أعمل فين صيانة ال 5000

**mada781** · 13-07-2011 10:36 AM

انا عاوز أعمل صيانة ال 50000 ومش عارف أروح فين أنا أساسا كنت هعمل الصيانة فى العوض جروب بس مش عارف أعملها فى المعادى وأخلص ولا أروح فرع التجمع الحامس ؟؟؟؟؟؟ وياريت حد يدلنى أروح الفرع اللى فى التجمع الخامس ده إيزاى من عند كارفور

**Bassem Raafat** · 13-07-2011 03:03 PM

أبوس إيدك يا باشا خلى بالك من الأصفار ( 5000 كم ولا 50000 كم ) : )))) معلش أصلى محاسب محسوك شويتين : ))

بص يا سيدى أنا واحد من الناس إللى إتعاملت مع فرع التجمع والمهندس محمود فراج وإرتحت هناك .

لو رايح من المعادى حتمشى على الدائرى لغاية ما تلاقى نفق التجمع الخامس ، متنزلش النفق وإدخل من جنبه يمين ، الشارع ده إسمه شارع التسعين ، حتفضل ماشى شويتين لغاية ما تلاقى بنزينة شل على شمالك ، خد أول ملف وإرجع تانى وأدخل البنزينه والمركز فى ظهر البنزينه على طول .

كلم 16424 وإحجز ميعاد وقولهم على الفرع اللى إنت عايز تروحه وهما حيحددوا الميعاد أو إختاره إنت بنفسك .

فرع التجمع بيستخدم زيت شل ، فلو حبيت تحط زيت موبيل إبقى إشتريه وإنت رايح من أى بنزينه موبيل .

بالتوفيق .

**mada781** · 13-07-2011 03:47 PM

المشاركة الأصلية كتبت بواسطة bassem raafat

أبوس إيدك يا باشا خلى بالك من الأصفار ( 5000 كم ولا 50000 كم ) : )))) معلش أصلى محاسب محسوك شويتين : ))

بص يا سيدى أنا واحد من الناس إللى إتعاملت مع فرع التجمع والمهندس محمود فراج وإرتحت هناك .

لو رايح من المعادى حتمشى على الدائرى لغاية ما تلاقى نفق التجمع الخامس ، متنزلش النفق وإدخل من جنبه يمين ، الشارع ده إسمه شارع التسعين ، حتفضل ماشى شويتين لغاية ما تلاقى بنزينة شل على شمالك ، خد أول ملف وإرجع تانى وأدخل البنزينه والمركز فى ظهر البنزينه على طول .

كلم 16424 وإحجز ميعاد وقولهم على الفرع اللى إنت عايز تروحه وهما حيحددوا الميعاد أو إختاره إنت بنفسك .

فرع التجمع بيستخدم زيت شل ، فلو حبيت تحط زيت موبيل إبقى إشتريه وإنت رايح من أى بنزينه موبيل .

بالتوفيق .

انا أسف جدا هى صيانة ال 5000 حضرتك تقصد بقه النفق اللى قبل أكاديمية الشرطة ؟