فى مصر الناس ليها طريقة تفكير غريبة بجد

لا المبيعات فعلا مش جوده وبس

بس اكيد برضه مش معناه التقليد الاعمى وخلاص

هى مجموعة عوامل وبتتوفر فى عربيه عشان كدا بتنجح

وانا باتكلم عن العربيات نفسها بشكل عام بغض النظر عن الوكلاء والاسعار وظروف السوق

كعربيات مازال الكورى 100 % افضل

**Hosam_Optrawy** · 16-11-2009 03:45 PM

المشاركة الأصلية كتبت بواسطة momopersona

الكورى الافضل 100 %
ده رأيك انت
وانا رأيى الجين 2 او البرسونا مثلا افضل من اى عربية كورى فى نفس فئتها السعرية
و كلها اراء والحمد لله بتعمة القناعة اللى عندنا وبجد انت من اكتر الناس المحترمين فى المنتدى ده و المناقشة معاك حتا لو في اختلاف فى الرأى ممتعة
بس نصيحة جرب البروتون هاتقتنع بيها جدا وربنا يباركلك فى الاوبترا اللى معاك

ياباشا ربنا يخليك شكرا لذوقك

انا اللى اتشرفت بالمناقشه معاك

وربنا يباركلك فى البيرسونا

-

-

-

-

مشاهدة نتائج الإستطلاع: أيهما تختار و تقرر عند القرار بالشراء ؟؟؟

الموضوع: هل تشتري السياره ذات الماركة و الإسم المشهور أو تشتري ذات الكماليات بدون النظر للإسم

LinkBack

أدوات الموضوع

عرض

-

-

-

-

-

-

المواضيع المتشابهه

ماذا تشتري في فئة من 70 الف الي 85 الف

تشتري اية لو مكاني ؟

لو معاك 80 الف تشتري ايه ؟؟؟؟

اي لانسر تشتري

قبل ما تشتري سيارة لازم تشتري الخاتم دة

الكلمات الدلالية لهذا الموضوع

المفضلات

المفضلات

ضوابط المشاركة