استحالة حل هذه المشكلة في nubira

**alexcdx** · 15-11-2009 08:45 PM

المشاركة الأصلية كتبت بواسطة samirayad

ماشى ياعمنا

يعنى بلاش ندردش ونتعلم على مانكمل معاه

ماهو فاتنا وراح

ههههههههههه
والله يكون فى عونه بصحيح

يا باشمهندس أنت تدردش فى أى وقت طبعا الدردشه مفيده خاصه أحنا بنحط النقط فوق الحروف الخاصه بفتيس النوبيرا الأتو ومقارنته باللانوس وححاول أرفعلك شكل الفالف الى فى النوبيرا المصرى (وكويس موضوع حساس الفتيس ده شد أنتباهى ) الله يكون فى عونه ويقوينا عليهم الصنيعيه ....

**tuttoo** · 15-11-2009 11:39 PM

السلام عليكم احب الوضح حاجة عشان انا شايف ان الموضوع دخل ف دور لخبطة ودة بعد اذن الجميع فتيس النوبيرا واللانوس مختلفين عن بعض شكلا وموضوعا خالص دة حاجة ودة قصة تانية خالص كمان فتيس النوبيرا نفسة لوحدة فية منة 2نوع الموصفات المصرية و المواصفات الاوربية والاتنين دول مختلفين عن بعض بردة شكلا وموضوعا ولو حبينا نتكلم صح يبقي يبقي الاول نصنفة هل احنا بنتكلم عن الفتيس اللي شبة المدفع اللي هو لانوس وف بعض الاحين بيبقي نونبيرا وان (1) ولا احنا بنتكلم عن فتيس اوتوماتيك مش مدفع ودة موجود منة نوعين... الاول: المواصفات المصرية ودة المشهور ف مصر ودة صاحب السمعه السيئة ومفيهوش اي تدخل للكهربا ودة فتيس متخلف واعطالة ياما وفية كابل كيك داون بلاستيك والفلف بدي مفيهوش بيعتمد علي ضغط الزيت النوع التاني: وده الاوربي وبينزل فية فالف بيعتمد علي فكرة السنولويد والنقل فية عن طريق الكونترول والبوابة الكهربا اللي ف الموتور ::::: اما اللانوس المدفع ف دة موضوع تاني خالص الفتيس لة كنترول وضفيرة والفالف فية 4او 5 سنولويد وبيخد السيجنال(الاوامر _الاشارات) بتاعه من الكنترول وممكن حساس ال تي بي اس يصحح بعض الاشارات واحب واوضح ان المعلومات دي عرفتها من الميكانيكي اللي بتعامل معة البشمهندس علي مصطفي الليف الابراهيمية اسكندرية لانة بسم الله ماشاء الله علية ف المشاكل دة

العضو الفاضل
ممنوع الكتابه باللون الأحمر
اللون الأحمر مخصص للمداخلات الأداريه
مع مراعاة كتابة لفظ الجلاله بالوضع الصحيح

مشرف القسم

**alexcdx** · 16-11-2009 12:13 AM

المشاركة الأصلية كتبت بواسطة tuttoo

السلام عليكم احب الوضح حاجة عشان انا شايف ان الموضوع دخل ف دور لخبطة ودة بعد اذن الجميع فتيس النوبيرا واللانوس مختلفين عن بعض شكلا وموضوعا خالص دة حاجة ودة قصة تانية خالص كمان فتيس النوبيرا نفسة لوحدة فية منة 2نوع الموصفات المصرية و المواصفات الاوربية والاتنين دول مختلفين عن بعض بردة شكلا وموضوعا ولو حبينا نتكلم صح يبقي يبقي الاول نصنفة هل احنا بنتكلم عن الفتيس اللي شبة المدفع اللي هو لانوس وف بعض الاحين بيبقي نونبيرا وان (1) ولا احنا بنتكلم عن فتيس اوتوماتيك مش مدفع ودة موجود منة نوعين... الاول: المواصفات المصرية ودة المشهور ف مصر ودة صاحب السمعه السيئة ومفيهوش اي تدخل للكهربا ودة فتيس متخلف واعطالة ياما وفية كابل كيك داون بلاستيك والفلف بدي مفيهوش بيعتمد علي ضغط الزيت النوع التاني: وده الاوربي وبينزل فية فالف بيعتمد علي فكرة السنولويد والنقل فية عن طريق الكونترول والبوابة الكهربا اللي ف الموتور ::::: اما اللانوس المدفع ف دة موضوع تاني خالص الفتيس لة كنترول وضفيرة والفالف فية 4او 5 سنولويد وبيخد السيجنال(الاوامر _الاشارات) بتاعه من الكنترول وممكن حساس ال تي بي اس يصحح بعض الاشارات واحب واوضح ان المعلومات دي عرفتها من الميكانيكي اللي بتعامل معة البشمهندس علي مصطفي الليف الابراهيمية اسكندرية لانة بسم الله ماشاء الله علية ف المشاكل دة

