الموضوع: افيدوني افادكم الله (الحقني يا ابو احمد)

المشاركة الأصلية كتبت بواسطة samirayad

الأول دى لمبه أيه
ثانيا يجب أنك تطمن على شحن الدينامو
ثالثا : هل كشفت على البوجيهات وشوفت لونها عامل أزاى (وهل بتزود زيت للمكنه كل فتره )

الاول وحشني جداااااااااااااااااا
ثانيا اللمبة دي يا سيدي لمبة المارشدين ولأني شاري العربية مستعملة ف صاحب العربية اللي قبلي عامل كباري وحجات الكهربائي بتاعي احتار فيها وكان اخر حل وصله ان اللمبة دي تشتغل لما ادي الغيار الخلفي بس لو سيبت العربية واخدة الغيار ده وبطلت العربية علي كده تفضل اللمبة منورة (يعني لما ادي الغيار الخلفي اللمبة تنور مشغل العربية بقي مش مشغلها المفتاح في الكونتاكت او في جيبي ما تفرقش)
ثالثا بقي يا باشا يا واحشني امبارح توكلت علي ربي وروحت لكهربائي بعد ما خرجت من المعتقل علي طول وللأسف الكهربائي بتاعي كان قفل فروحت لواحد تاني انا عارف انه مش اد كده بس قولت اقيس شحن الدينامو وامشي المهم فك فردة من البطارية راحت العربية مبطلة فقالي كده دينامو وهاتلي كتاوت (طبعا ما قدرتش اصبر وانا شايف اصالة تعبانة ) .
توكلت علي الله واشتريت كتاوت صيني( بـ 35 جندي مصري من قوتي وقوت عيالي ) من واحد بتعامل معاه وعارف انه كويس وحلفلي انها ممتاذة ومش هشتكي منها المهم ركب يا معلم واعمل وصلة ودور وزود واشحن يا دينامو ما بيشحنش عشان خاطري يا دينامو والله لو عملت ايه راح الكهربائي قالي الكتاوت دي صيني وانا قولتلك عايز الايطالي رجعه بقي وريح نفوخك وهاتلك دينامو استيراد . بكام ياعم ومنين هتلاقيه في حدود 120 وهاتو من عند ميمي اللي في وش ام المصريين
خلصت يا معلم
اعمل ايه بقي
اما بالنسبة للبوجيهات فبقولك اني لسة مغيرها ل nkg من حوالي 40 يوم او 500 كيلو انما بصراحة ما طلعتش واحد وبصيت علي لونة ولا معرق او لا
ومش بزود زيت خالص
صحيح اثناء الحوارات دي بصيت علي فلتر البنزين لقيته ما شاء الله كأنه كوباية شاية صعيدي من النوع التقيل قوي قمت شاري فلتر جديد وركبته وقولت يمكن يكون ده سبب عدم السحب ولسة طبعا ما اعرفش النتيجة الا لما اصالة تشتغل وتجري وتفرح عيني

المشاركة الأصلية كتبت بواسطة samirayad

وده عيب تانى
وأحتمالاته كتير
توصيلات مارش عاوزه تتأمن كويس
عيب أوتوماتيك
عيب جلب مارش

مش ممكن يكون عشان الدينامو مش بيشحن ف البطارية مش قادرة تقووم المارش (اعتقد في فرق جامد بين لمبات التابلوة والمارش ولا ااناغلط يا كبير)

المشاركة الأصلية كتبت بواسطة أبومريم

انا كان عندي العيب دا في الريجاتا زمان و فعلا طلعت جلب المارش
انا رايي ان صاحب الموضوع محتاج كهربائي محترم هيظبطله كل القصة دي

جزاك الله خيرا يا اخي علي النصيحة

المشاركة الأصلية كتبت بواسطة semsem kane

خنقة العربية دية من طرمبة البنزين

انا غيرت فلتر البنزين بصراحة كسرت الفلتر القديم وبصيت فيه لقيته في حال يرثي له
ادعي لي انه يكون فلتر وخلاص بدل طلمبة
وشكرا علي ردك ومشاركتك الفعالة

المشاركة الأصلية كتبت بواسطة ahmad5997

انا غيرت فلتر البنزين بصراحة كسرت الفلتر القديم وبصيت فيه لقيته في حال يرثي له
ادعي لي انه يكون فلتر وخلاص بدل طلمبة
وشكرا علي ردك ومشاركتك الفعالة

إنشاء الله ياباشا هو الفلتر كفاية بعد حل مشكلة الدينامو هيحللك مشاكل كتير لأن مادام مفيش شحن العربية بتاخد كهربتها من البطارية بما فيها كهربة البوجيهات فطبعا مع ضعف البطارية الشرارة كمان بتضعف وسحب العربية بيكون في الضياع والكلام ده سعات وسعات علشات الكتاوت مهييس فاسعات بيشحن ويدي العربية جرعة حنان وساعات لأ

انت بس ظبط موضوع الدينامو وجرب وإبقا طمنا

المشاركة الأصلية كتبت بواسطة reamoz

انت بس ظبط موضوع الدينامو وجرب وإبقا طمنا

تمام ياباشا
بعد تغير الدينامو وفلتر البنزين انتهت كل المشاكل الواردة ولله الحمد
تعبتكو معايا ومتشكر جداااااااااااااا علي اهتمامكو ومشاركتكو
جزاكم الله خيراً