تجربة ملئ الإطارات بالنيتروجين بدلاً من الهواء... (كنت متوقع اكتر من كدا)

لسة النهاردة..
جاتلي الفرصة اني اروح املى الكاوتش نيتروجين ...

طبعاً انا قرأت هنا كتير عن الموضوع دا و عن ايجابياته
و بعد ما واحد صاحبي اقنعني.. قلت اروح اجرب

بصراحة مش هو دا اللي كنت متوقعه..
انا كنت متوقع اكتر من كدا
الصوت قل بدرجة بسيطة
حصل فرق طفيف في مطبات و الحفر اللي في الطرق.. مش اللي كنت متخيله برضه
( يعني من الآخر.. الفرق ميستاهلش )

مع العلم ان العربية بالجنط الحديد الستوك 13" و كاوتش بريدجستون و انا اصلاً سواقتي هادية جداً

لسة هشوف اية الظروف عالمدى البعيد..

قلت اشوف رأيكم يمكن يكون في حاجة غلط ..؟؟:U_thin1[1]:

شكراً

انا اعرف ناااس مركبين عفشه رياضيه ووحطين نيتروجيين وبيشكروا فيه اووي مع اني مش شايف فرق برده بين الهواء والنتيروجيين

انت مش حتلاحظ فرق كبير في الاداء لان مش دي وظيفته هو ميزته ان انت لما تمشي فترة كبيرة و بالاخص في صيف ضغط الهواء يفضل ثابت و مايتغيرش و دة طبعا بيحافظ علي الكاوتش

انا ماجربتهاش قبل كدة بس هاحاول فى اقرب فرصة

الفرق مش كبير

هوا ميزته انه بيحافظ علي ضغك الكاوتش مستقر مش اكتر

اقتباس:

---

المشاركة الأصلية كتبت بواسطة DRguevara

الفرق مش كبير

هوا ميزته انه بيحافظ علي ضغك الكاوتش مستقر مش اكتر

---

:S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]:

اقتباس:

---

المشاركة الأصلية كتبت بواسطة drguevara

الفرق مش كبير

هوا ميزته انه بيحافظ علي ضغك الكاوتش مستقر مش اكتر

---

وبالتالي بيقلل من احتمالات انفجار الاطارات

اقتباس:

---

المشاركة الأصلية كتبت بواسطة ecybrarian

وبالتالي بيقلل من احتمالات انفجار الاطارات

---

صوت العجل او الدبة على الارض حتتغير ازاى ما دام الضغط الداخلى هوه 28 او 30 سوا كان متعبى هوا عادى او نيتروجين ... ممكن حد يدخل فى حوار ان النتروجين مش بيتمدد زي الهوا و الكلام ده ... ده طبعا مش كلام دقيق علشان ... 78% من تركيب الهواء العادى بتاع ربنا مكون من غاز النيتروجين و باقى ال 12% خليط من غازات اخرى زي الاكسجين و خلافة ... يبقى ايه الفرق المتوقع لو عبيت الكاوتش نيتروجين ...مش همه دول اللى حيدولك الشعور الرهيب فى فرق معامل التمدد... الفرق الوحيييييد ان ممكن يكون فى ال 12% غاز معين يتفاعل مع مركبات الكاوتش اللى في العجله ويسبب تشققات ميكروسكوبيه تساعد على ان ضغط الكاوتش ينزل كل شويه ... وبيقوولوووا ان مع النتروجين التشققات بتقل و ده سبب ان الضغط مش بيقل ... (طبعا ده بس حيحصل لو الكاوتش زيرو ما اتعباش هواء قبل كده ومافيهوش التشققات الميكروسكوبية ... لكن لو التشققات ديه حصلت حتفرق بقى اية ان الكاوتش متعبى هوا وللا نتروجين)

.... الموضوع فى رايي اشتغاله (او فى احسن الاحوال عاوز كاوتش زيرو ما نزلش على الارض علشان موضوع تفاعل الغازات الضارة مع الكاوتش)

