كلامك سليم وخاصه اللى عملته بولد بس الاساس ايه البنت ولا الراجل متهيالى الاجابه معروفه يعنى لو فرضنا انى الراجل بطبيعته كده بس لو ادامه واحده كده او كده وطاوعته وفيه اللى تصده( قليل جدا ) بس انا راى الشخصى انى الاساس هى يعنى لو من الاول صباح الخيروكلام شغل وبس ولو لقيته بيتلكك ويلف ويدور تلمه وش على طول بمعنى حتى لو قالها صباح الخير مش ترد انما هما يعملولك فيها بقى اكل العيش وخايفه على اكل عيشها وممكن يضايقها يا عم ده فى بنات بتتكلم على موبايلها وهى فى البيت بحجة الشغل وكمان ممكن تكون بره الشغل وقاعده بتشيش مع صاحبها فى الشغل برده وابوها يتصل بيها تقوله انا فى مشوار مع صحبتى او فى اجتماع فى الشغل والله احنا مفهومنا للزماله خطا وكمان مش بنعرف نفرق بين عواطفنا وبين زمالة العمل حتى فى ديه خايبين
من الاخر تتوقف على الطرفين بس طرف الاستقبال(المراه) اهم والمرسل(الراجل) لما بيلاقى الاشاره استقبلت ولقطت بيكمل ويبث نشاطه
بجد انا مش بقول كده عامة يعنى مش كل البنات كده والا ما كنش حد اتجوز
سامحونى لانى بجد زهقت من تمثيلهم وعلى فكره انا متزوج والحمد لله وشغال فى شركة بترول مع اجانب والحمد لله مرتاح فى جوازى وعندى 3 اولاد صبيان (الحمد لله)
بس نفسى الوضع يتصلح يعنى امتى حانشوف واحد وواحده بيعاملوا بعض عادى بدون هدف يعنى اصدقاء عمل وبس واحلب ااقولك انا سافرت كتير لاوروبا منهم هولندا ما اقولكش على الحريم هناك بس تقدر تتكلم او تتلكك او تطلب ميل او تليفون بحجة الشغل تقولك سورى ديه حاجات شخصيه ومالهاش علاقة بالشغل وبرده شفت كده فى انجلترا برده كله فى حاله وبعد الشغل باى وهاف نيس وييك اند يا باشا بجد حنفضل ورا كتييير ومفيش فايده لانه كله مرتبط ببعضه مفيش ثقافه مفيش اقتصاد مفيش جواز فكله بيتنازل بحجه واهيه
سامحونى تانى بس لازم بجد كل واحد يسال نفسه هو راضى عن اللى بيعمله ولا لا
المشاركة الأصلية كتبت بواسطة أبـو آســـــر
مش اي حد يقدر يفتح مواضيع شخصية
يعني مثلاً هية في الشغل بتتعامل عادي يعني كلام في الشغل بس متهيألي لما يتصل علشان الشغل مستحيل هيتكلم في حاجة شخصية في النقطة دي لازم البنت هي الي تحط حدود ( في حالة العمل )
و خلي بالك اني في رجالة كتير دماغهم صغيرة و تافهين حتى لو كانوا كبار في السن
كان عندي مدير في شركتى القديمة اي سكرتيرة تيجي يبقى عايز يصاحبها ( كان عنده 48 سنة )
و يقولي اي بنت ليها مدخل
طيب يا عم ليها بدل المدخل عشرة انا مالي ما هيا حرة
هو انا لازم استغل الظروف ولو لاقيت واحدة كدة ما أسيبهاش ما تروح تتنيل بعيد عني
الراجل ده مرة قبل كدة قعد يترأ عليا قدام صحابي في الشركة
جالنا واحدة تشتغل معانا و كانت بيس على الأخر يعني ميني جيب و بدي مالوش لازمة و حوارات
و ماكنش قاعد في المكتب غيري انا وهيا
جه في مرة يقولي عملت ايه مع فلانة
قولته ايه ازاي يعني
و هات تريقة بقى من الي قلبك يحبها
انا مش بقول اني ملاك او ما بغلطش بس انا ليا اسلوب حياه عايش بيه من وانا صغير
طيب مرة واحد شغال في الكافيه الي انا بقعد عليه سألني سؤال غريب قبل ما اخطب او اتجوز
قالي يا اشرف ( الناس كلها بتندهني بأسمي فقط بدون القاب ) انت خاطب قولتله لاء ليه
قالي اصل البنات الي بتطلع فوق الناس كلها بيعكسوهم إلا انت الوحيد الي حتى مش بتبص
قولتله عادي يعني و قعدت افكر كتييييييييييير هو العيب فيا و الناس الوحش عندها بقى حلو يعني الموازين اتقلبت
و قعدت اطلع مبررات انا ليه كدة
قولت يمكن انا علشان طول عمري بتعامل مع بنات فالموضوع بالنسبالي عادي يعني كنت في مدرسة مشتركة لحد أعداي و كمان أصحاب اخواتي البنات و كدة يعني انا نفسي متربي على الصداقة بين الولد و البنت صداقة بس
قولت يمكن هو ده السبب
و او ما دخلت الجامعة اتعرفت على واحدة كانت قاعدة جنبي و قالتلي تعالى ذاكر معايا في البيت ( دي كانت اخر كلمة اسمعها منها مكلمتهاش بعديها خالص و الغريب انها بقت تبصلي بقرف بعد كدة )
و كان في واحدة بردو قريبتي كنت بكلمها عادي جداً لاقيتها خدت الموضوع على انه حب و ارتباط و كدة ( مكلمتهاش من بعديها تاني خالص )
انا مش بقول كدة علشان اطلع الشاب التقيل الي البنات تتهافت عليه او حتى اطلع ملاك و انا على فكرة مش لابس جلابية ( مع احترامي لكل الي لابسين جلاليب ) و لا لابس نظارة قعر كوباية و لا بردو لابس سلسلة و لا حظاظة
بس عايز حد يفهم حاجة
اي حد منا لي اسلوب حياه لازم يعيشه 24/7 يعني مش يبقى في البيت شخص و مع اصحابه شخص تاني و مع الجنس الاخر شخص تالت و لو متجوز يبقى قدام مراته الحمل الوديع و بره البيت يبقى هارون الرشيد
لاء
لو انت بتعمل حاجة يبقى ما تخفش و اعملها قدام الناس كلها طالما انت مقتنع بيها ( ما فيش حد بيعمل حاجة مش مقتنع بيها )
يعني لو حتقدر تعيش بشخص واحد 24/7 اعتقد ان الواحد مش هيغلط كتير
كل واحد فينا لازم يعيش نفسه
يعني انا مثلاً عايش في البيت اشرف ما ينفعش في الشغل ابقى اشرف بيه و ما ينفعش في النادي ابقى شوشو و مع الجنس الأخر ريري
لاء انا اشرف طول الوقت
كل واحد يحاول يبقى كدة و قولولي ايه النتيجة
المفضلات