ايه رأيكو في ال 406

**madda7** · 10-11-2009 06:34 PM

طبعا انا بدور على عربية محترمة واتوماتيك واعتمادية عالية ...
ولقيت 406 مستعمل وشكلها كويسه بس ياريت يا رجالة حد يقولي على مشاكلها خصوصا زي ما سمعت هنا
- فيه كلام عن الفتيس الاوتو
- التقفيل مصري ولا اوروبي واعرف منين لاني حسب مفهمت فيه كدا وفيه كداااا
- قطع الغيار اسعارها غالية وهل بتحتاج صيانات كتير وحساسة يعني ولا اعتماديتها عالية

ياريت يا جماعة اللي عندو معلومة يقلها عشان اكيد هستفاد بيها وهيفيد غيري كمان

**waleedabbas** · 10-11-2009 07:54 PM

بسم الله ماشاء الله عربية محترمة
مشكلة الفتيس حلها وانت بتشترى يستحسن تجيب موديل فوق 2003 وتكشف عليها كويس وع الفتيس فى التوكيل
وعموما لازم تغير زيت الفتيس كل 20 الف مش اكتر من كده ب1 كيلو ده كلام مصنع بيجو ونوع الزيت زيت بيجو بس من بتوع قطع غيار بيجو الاصلية وبس
كده باذن الله عمر الفتيس ما هيعمل معاك حاجة
معطم ال هتلاقيها تقفيل مصرى على فكرة محترم جدااااا ميختلفش عن الفرنسى نفس الخامات ونفس الجودة
قطع الغيار اسعارها معقولة مش زى الالمانى طبعا وف رنج اليابانى وفى حاجات ارخص يعنى فى متوسط اسعار قطع غيار العربيات الحديثة
ان شاء الله مش بتحتاج غير الصيانات الدورية كل 10 الاف غير كده اعتمادية عالية جدا
سحب جميل جدا ثبات محترم جدا امان فيها abs,ebd,esp
اركب العربية هتعجبك ان شاء الله

**Nour_Peugeot** · 11-11-2009 02:28 AM

حلم كل المعاهم بيجو انهم يبقوا ملاك ال 406

حافظ علي العربيه تعيش العمر كله

و التقفيل الفرنساوي هو هو التقفيل المصري فروقات بسيطه جدا

**the-hero** · 11-11-2009 03:47 AM

406 عربية ملهاش حل روعة بس لازم تكشف عليها فى مركز خدمة وتراعيها ف صيانة ال 10.000 ك
وهتاخد اعلى اداء منها

**madda7** · 11-11-2009 11:07 AM

متشكر جدا يا جماعة على الردود ... ربنا يكرمكوا
بس ممكن تقولولي كمان على المواصفات الاستاندرد في ال 406
يعني هل كل العربيات فيها
- جنوط - cd6 - كاسيت كلاريون - فرش جلد - ريموت - شاشة معلومات

وفيه سؤال كمان بعد اذنكم
هل فيه تعديلات على موديلات بعد 2003 (موتور او فتيس ... )

**waleedabbas** · 11-11-2009 11:58 AM

كل ال 406 فيها
-جنوط
-6cd
-كاسيت كلاريون
-فرش جلد مش اساسى
-ريموت مفتاح وكمان امبيوليزر متشفر للسرقة ودى احسن نظام امان ضد السرقة لغاية دلوقتى
- شاشة معلومات
-سنسور مرايات لتقليل انعكاسات الاضواء
-سنسور مساحات مع الامطار
-تكييف تاتش وتحكم فى درجة الحرارة اوتوماتيك من 14: 32
-مثبت سرعة فى الموديلات بعد 2003
-تحكم فى ارتفاع الاضاءة للكشافات الامامية
- ايرباج مع امكانية اغلاق ايرباج الكرسى الجانبى فى حالة وجود كرسى اطفال
-الفتيس الاوتوماتيك فيه غيار لحفظ توازن السيارة فى حالة المطر
-تصفيح الموتور
-تصفيح الابواب
-عوامل حفظ توازن السيارة والامان والفرامل abs,esp,ebd
دى الحاجات الاساسية ال متذكرها فى اى عربية
بالنسبة للتعديل بعد 2003 الموتور اعلى فى الهورس باور القديم 145 والجديد 155 بيقال ان الفتيس افضل
لكن عموما الموتورين والفتيسين كويسين الموتور القديم اسود والجديد فضى

**madda7** · 12-11-2009 02:22 PM

يا سلام عليك يا وليد باشا
اهو كدا المفيد

متشكر جدا

**waleedabbas** · 12-11-2009 03:55 PM

عفوا يا باشا

**mohamedlabib** · 10-01-2010 05:51 PM

الأخ الفاضل وليد ممكن أعرف من فين أنزل كتالوج ال 406
موديل 2003 الهيدرومتك

**Mahmoud_405** · 12-01-2010 04:35 AM

ال 405 عربيه وهميه الرجاله هنا قالوا كل حاجه بس هس 2000 سي سي 16 صباب 133 حصان مش 145 ولا 155 وبعدين الناس حتقولك ابعد عن ال 406 التوماتك علشان فيه مشاكل طبها كلام غلط لو غيرت الزيت بتاع الفتيس في معاده عمره ومقرستيش علي الفتيس عمره محيبوظ ولازم الزيت الاصلي الي مكتوب عليه بيجو ب 120 او 130 جنيه التر ومتحطش زيت الباورب22 جنيه زي مواحد اعرفه عمل كده والفتيس باظ بعد 20 كيلو الناس بتسترخص لان انت بتحط 8 لتر زيت فتيس بحالوالي الف جنيه بس ده كل 60000 الف كيلو.