انا برضه مش مقتنع اوى انه هايفرق فى الاحساس بالنعومه والمطبات وغيرها

هو غالبا زى ما الاعضاء قالوا يحافظ على الضغط

الأخوان الكرام .. ده رأيي الشخصي كنت قلته قبل كده
النيتروجين أخف في الكثافة من الأوكسجين و ثاني أوكسيد الكربون
و بالتالي فهو المفروض يحسن من أداء العربية عن طريق تخفيف وزن الاطار ككل و تقليل سخونته
و لكن اشتغالااااااااااااااااااا اااااااااااات
الهواء العادي ( اللي انت بتملاه ) يحتوي علي 80 % نيتروجين أصلا
النيتروجين اللي انت بتعبيه ( لو كانت المكنه سليمة ) مش نقي .. ده بطريقة المرور المركز السريع و يعطي نقاوه 90 - 95 %
يعني انت في النهاية بتزود 10 % نيتروجين .. حينقصو وزن كاوتشنا المتواضع ال 15 - 16 بوصه تحت ضغط 28 - 30 بتاع 10 جرام
يعني أقل من زلطه اتحشرت بين الكاوتش !!!
علي عكس كاوتش الفورميولا 1
و بعدين الضغط هو هو .. مانت بتظبطه هو هو
هو المفروض يقل نسبة بخار الماء شوية و دي أهم حاجة مسئولة عن تغير الضغط .. بس مش قوي برضه
و بالشفا .. لكل واحد دفع ال 20 جند في اشتغالة النيتروجين

بصراحة.. انا جربت النيتروجين عشان اقتل الفضول عندي
فعلاً التجربة خير دليل..
بعد ما سمعت كلام كتير عنه و متناقض قلت لازم اجربه .. و قد كان :(

بس برضه ميزة انه يحافظ على ضغط الإطار لمدة كبيرة حلوة.. خاصة للناس اللي بتكسل تظبط الكاوتش زي حالاتي

شكراً للجميع :))

اقتباس:

---

المشاركة الأصلية كتبت بواسطة most_wanted

انا اعرف ناااس مركبين عفشه رياضيه ووحطين نيتروجيين وبيشكروا فيه اووي مع اني مش شايف فرق برده بين الهواء والنتيروجيين

---

اقتباس:

---

المشاركة الأصلية كتبت بواسطة Mustang69

انت مش حتلاحظ فرق كبير في الاداء لان مش دي وظيفته هو ميزته ان انت لما تمشي فترة كبيرة و بالاخص في صيف ضغط الهواء يفضل ثابت و مايتغيرش و دة طبعا بيحافظ علي الكاوتش

---

اقتباس:

---

المشاركة الأصلية كتبت بواسطة ecybrarian

وبالتالي بيقلل من احتمالات انفجار الاطارات

---

+1111111111111111

و قولت قبل كده مراراً و تكراراً.........لو عربيتك ستوك مش هتحس بفرق جامد........و ممكن مش تحس بفرق أطلاقاً.....كل واحد و أحساسه بعربيته.

الحالات اللى تحس فيها بفرق بدون شك هى فى حالة العفشة الرياضية أو لما تكون مركب جنوط و كاوتش لو بروفايل low profile ساعتها هتحس بفرق.

و يا Hegazio بك............قولتلك قبل كده بغض النظر عن الحوارات العلمية دى و الكثافة و التمدد و خلافه.......دى مش أشتغالة مطلقاً

و يا ريت متقولش ده تأثير نفسى :36_6_3[1]: عشان أنا بحط نيتروجين بقالى 5 سنين من ساعة لما كان فى القاهرة أتنين بس عندهم نيتروجين.


غير كل ده............مش أى حد يعرف يحط نيتروجين صح..........الصح كالأتى ( فى المرة الأولى بس أو لو تم تزويد الكاوتش بهواء )
1- تفضى الكاوتش من اللى فيه على قد ما تقدر ( بيبقى فيه جهاز شفط..........مش عن طريق الضغط على الكاوتش بالأيد )
2- تملا الكاوتش نيتروجين
3- تفضى الكاوتش من اللى فيه تانى بنفس الطريقة الأولى ( عشان لو لسه الكاوتش مكنش فضى تماماً )
4- تملا نيتروجين و تظبط الضغط

قولى بقى مين بيعمل كده فى مصر ؟؟؟؟؟؟؟؟؟؟؟

يتعدو على صوابع الأيد الواحدة

ا/ أحمد .. شكراً عالإضافة.

