الموضوع: افيدوني افادكم الله (الحقني يا ابو احمد)

اولا السلام عليكم ورحمة الله
ثانيا وحشتوني جدا
ثالثا بقي قصة الريجاتا اللي محيراني معاها
في عيد القطر اللي فات نسيت لمبة منورة بتشتغل حتي والعربية مش شغالة
وكانت النتيجة طبعا معروفة وهي ان البطارية فضيت
وطبعا الدنيا عيد فبقيت مقضيها زق والمشكلة بقي ان لما ازوقها واقول الدينامو هيشحنها واقض مشواري وارجع الاقيها برضوا مش عايزة تدور
وفي احد المرات اللي مدورها زق وماشي في امان الله لقيت العربية مرة واحدة بطلت تسحب والعربية بتتخنق جامد مني وادوس علي اد ما ادوس العربية مش عايزة تمشي بل علي العكس كل لما ادوس احس ان السرعة بتقل سرعتها وفكرت بسرعة لأني كنت علي كوبري اكتوبر والطريق كان سالك فخفت لحسن حد يلبس في وهداني ربي الي اني اشد الشفاط اللي بسخن بيه العربية ونجحت المسألة ومشيت بيها علي ادها لحد ما روحت
المهم سافرت وسيبت العربية وقولت لما ارجع افوقلها
المهم رجعت من حوالي 5 ايام
اشحن ياعم في البطارية بتشحن وزي الفل بس هو مشوار وبعد المشوار بخ
توكلت علي الله واشتريت بطارية جديدة
ملحوظة بقي
1- البطارية الجديدة من ساعة ما ركبت ولمبة البطارية منورة في كمبيوتير الاعطال مع العلم ان البطارية كويسة وبتقوم وماشية كويس الحمد لله
2- لما امشي بالعربية فترة كبيرة وابطل العربية واجي اشغلها تاني مش بتشتغل . التابلوة ينور بس تكة المارش مش بسمعها بس لو سيبت العربية شوية واجي اشغلها بتشتغل عادي

حكاية الخنقة وعدم السحب اللي حصلتلي في العيد دي حصلت تاني امبارح علي الدائري لدرجة اني كنت مرعوب وبردو ما لقيتش غير الشفاط علي العلم الحكاية دي بتروح وتيجي ف مش عارف طقم كهربا ابلاتين وكوندينسير ولا فلتر بنزين وبيكات
نسيت اقولكو صحيح العربية ريجاتا 1500 cc موديل 85 ومغير بوجيهات (ngk ولا nkg مش فاكر ) من 200 كيلو تقريبا ومغير فلاتر هوا وبنزين من 1000 كيلو تقريبا وسير كاتينة من 6000 كيلو
انا اسف جدا علي الاطالة بس والله ده عشان انتوا واحشيني بس
احبكم في الله
والسلام عليكم ورحمة الله

المشاركة الأصلية كتبت بواسطة zastaffa

أما بالنسبه لموضوع انك لما تيجي تزود بنزين العربيه بتتخنق وتكون هتبطل فأعتقد انك تغير فلتر البنزين وتبص علي بك السرعه بتاع الكاربيراتير وياريت تغيره أحسن وخلي الميكانيكي يقدم الكهرباء شويه ويبص علي خلوص الابلاتين ويسنفره اويغيره هو والكوندنسر انضفلك واريحلك

ما شاء الله عليك انت قولت كلام كتير قوي في السطرين دول هشتري فلتر وبك سرعة وابلاتين وكوندنسر وهروح لبتاع كاربراتير وميكانكي
ربنا يباركلك يا شيخ روح
بس انا ليا استفسار مش لما بشد الشفاط اللي هو مسؤل عن تسخين العربية بيسحب من الفلتر بردو عادي . يعني لو المشكلة مشكلة فلتر كان بردو هيبان لما اشد الشفاط
وبعدين لو بك السرعة اللي اعرفة يا مسدود يا شغال انما مرة ومرة
وشكرا علي مجهودك معايا ياباشا وجزاك الله خيرا

المشاركة الأصلية كتبت بواسطة ahmad5997

اشحن ياعم في البطارية بتشحن وزي الفل بس هو مشوار وبعد المشوار بخ
توكلت علي الله واشتريت بطارية جديدة
ملحوظة بقي
1- البطارية الجديدة من ساعة ما ركبت ولمبة البطارية منورة في كمبيوتير الاعطال مع العلم ان البطارية كويسة وبتقوم وماشية كويس الحمد لله

