مشكلة دلوقت فمين ؟؟؟
هل في الرجل وخصوصا اذا كان يعاني من فراغ عاطفي او مشاكل عاطفية؟
ام في الفتاة بالرغم انها لا تتخطى اي خطوط حمراء في تعاملاتها؟
وايه التصرف الامثل من البنت لصده بدون جرح مشاعره؟
وايه التصرف الامثل لعدم تكرار مثل هذه المواقف؟
4 اسئلة تنتظر الاجابة
المشكلة من واقع تجارب عايشتها
1- الملل و حب التغيير بالنسبة للراجل ( حتى ممكن يكون عارف ان الي بيعمله غلط و ممكن اول ما يفوق يقول ايه الي انا بعمله ده ) بس هو عايز حاجة جديدة و خلاص طريقة حياه مختلفة عن الي هو عايشة و في ناس كتير كدة
2- بالنسبة للبنت و انت اكيد هتلاحظي الموضوع ده
انا نادراً لما بلاقي بنت بتتعامل على طبيعتها يعني تلاقيها في البيت صوتها عالي و مع صحابها تهريج و ضحك و اول ما التليفون يرن و تيجي ترد تلاقيها بقت سعاد حسني مع انها ممكن تكون محترمة جداً بس مش عارف ليه الموضوع ده
تجي تتكلم مع راجل تلاقيها صوتها وطي و بقى و لا صوت شيرين
( لا تخضعن بالقول فيطمع الذي في قلبه مرض )
هي في طريقة التعامل
لو كل حد اتعامل مع الطرف الثاني بكل وضوح و صراحة مش هيبقى في مشكلة خالص
لو الراجل أقتنع ان دي حياته و ان التغيير الي نفسه يحصل ممكن يبدأ من البيت هيبطل يعمل كدة
بس الموضوع في الاول و الاخر قلة عقل
في نقطة تانية انا واخد بالي منها بقالي فترة كبيرة و اتكلمت فيها مع ناس كتير و قالولي كبر دماغك
في حرب ثقافية فعلية تشن على الوطن العربي بأكمله
دايماً العلاقة بين الولد و البنت في الافلام و التمثليات و الكليبات و القصص القصيرة
عمري مالقيت علاقة شريفة بين و لد و بنت مش عارف ليه
حتى لو كانوا اصحاب لازم يغلطوا
بقى الولد الي بيكلم البنت بحسن نية منبوذ من المجتمع و غير مرغوب فيه و لازم يبقى مقطع السمكة و ديلها علشان يبقى البطل
برامج التليفزيون ( الي هيا بيبقى فيها اتصلات زي المقصوف على عمره أسامة منير ) بيقدم نصايح زي الزفت
انا مقتنع انا حرب ثقافية منظمة من جميع الجهات
مش عيب ان الست تعرف 100 راجل ( و ممكن تكون متجوزة ) عادي جداً ست متحررة و متحضرة ( هي دي الحضارة في وجهة نظرهم )
اتنين اتطلقوا و يبقوا بيتقابلوا كل يوم و يقولك احنا أصحاب جداً و لازم نتكلم او نتقابل كل يوم ( أمال اتنيلتوا ليه )
و احدة متجوزة و تطلع تقولك ده فلان ده صاحبي جداً و لو في مشكلة لازم اخد رأيه ( طيب كيس اللب الي في البيت ما لوش لازمة )
و المفروض ان الناس الي انا ذكرتها دول قدوة للشباب
يا حســـــــــــــــــــــــ رة
الموضوع كبير و ما يكفيهوش موضوع واحد علشان نتكلم فيه

خدي عنك مثال صغير
الأجانب لما بيجوا مصر بيفرضوا علينا اسلوب حياتهم و تلاقي الواحدة من دول ماشية مش لابسة حاجة ( و الله العظيم شوفتها في ش الهرم كانت ماشية مع جوزها لابسة بتاع ابيض شفاف لدرجة ان واحدة صاحبة محل ملابس اديتها شال علشان تغطي بيه نفسها )
لكن احنا لما نسافر برة و واحدة تلبس حجاب الدنيا تتقلب
شوفي العرب بيعملوا ايه على كوبري قصر النيل في الصيف مع ان لو واحد مصري عمل الي هو بيعمله ممكن ما نشفهوش تاني
اي مصري يقدر يروح دولة عربية تانية يعمل فيها زي ما هما بيعملو

ربنا يتولانا برحمته