اقتباس:

---

غير كل ده............مش أى حد يعرف يحط نيتروجين صح..........الصح كالأتى ( فى المرة الأولى بس أو لو تم تزويد الكاوتش بهواء )
1- تفضى الكاوتش من اللى فيه على قد ما تقدر ( بيبقى فيه جهاز شفط..........مش عن طريق الضغط على الكاوتش بالأيد )
2- تملا الكاوتش نيتروجين
3- تفضى الكاوتش من اللى فيه تانى بنفس الطريقة الأولى ( عشان لو لسه الكاوتش مكنش فضى تماماً )
4- تملا نيتروجين و تظبط الضغط

قولى بقى مين بيعمل كده فى مصر ؟؟؟؟؟؟؟؟؟؟؟

يتعدو على صوابع الأيد الواحدة

---

لأ .. هو موضوع التفريغ من الهوا تم عادي خالص بدون جهاز :((

واضح ان اللي مليت عنده مش محترف .. او بمعنى آخر.. أنا اللي مش محترف

لو عاوز تجرب مرة تانية يبقى فى بريدجستون أو أرابكوم و لو حصل غير اللى أنا كاتبه قولهم أنا عاوز أعمل كده.

بس أنا مش مسؤل لو النتيجة برضه مكنتش مُرضية تانى :C_laugh[1]:

اقتباس:

---

المشاركة الأصلية كتبت بواسطة Ahmed A.Maksoud

لو عاوز تجرب مرة تانية يبقى فى بريدجستون أو أرابكوم و لو حصل غير اللى أنا كاتبه قولهم أنا عاوز أعمل كده.

بس أنا مش مسؤل لو النتيجة برضه مكنتش مُرضية تانى :C_laugh[1]:

---

هاها :C_laugh[1]: ..

اعتقد اني ان شاء الله هفكر في جنوط اسبور الأول بقى
ألف شكر يا باشا :))

اقتباس:

---

المشاركة الأصلية كتبت بواسطة ahmed a.maksoud

+1111111111111111

.مش أى حد يعرف يحط نيتروجين صح..........الصح كالأتى ( فى المرة الأولى بس أو لو تم تزويد الكاوتش بهواء )
1- تفضى الكاوتش من اللى فيه على قد ما تقدر ( بيبقى فيه جهاز شفط..........مش عن طريق الضغط على الكاوتش بالأيد )
2- تملا الكاوتش نيتروجين
3- تفضى الكاوتش من اللى فيه تانى بنفس الطريقة الأولى ( عشان لو لسه الكاوتش مكنش فضى تماماً )
4- تملا نيتروجين و تظبط الضغط

قولى بقى مين بيعمل كده فى مصر ؟؟؟؟؟؟؟؟؟؟؟

يتعدو على صوابع الأيد الواحدة

---

فعلا هي دي الطريقة الصح

لكني مقتنع ان الفرق مش معنوي بين الهواء والنيتروجين لعربيات الركوب

اقتباس:

---

المشاركة الأصلية كتبت بواسطة successcre8or

هاها :c_laugh[1]: ..

اعتقد اني ان شاء الله هفكر في جنوط اسبور الأول بقى
ألف شكر يا باشا :))

---

انت علشان تحس بفايدة النتيتروجين وتستفيد بال 20 جم
محتاج جنوط وعفشة رياضية وكاوتش سوفت بتكلفة اجمالية حوالي 10000 جم
وتجرب علي سرعات 160 كم / ساعة فما فوق

ايه رايك؟

اقتباس:

---

المشاركة الأصلية كتبت بواسطة mo7a_mo7a

انت علشان تحس بفايدة النتيتروجين وتستفيد بال 20 جم
محتاج جنوط وعفشة رياضية وكاوتش سوفت بتكلفة اجمالية حوالي 10000 جم
وتجرب علي سرعات 160 كم / ساعة فما فوق

ايه رايك؟

---

مش قوى كده يا بك..............هما يا دوب 8999 جنيه بس :)

لأ بس بجد لو واحد عنده عفشة رياضية زى حالاتى......أو كاوتش لو بروفايل لو جربه هيقولكم أن فى فرق.

