الموضوع: الحقونى وانصحونى او سيبونى وادعولى ..............

كلمتىنى على الساعة 9 وقالت انها هاتكون فى النادى على الساعة 10 انا قلتلها خلاص هاكون هناك على الساعة 10
وصلت على الساعة 10 وربع ولا حاجة ولقيتها كانت واصلة معايا تقريبا وطبعا انا كنت جايب ورق علشان المذاكرة (بس ماذاكرتش ههههه) قعدنا نتكلم عن التخصصات فى الهندسة والشغل والحياة والذى منة كان كلام عادى جدااااا
وبعدين اتكلمنا عن نفسنا وكانت ساكنة فين قبل ماتييجى اكتوبر وانا كنت ساكن فيين وكدة واية الى خلاناا ندخل هندسة وكلمتها عن نفسى وهيا بتكلمنى عن نفسها قالتلى معلومة غريبة عنها وتقريبا دى سبب جرائتها وهى ان والدتها اتوفت وهيا عندها 4 سنين وهيا عاشت مع خالتها وابوها مسافر السعودية وبيشوفها كل 3 او 4 سنين ولا حاجة فهيا حاسة انها مالهاش حد غير خالتها وخالتها مربياها على اساس انها ماتطلبش حاجة من حد لا الى هيا عاوزاة تعملة بنفسها (التربية دى ليها مميزات وعيوب ) بس انا حاسس انها لما كانت بتكلمنى كانت بتتكلم على اساس صديقة مش اكتر
يعنى انا الى فهمتها غلط (يمكن علشان مشكلتى السابقة ) بس انطباعى عنها دلوقتى انها طيبة جدااااا بس جريئة واجتماعية لابعد الحدود وصديقة كويسة
(انا زعلان من نفسى لانى ظلمتها بس يلا مش مشكلة )
مفيش حد بيتعلم ببلاش
وبجد شكرا ليكم لانى حسيت ان لو حصلتلى مشكلة هالاقى الى هايساعدنى

الحقك هنا و ارد عليك بعد اذنك
انت فكرتني بنفسي و انا صغير ( انا مش كبير قوي يعني بتاع 29 و نص كدة )
احبك اقولك من ردودك انت ما يتخفش عليه
ليه بقى علشان انت انسان طبيعي و بتفكر بمنطق
عجبني قوي ردك ده

( لو ناولى بس تلعب روح ) وانا شايف العكس لو انا ناوى العب يبقى مش هاروح)

انا بفكر زيك كدة بردو
و يا ما اتعرفت على بنات نص كم بس ما كنتش بعرف اتوائم معاهم كنت بنفض في التو و اللحظة و صحابي كانوا بيقولوا عليا عبيط !!!!
و دايماً بفكر ان ليا اختين بنات فبلاش اعمل حاجة غلط في اي واحدة حتى و لو كانت هي مش محترمة ده شئ يخصها انما انا انسان كويس فبتعامل كدة
يعني انت انسان محترم و قابلت حد مش كويس او اخلاقه على قده حاول انت تخليه محترم زيك لو ما نفعش سيبه يعني عامل الناس بطريقتك انت ما تخليش حد يفرض عليك طريقته
العيب الوحيد فيك انك حكمت بدري عليها لسة شوية لما تعرفوا بعض اكتر ساعتها تقدر تحكم عليها صح
و على فكرة السن الي انت فيه ده احلى سن هتعيشه فعلاً بدون مبالغة مش هتعرف تجيبه تاني فحاول تعمل فيه كل حاجة حلوة ( بعيد عن قلة الأدب ) يعني سافر و اخرج و هرج و كل حاجة نفسك فيها اعملها
بس كله بطريقتك انت ( أنت فعلاً شاب محترم مش مجاملة )

انا و انا في سنك اتعرفت على واحدة زميلتي اتعرفت عليها آخر سنة 1997 ( كنت في اولى جامعة )
اعجبت بأخلاقها و أحترامها و هدؤها و كل يوم كانت بتزيد في نظري لحد ما صرحتلها بحبي في 29/4/1999
و الحمد لله دلوقتي معانا آســـــــــــــــر
و ساعتها كل صحابي يقولي يا ابني ما توجعش دماغك بحب و و جع دماغ صاحب بس و اخرج و الكلام ده بس انا مكتش كدة
و كل اصحابي بلا استثناء يقولي هتلخم نفسك بعد التخرج بخطوبة و جواز و لا هتدور على شغل
بس علشان انا كنت ناوي خير الحمد لله اشتغلت قبل ما استلم شهادة التخرج حتى
و ربنا يسرلي كل حاجة علشان النية كانت خير
و كمان لما تيجي ترتبط لازم و لابد و حتمي تتعرف على اهل البنت الي هترتبط بيها لانهم هيكونوا اهلك انت كمان و لو طلعوا مش كويسين في التعامل او الكلام ده اعتقد ان الارتباط هيبقى فاشل بنسبة اكبر من 75%
و ما تسمعش كلام الي يقولك لما اتجوز ابقى اقطعها عن اهلها و الكلام ده كله غلط ( محدش يرضاها على نفسه ان ينقطع عن اهله )

ربنا يوفقك في حياتك و يهديك للي فيه الخير
عيش سنك و حياتك على مزاجك انت