العضو الفاضل
ممنوع الكتابه باللون الأحمر
اللون الأحمر مخصص للمداخلات الأداريه
مع مراعاة كتابة لفظ الجلاله بالوضع الصحيح

مشرف القسم

أنا مش فاهم يعنى أيه فتيس مدفع ؟
و يعنى أيه وممكن حساس ال تي بي اس يصحح بعض الاشارات ؟
وهو فعلا مهندس ولا ده تعبيرعن قوه فهم البشمهندس علي مصطفي الليف الابراهيمية اسكندرية لانة بسم الله ماشاء الله علية ف المشاكل دة ؟

**alexcdx** · 16-11-2009 12:44 AM

وده يا باشمهندس سمير ال valve body بتاع النوبيرا المصرى

**samirayad** · 16-11-2009 12:58 AM

يعنى ده بتاع الفتيس المدفع ولا حاجه تانيه

ارجو التوضيح !!!!!!!!!!

**modynar** · 16-11-2009 01:42 AM

مداخلة بسيطة
انا الفتيس اللي عندي فيه حساس بيتفك بمفتاح و هو اسفل البطارية مباشرة و ليه فيشة تقريبا 4 او 3 اسلاك

**modynar** · 16-11-2009 01:45 AM

هو لازم ادور من المفتاح و لا ايه
لاني لما ادور بالمفتاح فيه صوت بيطلع من علبة الفيوزات (كتاوت) زي لما تقلب نور عالى و واطي بس مفيش مارش فالكهربائي بيفتح الكونتاك و يدور مباشر من البطارية للمارش

**modynar** · 16-11-2009 01:47 AM

انتو رايكم ايه ارجوكم ساعدوني رجاءا المساعدة السريعة

**modynar** · 16-11-2009 02:44 AM

الحساس بتاع الفتيس لسه راس مدبب نحاس قطره نصف سم و هو من النحاس و عند الضغط عليه يدخل لجوه

**samirayad** · 16-11-2009 07:27 AM

المشاركة الأصلية كتبت بواسطة modynar

هو لازم ادور من المفتاح و لا ايه
لاني لما ادور بالمفتاح فيه صوت بيطلع من علبة الفيوزات (كتاوت) زي لما تقلب نور عالى و واطي بس مفيش مارش فالكهربائي بيفتح الكونتاك و يدور مباشر من البطارية للمارش

الكونتاكت بيكمل الدايره الكهربيه ولازم يكون آدائه طبيعى
بمعنى أن الدواره تكون منه وبالذات أن عربيتك أوتو وحقن ألكترونى
وعلى فكره الكونتاكت فى العربيات الأوتو على علاقه بالفتيس الأوتو
لأن فيه inter lock بين وضع الفتيس على الp & n ووضعه على أى وضع آخر من خلال السيلكتور وعدم الدواره
والمسئول عن كده
بيكون سولونيد كهربى inter lock solenoid (ممكن يكون ده باظ من الميه )

المشاركة الأصلية كتبت بواسطة modynar

الحساس بتاع الفتيس لسه راس مدبب نحاس قطره نصف سم و هو من النحاس و عند الضغط عليه يدخل لجوه

ممكن ده يكون هو السولونويد اللى قولتلك عليه فوق فى التعليق الحالى
ولازم تتصرف صح مع العلاقه بين الفتيس والكونتاكت
علشان تدور من الكونتاكت
ومينفعش تسمع كلام الكهربائى وتدور من بطاريه
أولا العربيه مش حدور
لأن الكونتااكت هو حلقة الوصل بين كل العناصر الكهربيه ووحدة التحكم
اللى حتودى بنزين للرشاشات وتشغلك البوبينا
حاول تشوف نظام الحساس اللى بتقول عليه ده (السولونويد )
وجرب ونظف فيشته كويس الأول بمزيل صدأ بتاع ألكترونيات
أو شوف واحد تانى زيه وجرب بيه

وأنا متابع معاك
ولو أنك زعلان من المهندسين
وربنا يقويك (لأن أنا حاسس بيك )
ولو معرفتش تصرف
شوف ناس بتفهم فى شغل الأوتوماتيك
لأن الكلام على الطبيعه (غير النت )
وأحنا بس بنفكر معاك (لأن الحاله مش قدامنا وبنفكر من منازلهم غير اللى قدامه الحاله )
ربنا يوفقك المره دى