فعلا موضوع النيتروجين دة ولا لة لزمة في عربيات مصر ولكن اكيد لة لزمة في عربيات الفورميولا

لكن لو عايزين بقي العربية تتشال من الارض شيل ابقوا دوروا علي غاز الهيليوم هتحس ان العربية هتسيب الارض زي البلونة بتاعة الاطفال اللي بطير لفوق لو سبتها عارفنها ؟؟؟

اهو دة بقي غاز الهيليوم بس هتلاقية فين وبكام وبردو علي اية ازود الكاوتش بية متخلوا العربية لزقة في الاسفلت والمطبات احسن مطير وتلاقي نفسك راشق في كوبري ولا طالع فوق اتوبيس ولا راكب علي عربية فول او خضار هههههههههههههههههه

بقول اية في غاز الهس بس دة مفيد اوي للكاوتش والعجلة بزغزها وميخلهاش تعرف تنام ابدااااااااااااااااااااا تقلق راحتة من الاخر ههههههههههههههه

ياريت يا شباب نفكر ومنقلدش

النيتروجين اشتغاله مش اكتر ولا في اي فرق والله يمكن الهوا بالنسبالي كان اريح
والله اعلم

لسة مقتنع برأيى:

اقتباس:

---

المشاركة الأصلية كتبت بواسطة Mohamed_SlvrLan99

رأيى انة لا توجد أى فائدة تذكر عن الهواء المطغوط, مجرد سبوبة بتتعمل.

الحالة الوحيدة أن ممكن أستخدمة لو بيتعمل ببلاش :).

---

اقتباس:

---

المشاركة الأصلية كتبت بواسطة Mohamed_SlvrLan99

In my opinion and without any offense, I find it really beyond my mind spending 20 pounds to fill up the tires....when it's widely available in the air. I understand the use of nitrogen in extreme applications such as airplanes, a f-1 team where 1/4 of 1% tire growth mean something

Also a good compressor have a condenser unit to extract water vapours from the air

In the end I am not against it but against the pricing of it, ya3nee I'd rather spend the 20 pounds on fuel or something of real benefit to me

---

اقتباس:

---

المشاركة الأصلية كتبت بواسطة Mohamed_SlvrLan99

The tires will still leak at a certain rate, and will need to be filled up regardless

Also the wear that the inside of an inflated tire takes due to oxygen corrosion is NOTHING compared to the wear experienced on the OUTSIDE of the tire by oxygen, water, , dirt, sun, pothholes, stupid speed bumps, cat's eye, etc
So I'm guessing that the chances of a tire failing due to exterior-based failure is WAY higher than that of inner-based failure

---

اقتباس:

---

المشاركة الأصلية كتبت بواسطة Mohamed_SlvrLan99

I have no problem checking my pressures weekly

Also If I had to top up/reduce pressure with nitrogen, I would have to go to some place that sells it, far more inconvenient to me

As I said earlier if it's free there's really no reason to not do it. Otherwise there's no real benefit

---

http://www.nilemotors.net/Nile/4682-a-4.html

اقتباس:

---

المشاركة الأصلية كتبت بواسطة ahmed a.maksoud

مش قوى كده يا بك..............هما يا دوب 8999 جنيه بس :)

لأ بس بجد لو واحد عنده عفشة رياضية زى حالاتى......أو كاوتش لو بروفايل لو جربه هيقولكم أن فى فرق.

---

طبعا منقدرش نقول حاجة

سعادتك اللي عندك العفشة والجنوط والكاوتش والنيتروجين وتقدر تحدد

طبعا ده مش قر ربنا يزيدك ويباركلك ان شاء الله


باللنسبة لتكلفة التعديل ابقي خلي فرق المبلغ عليا انا :36_1_1[1]::36_1_1[1]: