أفضل ضغط لكاوتشات اللوجان

**أحمد كمال** · 10-11-2009 11:21 AM

المشاركة الأصلية كتبت بواسطة engziada

يعني يا جماعة أظبط كله على 28 و لا 30
و لا أظبط على 29 مع 33
و هل كل لما اقلل الضغط كده باريح العفشة ولا باتعبها و لو باريحها طيب ما أخليه على 25 بقى و أكبر ؟!!!!

29 امامي و 32 خلفي

طبعا اما تقلل بتريح العفشة بس لو قللت اوي لدرجة 25 هتخرب الكاوتش نفسه بدري بدري

**zkralla** · 23-11-2009 09:05 PM

المشاركة الأصلية كتبت بواسطة col. Eng. Khaled

إيه المنطق إني أخالف كلام الصانع ؟

+11111111111111111

**engziada** · 24-11-2009 01:22 AM

المشاركة الأصلية كتبت بواسطة zkralla

+11111111111111111

المنطق اللي إلى حد ما مقتنع به هو إن الصانع مش من البلد دي ..
و ده لوحده كفاية ..
لأن اللي ماشفش مصر مايعرفش شوارعها عاملة إزاي ..
و علشان كده بنقول اللي يشرب من النيل لازم يرجعله علشان مصر بتعلم في دماغه ..

**menocomp** · 24-11-2009 10:47 AM

أنا عملت الكاوتشات على 29 امامى و 32 خلفى نيتروجين من بريدجيستون عمارات العبور.
ياترى كدة تمام؟

**bishoy02010** · 24-11-2009 02:33 PM

المشاركة الأصلية كتبت بواسطة menocomp

أنا عملت الكاوتشات على 29 امامى و 32 خلفى نيتروجين من بريدجيستون عمارات العبور.
ياترى كدة تمام؟

تمام

**mrizk_3002** · 24-11-2009 10:16 PM

المشاركة الأصلية كتبت بواسطة menocomp

أنا عملت الكاوتشات على 29 امامى و 32 خلفى نيتروجين من بريدجيستون عمارات العبور.
ياترى كدة تمام؟

بكام حوار النيتروجين ده ؟؟؟

و نصيحه عامه في العلاقات المتعدده لضغط الكاوتش و عفشة العرابيه:

لما ضغط الكاوتش يذيد: العمر الافتراضي للكاوتش يذيد بس العفشه عمرها هيقل
و ده نتيجة ان سطح الكاوتش الملامس للاسفلت هيقل و بالتالي الاحتكاك و التأكل هيقل
انما العفشه هتتأثر لان الكاوتش هينقل كل اهتزازه يتعرض ليها من الاسفلت و الزلط الي اجزاء العفشه و بالتالي هتتعرض لكثير من الاهتزازات و هتستهلك العفشه اسرع.

و العكس بالعكس, يعني لما ضغط الكاوتش يقل--- العفشه هتعيش اكتر بس الكاوتش هيتاكل اسرع.

و اللي مكتوب علي القايم بتاع اللوجان ده هوه حل المعادله للحفاظ علي العفشه و الكاوتش لاطول عمر افتراضي, بس ارجع و قول ان الضغط اللي بتنصح بيه رينو ده بناء علي اختبارت معمليه علي طرق تختلف كثيراً عن شوارع مصر.

ولذلك الضغط المناسب ده يرجع لطبيعت كل واحد. لو انت عايش في منطقه الاسفلت فيها نضيف و مفيش زلط, يبقي الاحسن انك تظبط 29 امامى و 32 خلفى.
انما لو انت عايش في منطقه شوارعها زفت, يبقي ننصح انك تخفف الضغط شويه عشان تحافظ علي العفشه و مش هيأثر علي الكوتش قوي يعني ممكن تظبط علي 29 امامى و 30 خلفى

معلش علي الاطاله...

.

**أحمد كمال** · 24-11-2009 10:28 PM

و مين قال ان الصانع مش عارف البلد اللي بيصدرلها ظروفها ايه في الجو و البنزين و الطرق؟؟؟؟؟؟؟؟؟؟؟؟

**menocomp** · 25-11-2009 10:54 AM

المشاركة الأصلية كتبت بواسطة mrizk_3002

بكام حوار النيتروجين ده ؟؟؟
.

الفردة الواحدة ب 5 جنية..

المميزات:
1-حتعمل تشيك كل 5 اسابيع فقط.مش كل 5 يوم زى الهواء.
2-النيتروجين غاز خامل مبتأسرش بالحر او بالبرد ..علشان كدة الضغط اللى حتظبط علية مش حيتغير.
مع العلم انك لو حبيت تغير كوتش نيتروجين مفيش مشكلة ركب الأستبن اللى مليان هوا عادى جدا.

-

الموضوع: أفضل ضغط لكاوتشات اللوجان

LinkBack

أدوات الموضوع

عرض

-

-

-

المواضيع المتشابهه

ما هو أفضل موزع معتمد لشراء اللوجان ؟

أفضل مكان لتغيير زجاج اللوجان والسعر ؟؟؟

سيفيك سيدان تفوز بجائزة أفضل قيمة إجمالية, و أفضل إختيار آمن لعام 2010

أيهما أفضل كليو 2008 ولا اللوجان full option

أفضل وصف اللوجان

الكلمات الدلالية لهذا الموضوع

المفضلات

المفضلات

ضوابط المشاركة