الموضوع: فين أعمل صيانة محترمة للعربية ترجعها جديدة

المشاركة الأصلية كتبت بواسطة tamertamer

بص عندك فى مدينة نصر عدة اماكن وبما انى فى مدينة نصر هديك عسار المجهود
1- عند التوكيل بتاع ربعة العدوية ودة غالى على الفاضى
2- عندك اوتو مستر قلى فى السادس بس غالى ومش كويسين

الورش
عندك اربعة مكنيكية بيشتغلو فيها فى مدينة نصر
1- صابر قلى فى ربعة العدوية بس اولا تاخد بالك من الاتى
1- تجيب حجتك بنفسك
2- تتفق على سعر المصنعية قبل ميعمل حاجة عشان مترجعش يقول كانى ولا مانى
3 - بصراحة فى الصنعة هو كويس فى هنا ناس كتير جربتة فى ناس انبستط وفى لا
[gdwl]2- وليد قلى فى السابع هو كويس بس امكنياتة محدودة [/gdwl]
وبردو تراعى ما ذكرتة مع صابر
3- فى واحد تانى جنب السراج مول عند بروتك ودة مستواة مش قوى خالص
4- منصحكش ترحلة فى واحد فى العاشر هو رخيص اوى بس عكك اوى اسمة او مسمى نفسى منصور الشهير بريعو

دول قلى فى مدينة نصر

تامر باشا أحب أقولك وأقول للناس اللى هنا كلها تجربه مع وليد
رحتله وقت مكانت العربيه بتسخن أول كلمه قالهالى هنغير جوان وش سلندر ونجيب كهربائى يظبط المراوح وهتبقى العربيه تلاجه مشيت ساعتها من عنده وأنا مش مقتنع
الكلام ده طلع مش مظبوط لما رحت للكهربائى والقصه كلها طلعت إن الترموستات مبيشغلش السرعه الأولى للمروحه
ومن ساعة ماغيرت الترموستات والعربيه مبتعديش 92 والحمد لله
دى تجربه ليه سلبيه مع وليد وبصراحه أنا مش هروحلوا فى حاجه كبيره أو صغيره
لأنه حاجه من إتنين
1- مش فاهم
2- كان عايز يمصلح عليا
وفى الحالتين هو ميلزمنيش