على الكلام دة لازم تكشف على شحن الدينامو ممكن يكون زيادة أو قليل والبطارية مش بتشحن كويس والجديدة شغالة وصامدة علشان جديدة لكن لو الكتاوت بتاع الدينامو بيخرف مكن تحصل الأولانية فياريت تكشف على شحن الدينامو كويس على السلامسية ومع التزويد وتشوف الفولت ثابت ولا لأ

المشاركة الأصلية كتبت بواسطة zastaffa

ده احتمال كبير جداااااا يكون اوتوماتيك المرش عايز يتغير

المشاركة الأصلية كتبت بواسطة reamoz

على الكلام دة لازم تكشف على شحن الدينامو ممكن يكون زيادة أو قليل والبطارية مش بتشحن كويس والجديدة شغالة وصامدة علشان جديدة لكن لو الكتاوت بتاع الدينامو بيخرف مكن تحصل الأولانية فياريت تكشف على شحن الدينامو كويس على السلامسية ومع التزويد وتشوف الفولت ثابت ولا لأ

الف شكر لردودكم السريعة وبارك الله فيكم
وان شاء الله هحاول اروح للكهربائي انهاردة بس ربنا يسهل ونخرج من المعتقل ده بدري وان شاء الله اوافيكو بالجديد

فينك يا باش مهندس سمير (أبو أحمد) لا أسكت الله لك صوتاً

المشاركة الأصلية كتبت بواسطة samirayad

الأول دى لمبه أيه
ثانيا يجب أنك تطمن على شحن الدينامو
ثالثا : هل كشفت على البوجيهات وشوفت لونها عامل أزاى (وهل بتزود زيت للمكنه كل فتره )

الاول وحشني جداااااااااااااااااا
ثانيا اللمبة دي يا سيدي لمبة المارشدين ولأني شاري العربية مستعملة ف صاحب العربية اللي قبلي عامل كباري وحجات الكهربائي بتاعي احتار فيها وكان اخر حل وصله ان اللمبة دي تشتغل لما ادي الغيار الخلفي بس لو سيبت العربية واخدة الغيار ده وبطلت العربية علي كده تفضل اللمبة منورة (يعني لما ادي الغيار الخلفي اللمبة تنور مشغل العربية بقي مش مشغلها المفتاح في الكونتاكت او في جيبي ما تفرقش)
ثالثا بقي يا باشا يا واحشني امبارح توكلت علي ربي وروحت لكهربائي بعد ما خرجت من المعتقل علي طول وللأسف الكهربائي بتاعي كان قفل فروحت لواحد تاني انا عارف انه مش اد كده بس قولت اقيس شحن الدينامو وامشي المهم فك فردة من البطارية راحت العربية مبطلة فقالي كده دينامو وهاتلي كتاوت (طبعا ما قدرتش اصبر وانا شايف اصالة تعبانة ) .
توكلت علي الله واشتريت كتاوت صيني( بـ 35 جندي مصري من قوتي وقوت عيالي ) من واحد بتعامل معاه وعارف انه كويس وحلفلي انها ممتاذة ومش هشتكي منها المهم ركب يا معلم واعمل وصلة ودور وزود واشحن يا دينامو ما بيشحنش عشان خاطري يا دينامو والله لو عملت ايه راح الكهربائي قالي الكتاوت دي صيني وانا قولتلك عايز الايطالي رجعه بقي وريح نفوخك وهاتلك دينامو استيراد . بكام ياعم ومنين هتلاقيه في حدود 120 وهاتو من عند ميمي اللي في وش ام المصريين
خلصت يا معلم
اعمل ايه بقي
اما بالنسبة للبوجيهات فبقولك اني لسة مغيرها ل nkg من حوالي 40 يوم او 500 كيلو انما بصراحة ما طلعتش واحد وبصيت علي لونة ولا معرق او لا
ومش بزود زيت خالص
صحيح اثناء الحوارات دي بصيت علي فلتر البنزين لقيته ما شاء الله كأنه كوباية شاية صعيدي من النوع التقيل قوي قمت شاري فلتر جديد وركبته وقولت يمكن يكون ده سبب عدم السحب ولسة طبعا ما اعرفش النتيجة الا لما اصالة تشتغل وتجري وتفرح عيني