العربيه بترجرج

**m.aligamal** · 12-11-2009 05:10 PM

السلام عليكم و رحمه الله
انا لاحظت دائما و انا بسخن العربيه انى لما بشغل االنور واقلب فيه احس ان العربيه بتتهز هيا مش هزه جامده بس ملحوظه مش عارف المشكله فى ايه العربيه لانسر 99 اوتوماتك كربيراتير مفيش اى مشاكل بتقابلنى فيها خالص هوا عاده لما بدورها بيقى rpm فوق 1 بشرطه و بعد متسخن ينزل تقريبا الى 700 او 800 ولاحظت ايضا ان بعد مشوار جرى بالعربيه ممكن الاقى rpm وانا واقف مثلا بينخفض الى 500 او 600 وطبعا بشعر بهزه فى العربيه

**samirayad** · 12-11-2009 07:48 PM

علشان تروق المكنه
_ غير فلنر الهواء والبنزين ونظف بيك السلانسيه أو غيره (حسب حالته )
- شوف نظام البوجيهات ولونها أخباره أيه
- خللى نظافة الكربوراتير بعد التشييك على البندين السابقين
بس أنا فعلا شاكك فى البوجيهات ونظافة بيك السلانسيه

**caysersosaih** · 12-11-2009 10:54 PM

بوجيهات

**m.aligamal** · 12-11-2009 11:03 PM

انا اخر مره كنت عند الميكانيكى سنفر البوجيهات و بعدين نصحنى بتغير ال3 شمعه بشمعه واحده و قلى ده احسن خاصه انى بستعمل بنزين 80 مش عارف كلامه صح ولا مش صح و بمناسبه بنزين 80 عشان محدش يقلى العيب فيه انا ماخر الكهربا و العربيه الحمد لله لا بتسقف ولا بتكركر لانى مش بضغط عليها بالاكسرتاير و بسيبها تاخد سرعتها بنفسها طبعا العربيه اوتوماتك يعنى مش بقرص عليها خالص و الحمد لله مريحانى قوى و مفيش فيها مشاكل تقريبا مبتفرقش معايا عن 92 غير بس السحب و تجميعه الفتيس بتبقى اسرع شويه لا شويتين
ارجع تانى اقول اركب بوجيهات شمعه واحده ولا 3 شمعات

**m.aligamal** · 12-11-2009 11:20 PM

ممكن تقلى يا باش مهندس ايه هوا بك السلانسيه عشان اخلى الميكانيكى يراجع عليه

**HeMa_LanCeR** · 12-11-2009 11:59 PM

ده عيب البنزين ال 80
انا كمان بحط 80 وعندي تقريبا نفس الاعراض
ومأخر الكهربا وظابط العربيه
وبالنسبه للبوجيهات ركب ngk 3 شمعه

**samirayad** · 13-11-2009 12:22 AM

المشاركة الأصلية كتبت بواسطة abocato

ممكن تقلى يا باش مهندس ايه هوا بك السلانسيه عشان اخلى الميكانيكى يراجع عليه

أنا معرفش مكانه فين فى الانسر
بس فى غالبية السيارات الكربوراتير بيكون على وش الكربوراتير من فوق (تحت فلتر الهواء )
عموما
قول للميكانيكى على الملحوظه دى
وهو هيعرف المقصود

**HeMa_LanCeR** · 13-11-2009 12:26 AM

المشاركة الأصلية كتبت بواسطة samirayad

أنا معرفش مكانه فين فى الانسر
بس فى غالبية السيارات الكربوراتير بيكون على وش الكربوراتير من فوق (تحت فلتر الهواء )
عموما
قول للميكانيكى على الملحوظه دى
وهو هيعرف المقصود

بالنسبه لكربراتير للانسر
هو نظام بستم وعلي حسب معلوماتي انه لا يوجد بيك سلانسيه
يعني البستم ده هو المتحكم في كميه الهواء الداخل او الخراج للكربراتير
وعموما مدام الكربراتير مظبوط بلاش لعب فيه احسن
انت بس غير البوجيهات ونضف فلتر الهواء وكل شيء هيكون تمام بأذن الله

**m.aligamal** · 13-11-2009 12:28 AM

شكرا يا باشمهندس سمير و يا هيما باشا و بلاش كلمه اعراض دى اصل يفكروا العربيه عندها h1n1 ومنخلصش عامه الرجه مش مزعجه يعنى رعشه خفيفه كده بس الواحد بيطمن اصل تكون حاجه كبيره بالمناسبه انا عندى تزيقه فى الكنبه الى ورا دايما اسمع تزيقه و ساعات كتير مسمعهاش كشفت عالعفشه وانا بعمل ترصيس و كله تمام جلب و مقصات و بيض و مساعدين و سوست مش عارف الصوت ده من ايه ؟؟؟

**HeMa_LanCeR** · 13-11-2009 12:38 AM

لازم حد يقعد ورا ويحاول يعرف جايه منين
ممكن تكون الكنبه مش مربوطه كويس
او مثلا رف السماعات
خلي حد يقعد وانت بأذن الله تعرف

الموضوع: العربيه بترجرج

LinkBack

أدوات الموضوع

عرض

-

-

-

-

المواضيع المتشابهه

الفرامل في الفيرنا بترجرج جامد جدا جدا ومش لاقي حل

الافيو بترجرج على الغيار الاول ؟

العربية بترجرج جامد قوى وانا ماشى ..

العربية بترجرج بعد ال 150 ؟؟؟؟ ارجو الافادة

لعربية بترجرج مني قوي للميجان 2

الكلمات الدلالية لهذا الموضوع

المفضلات

المفضلات

ضوابط المشاركة