انت تسأل وقطب يجيب

**Kotb** · 01-02-2010 07:35 PM

المشاركة الأصلية كتبت بواسطة alnabwy

رسالة الى قطب باشا انا من المنصورة وعاى فورد فيستا 99 مكنة زتك 1300العربية كانت تمام لغاية مرة واحدة تيجى تكبس بنزين تبرجل وتتخنق وانت طالع الصبح بردة

الرجاء الرد عليا عشان مفيش حد بيفهم فيهم هنا فى المنصورة

الرجاء التاكد من مواصفات السيارة
مفيش 1300 زيتيك فيه 1250 بس و مويلات اعلى من 2000

**ADHM870** · 28-02-2010 03:40 AM

عند مشكله في مونديو98 واحد غيرت عنده مياه الردادير والعربيه سخنت اكتشف انه لازم يأخذ لها هوا وبعد ذالك زود المياه وبعد ذالك وجد ان المياه تسقط من ناحيه سير الكاتينه من تحت مش عارف منين ياريد تقولي ايه العيب وهل تكاليفه كتير

**kempel** · 28-02-2010 10:37 AM

السلام عليكم يأخ قطب انا عندى مشكلة فى عربيتى فورد فيستا مو 2000 موتور اندورا 1300 العربية بعد ما أشيل رجلى من على البنزين الاقى صوتها عالى وكأنى لسه دايس بنزين وبعدين بيوطى لوحده بعد شوية وساعات بيعلى لوحده من غير ما أدوس بنزين فياريت تقول لى ده ممكن يكون ايه وعلاجه ممكن يكون ايه وشكراً

**aYaBooY** · 28-02-2010 01:44 PM

المشاركة الأصلية كتبت بواسطة adhm870

عند مشكله في مونديو98 واحد غيرت عنده مياه الردادير والعربيه سخنت اكتشف انه لازم يأخذ لها هوا وبعد ذالك زود المياه وبعد ذالك وجد ان المياه تسقط من ناحيه سير الكاتينه من تحت مش عارف منين ياريد تقولي ايه العيب وهل تكاليفه كتير

كدة ديه مشكلة في طرمبة المياه

المشاركة الأصلية كتبت بواسطة kempel

السلام عليكم يأخ قطب انا عندى مشكلة فى عربيتى فورد فيستا مو 2000 موتور اندورا 1300 العربية بعد ما أشيل رجلى من على البنزين الاقى صوتها عالى وكأنى لسه دايس بنزين وبعدين بيوطى لوحده بعد شوية وساعات بيعلى لوحده من غير ما أدوس بنزين فياريت تقول لى ده ممكن يكون ايه وعلاجه ممكن يكون ايه وشكراً

كان عندي نفس المشكلة محتاجة ظبط على الكمبيوتر و تنظيف و ممكن اسواء فرض تغير ادلر او تي بي اس

**mostafa_aziz** · 10-03-2010 10:24 PM

السلام عليكم ورحمة الله
بعد الشكر الازم للاخ قطب على مشركته واهتمامه
انا معايا فورد اسكورت 1600 كربرتير فيها بعض المشاكل ياريت يا اخ قطب تفيدنى على قد متقدر ووقتك يسمح
بداية انا اشتريت العربية من قريب كان عزمها مش اوى عملتيلها طقم شنبر وكنت مستنى ان العربية هتبقى عربية جديدة بعد كده لقيت العزم لسة ضعيف لو مطلع جامد تقطع
فيها مشكلة تانية معرفش اذا كانت ليها علاقة بامشكلة الاولى ولا لا
العربية فى الدوارة الصبح بتاخد غلبة ولو على السلانسية بتلاقى تنتيش ودربكة والصوت بيتعدل لما ادوس شعرة بنزين الى كنت شارى منه العربية قالى ان فيها مشكلة فى الادلر والتيبى وهما الى مخلين الكربرتير كده دول هما السبب فى حالى العربية وهل هما بيتصلحوا ولا بيتغيروا وتكلفتهم تقريبا كام وهل الكربرتير ممكن يكون ماثر على عزم العربية
عندى كمان كنت خدت بلاعة عالية خبطتلى الكمبريسور بتاع التكيف وبوظتة المشكلة عندى مش فى الكمبرسيور المشكلة انه بيعمل صوت جامد انا عايز الغية خالص واجيب سير قصير ميلفش الكمبريسور فهل السير ده هخوه نفسة بتاع الموديل الى من غير تكيف ولا فى فرق

**wlk_bakka** · 01-06-2010 05:13 PM

السلام عليكم
لوسمحت عاوز اعرف سير الكتينه بتاع الفوكاس ٢٠٠٥ بيتغير امتي يعني بعد كام كيلو

**aYaBooY** · 01-06-2010 06:54 PM

قطب بقالة فترة مش بيرد
ممكن تكلمة في التليفون
السير بتاع الفوكاس الاصلي المفروض 100 الف كم و الله اعلم

**wlk_bakka** · 01-06-2010 06:57 PM

الف شكر ياباشا

**abohmaid555** · 03-06-2010 09:52 PM

قطب بيه انا قدامي عربية اسكورت 89 عجباني جدا هي اسبور وفيها تكييف بس محتاج شحن وكشف على الخراطيم عشان التسريب
اولا هي سعر العربية دي كام
وهل قطع غيارها سهل الاقيها و اسعارها اخبارها ايه (الاكصدامات- مرايات الجنب- الرفارف-حاجات الميكانيكا و الكهربا
علما بان انا ميزانيتي على قدها
واخر سؤال هو التكييف بتاعها ينفع اشغله والا كونها 1300 دا يحمل ع الماتور

**aYaBooY** · 04-06-2010 02:28 AM

انا عارف العربية ديه شكلها تحفة فيه واحدة مرمية قدام فيلا جنب شغلي كل يوم بشوفها بس عمرها ما اتحركت و تواجدها قليل قوي قوي يبقي إجابة سؤالك ان حاجتها ممكن تكون صعبة خصوصا ان الفوانيس مختلفة تماما و ممكن يكون فيه حاجات مشتركة بينها و بين الاسكورت 98 و 99 في الميكانيكا و العفشة بس برده انا شايف ان تواجد العربية ديه قليل قوي و هاتكون متعبة في التعامل معاها في المستقبل بلاش منها