الجين تو دمرت عائله بأكملها

**meramor81** · 11-11-2009 12:29 PM

ياا ااااه مواقف فعلا مؤثره
للاسف الكثير من الناس يعتقد ان الحيوان معندوش احساس ولا بيعرف يحب زى البنى ادمين
انا بيتهيئلى ان الحيوانات والطيور عندهم اخلاص زى بعض البنى ادمين واكتر .
انا كان عندى عصفور كنارى اصفر ومعاه عصفورته تولفوا مع بعض بعد عناء لان النتايه كانت بتضرب اى ذكر سبحان الله حتى الطيور مش بتولف على احد وخلاص فضلت ادخلها زياده عن 5 عصافير وتبهدلهم ضرب المهم ولفت على الاصفر الكنارى وباضوا اكتر من خمس مرات تقريبا المهم فى يوم كنت بدخلهم اكل والام رقده على بيضها واذا بالقفص يقع منى والذكر يطير المهم النتايه خرجت تشوف ايه اللى حصل وتتدور على ذكرها فلم تجده واذا بها تصرخ وتناديه ولكن بدون فائده
والله تركت الاكل حتى ماتت من الحزن بعديه ب 3 ايام واولادها بعد ماكنت فصلاهم لوحدهم حططهم يوسوها لغايه ماماتت .
لعلمكم نفس العصفوره لما كنت احب اريحها من انها تبيض ورا بعض لان ده بيكون خطر عليها كنت بفصل الذكر عنها بس بحط القفصين جمب بعض الاقيها تصوت وهو يصوت ويفضلوا رايحين جايين زى المجانين
لغايه ماادخلهم لبعض ومش قادره اوصفلكم ايه اللى بيحصل من حب وحنان بينهم .سبحان الله المشاعر موجوده فى كل ماخلق على الارض

**Karim_Monir** · 11-11-2009 12:43 PM

المشاركة الأصلية كتبت بواسطة meramor81

ياا ااااه مواقف فعلا مؤثره
للاسف الكثير من الناس يعتقد ان الحيوان معندوش احساس ولا بيعرف يحب زى البنى ادمين
انا بيتهيئلى ان الحيوانات والطيور عندهم اخلاص زى بعض البنى ادمين واكتر .
انا كان عندى عصفور كنارى اصفر ومعاه عصفورته تولفوا مع بعض بعد عناء لان النتايه كانت بتضرب اى ذكر سبحان الله حتى الطيور مش بتولف على احد وخلاص فضلت ادخلها زياده عن 5 عصافير وتبهدلهم ضرب المهم ولفت على الاصفر الكنارى وباضوا اكتر من خمس مرات تقريبا المهم فى يوم كنت بدخلهم اكل والام رقده على بيضها واذا بالقفص يقع منى والذكر يطير المهم النتايه خرجت تشوف ايه اللى حصل وتتدور على ذكرها فلم تجده واذا بها تصرخ وتناديه ولكن بدون فائده
والله تركت الاكل حتى ماتت من الحزن بعديه ب 3 ايام واولادها بعد ماكنت فصلاهم لوحدهم حططهم يوسوها لغايه ماماتت .
لعلمكم نفس العصفوره لما كنت احب اريحها من انها تبيض ورا بعض لان ده بيكون خطر عليها كنت بفصل الذكر عنها بس بحط القفصين جمب بعض الاقيها تصوت وهو يصوت ويفضلوا رايحين جايين زى المجانين
لغايه ماادخلهم لبعض ومش قادره اوصفلكم ايه اللى بيحصل من حب وحنان بينهم .سبحان الله المشاعر موجوده فى كل ماخلق على الارض

خلاص كفاية
دمعت بما فيه الكفاية
فكرتني بذكريات كل الحيوانات اللي ربيتها في حياتي
تحياتي لكل من رق قلبه للموضوع
واذكره ان الالاف من البشر يتالمون من الجوع والبرد يوميا
حاول تساعهم باي شيء وتتحرك وتكون ايجابي

**Ghamrawy** · 11-11-2009 10:10 PM

المشاركة الأصلية كتبت بواسطة eng\ahmed

اغرب مواقف الحيوانات اللى شوفتها

- كنت راكن وقاعد فى العربية ومجموعة قطط منها واحدة او اتنين كبار والباقى قطط صغيرة بتلعب مع بعض فى وسط الشارع , وعربية جاية كل القطط جريت ماعادا واحدة عجلة العربية داست عليها كلها وماتت فى لحظتها ..
كل القطط بعد مالعربية عدت رجعوا جرى ووقفوا حواليها وبيبصولها بحزن وساكتين مبيتحركوش كأنهم بيعيطو عليها او مش مصدقين اللى حصل!!

- موقف تانى .. قطة او كلب مش فاكر اوى هبشت غراب وموتتة ..
كل الغربان بدون مبالغة اتجمعوا فى لحظتها وعملوا دايرة كبيرة فوق القطة (حوطوها علشان متاكلش الغراب) , القطة شافت المنظر اترعبت وطلعت تجرى
والغربان اخدوا اخوهم اللى مات واختفوا

تفتكروا البنى ادمين بتعمل مع بعض كدة ؟؟؟
يعنى لما بنى ادم تخبطة عربية تلاقى حد وقف وقعد يعيط علية ولا بيقف يتفرج ويمشى او يقف علشان يسرقة

ولما بنى ادم بيتضرب ويتقتل فى الشارع حد بيعبرة او بيدافع عنة , دة لما عربية بتخبط واحد بتتطلع تجرى وتسيبة فى الارض زية زى اى حاجة مرمية فى الشارع

كل المخلوقات عندها احساس وعندها صدق فى مشاعرها تجاه بعضها اللا البنى ادم , للأسف المادة اثرت علية وخلتة يطمع ويجرى وراها بغض النظر عن اى حاجة تانية وكل واحد بيفكر فى مصلحتة اولا

فعلا البنى ادم اساس كل الشرور

**ahmedbasto** · 11-11-2009 11:00 PM

الصراحة أنا ليا موقف مع القطط كنت ماشى فى شارع صغير وكنت بجرى بعربية بولونيز ومكنتش مشغل النور ببص مرة واحدة لقيت قطة الحمد لله الفضل لله أولا ثم سرعة التصرف كسرت العجل بسرعة لدرجة أنى كنت هدخل فى رصيف بس ربنا ستر وكنت فرحان ان القطة مامتش تحت العربية لانى غاوى قطط وبحب الكائنات دى أووى

**koheya** · 12-11-2009 12:28 AM

انا عارف ان الوضوع عن الحيوانات بس انا حصلتلى حاجة زى كدة بس مع طفل وارجو ان كل واحد قبل ما يسوق العربية يبص حواليها ربما يكون وراها انسان او حيوان ومش شايفة فيدهسة .انا فعلا مرة نزلت ادور العربية الصبح وبعد ما دورت الموتور ورجعت الفتيس على r علشان ارجع للخلف وقبل مارجع سم واحد افتكرت انى محتاج افتح الشنطة ورجعت الفتيس لل p و نزلت و الله لقيت ابن البواب الى ما كملش سنة ونصف واقف وبيلعب فى اكصدام العربية الخلفى ومكنتش شايفة خالص فى اى مراية لانة صغير جدا يعنى اذا كنت رجعت مساف صغيرة جدا كنت دست علية والله العظيم ربنا ستر وسبحان اللة انى انزل من العربية واشوفة فى اخر لحظة ومن يوميها قبل ما اتحرك بالعربية ببص عليها من كل الجهات.