الموضوع: ألف شكر لسيادة العقيد خالد .. وزيارة للتوكيل

المشاركة الأصلية كتبت بواسطة hobby10

احب اشكر كل اعضاء المنتدى الكرام وحوش رينو وبالاخص استاذ خالد

انا قابلت استاذ خالد فى التوكيل ومشكورا عرفنى على مدير الصيانة مهندس محمد عادل وفعلا عمل مجهود كبير جدا معايا وطبعا وقته الثمين فى مساعدة اى زميل او زميلة فى منتدنا الكبير
...... انا بقدمله شكر كبير جدا وتقديرى واحترامى ..... وجزاه الله كل خير

استاذ خالد برضه والكلام ده قدامى اتكلم معاهم فى قصة ان مهندس منهم يحاول يشارك معانا ويفيدنا ... وهم وعدوا بالمحاولة فى القصة دى ... وربنا يسهل ( وبرضه بشكر استاذ خالد على اهتمامه الملحوظ ده بالمنتدى وبكل الاعضاء والحرص على استفادتهم)


دلوقتى بقى احب اتكلم على الملحوظات اللى كنت رايحة التوكيل علشانها وايه اللى تم فيها

1.صوت الموتور عالى فى السلانسيه + صوت كركرة (مسموع جوه العربية + الازاز مقفول وبدون التكيف والعربية سخنة او باردة)

2.صوت فى السلانسية بيختفى لما ادوس على الدبرياج

3.مع فتح الكبوت بتطلع حرارة عالية + حرارة طالعة من تحت العربية بره

4.حرارة الموتور داخلة على العربية من ناحية دواسة البنزين ( محسوسة مع زيادة السرعة من اول 60)

5.الأر بى ام اى : افتح الإزاز كله مع بعض احس انه قل 0.1 ويزيدهم تانى وهكذا النور او اى حاجة

6.رجرجة بسيطة وانته طالع بالعربية (اكن الواحد لسة بيتعلم سواقة)

7.جسم العربية : فيه رعشة محسوسة فى الداخل فى السلانسيه والعربية سخنة او باردة

8.بدال البنزين : فيه زنة بمجرد الوصول لل 2000 rpm وعند ال 3000 وما بعدها بتكون محسوسة جدا

9.الدركسيون : احساس بال vibration بعد 3000 rpm

10.الفتيس فيه رعشة على طول سواء والعربية ماشية او واقفة بتزيد مع التكييف ومع زيادة السرعة . (ملحوظة بالعين والعربية واقفة) + مع زيادة السرعة ال vibration بيزيد الاحساس بيه فى اليد.

11.خشونة فى النقل احيانا ( وبالذات في الغيار الثاني لا يقبل الغيار الثاني بسهولة اذا كانت السرعة اعلي من (25) كم/س – فى احساس بمقاومة الغيار + لا يوجد اى صوت لعضة- )

12.بدال الدبرياج : بيعمل صوت

13.استهلاك البنزين : عالى شوية ( طريق القاهرة اسكندرية 6.6/100 سرعة 100– 120 بالتكيف معظم الوقت + جوه البلد 8 – 9.5 /100 من غير تكييف والسرعة من 0 الى 80) .

14.الولاعة مش شغالة

15.الكاسيت اوقات بيقفل لوحده

الكلام بقى اللى تم فى التوكيل كان الاتى

·نقطة 1 + 3 مركزناش فيهم ... حبقى اشوفهم معاهم بعدين

·نقطة 4 ... دى بقى تمام قاللولى خلال اسبوع تقريبا حيبدأوا يحطوا عازل للى بيشتكى من القصة دى جاى مخصوص للوجان من فرنسا ( مبررررروك )

·نقطة 5 .. طبيعى جدا

·نقطة 2 + 6 + 7 + 8 + 9 + 10 +11 +12 + 13 ... النقط دى كلها المفروض انهم على كلامهم بدون الدخول فى تفاصيل( من ناحيتهم) .... تضبيط للدبرياج + كان عندى بوجيه من الاربعة بايظ خالص (كان اسود) بمعنى ان العربية اكنها كانت شغالة 3 سلندر مش 4

< انا لسه حشوف العربية بالنسبة لكل النقط دى ايه بالضبط اللى اتحل منهم وايه اللى لسه لانى يادوبك رجعت بس من التوكيل ولسه منزلتش بيها تانى وحبقوا اوضح النتيجة ان شاء الله ... بس اللى عاوزة ااكد عليه انهم معترضوش على اى نقطة منهم وقالولى كل النقط دى حنشوفها عادى مفيش مشاكل وان شاء الله تتحل >

·نقطة 14 + 15 ... صلحوا الولاعة وقاللولى العيب فيوز بالنسبة للولاعة والكاسيت

الحمد لله الزيارة دى كانت مفيدة وارجو ان يكون اى حد عنده مشكلة من المشاكل دى ... يكون استفاد ان شاء الله ........ وانا عن نفسى حتابع العربية الكام يوم الجايين وابلغكم بالنتائج ان شاء الله

ألف شكر على الموضوع الجميل جدا ...
أنا كنت رايح التوكيل يوم الحد اللي فات في غير ميعاد الصيانة و كنت فعلا حاجز بس لظروف شغلي ماقدرتش أروح ...
و كنت مجهز لسته بالحاجات اللي عندي و كنت خايف تكون في حاجات طبيعية منها و يبقى شكلي و حش و المشوار ضربته على الفاضي ...
بي الحمد لله إني مارحتش لحد ما أقرا الموضوع ده ..
لأن تقرببا دي عربيتي بنسبة 95 % ...
النقط دي معظمها عندي ..
بس أنا كان لي سؤال .. هو الفرع اللي روحتيه كان فين ؟ اللي في العبور ولا في المقطم ؟
ويا ريت تقوليلي على مكان الفيوز اللي غيروه بتاع الولاعة والكاسيت ؟

المشاركة الأصلية كتبت بواسطة engziada

ألف شكر على الموضوع الجميل جدا ...
أنا كنت رايح التوكيل يوم الحد اللي فات في غير ميعاد الصيانة و كنت فعلا حاجز بس لظروف شغلي ماقدرتش أروح ...
و كنت مجهز لسته بالحاجات اللي عندي و كنت خايف تكون في حاجات طبيعية منها و يبقى شكلي و حش و المشوار ضربته على الفاضي ...
بي الحمد لله إني مارحتش لحد ما أقرا الموضوع ده ..
لأن تقرببا دي عربيتي بنسبة 95 % ...
النقط دي معظمها عندي ..
بس أنا كان لي سؤال .. هو الفرع اللي روحتيه كان فين ؟ اللي في العبور ولا في المقطم ؟
ويا ريت تقوليلي على مكان الفيوز اللي غيروه بتاع الولاعة والكاسيت ؟

الفرع اللى روحته العامرية فى اسكندرية .......... بالنسبة لمكان الفيوز مش عارفة صراحة

انا ليا بقى طلب عند حضرتك ........ ممكن تقولنا ايه بالضبط النقط اللى فى عربيتك

المشاركة الأصلية كتبت بواسطة col. Eng. Khaled

شكرا جزيلا لحضرتك يا باشمهندسة و شكرا جزيلا لكل وحوش رينو و أحب أأكد بإن أي عضو في رينو أو المنتدى عامة مش بيتأخر

عن اي مساعدة يقدر عليها لأي زميل / زميلة (طبيعة أعضاء نايل موتورز) .

أشكر من كل قلبي منتدانا الغالي نايل موتورز لكونه سببا لمعرفة أخوة و أخوات أفاضل ذو أخلاق عالية

لا أغفل شكر ماركة رينو العريقة محليا و عالميا لمحاولة رضاء عملاءها بشتى الطرق الممكنة .

تحياتي للجميع .

شكرا لمرورك ياسيادة العقيد ... وأأيدك بشدة فى شكر جميع الوحوش ونايل موتورز ورينو الجميلة

المشاركة الأصلية كتبت بواسطة hamed_73

لا بجد سياده العقيد شخصيه
ارفع لها القبعه احتراما وتقديرا
شكرا ليك بجد

[gdwl] متفقة معاك تماما[/gdwl]

والف مبروك ليكى وان شاء الله العربيه تكون بقيت احسن من الاول

[gdwl] يارب .... ان شاء الله[/gdwl]

المشاركة الأصلية كتبت بواسطة ahfares

مستنين تقريبا عندى نفس المشاكل

طيب هل وصلت مع الصيانة لاى نتيجة فى ملاحظاتك ؟؟؟

المشاركة الأصلية كتبت بواسطة bishoy02010

الف شكر للعقيد خالد وعقبال مفضى واروح التوكيل انا كمان :) ومتابع معاكى ومستنى التقرير بفارغ الصبر عشان بالتقريب عندى حاجات قريبة للى كانت عندك

شكرا على مرورك ......... وكنت عاوزة اعرف بالنسبة للنقطة دى عند حضرتك
.رجرجة بسيطة وانته طالع بالعربية (اكن الواحد لسة بيتعلم سواقة)

هى الرجرجة اللى عنكد واضحة قوى ولا عادى ولو ركزت شوية فى دوستك للبنزين هل مش حتحس بيها ؟؟؟

ومعلش لو تقدر تقوللى ايه بالضبط من النقط اللى قولتها عند حضرتك كمان ... التوضيح ده حيساعدنى

هل من الممكن فى المستقبل ان التوكيل يعمل خلال الصيانات الدورية check up على المشاكل العامة لأن من الواضح ان كل المشاكل اللى ذكرتها الزميلة من المشاكل المتكررة

المشاركة الأصلية كتبت بواسطة hobby10

طيب هل وصلت مع الصيانة لاى نتيجة فى ملاحظاتك ؟؟؟

للأسف لسه مرحتش صيانه أنا عامل 1500 كيلو فقط

الف شكر لمدير الصيانه محمد عادل
على المساعده
وله جزيل الشكر