رقم الموتور مش ظاهر فى اللوجان !

**rockyman1** · 25-11-2009 12:32 AM

حصل معايا نفس الشىء بمرور السلام ودفعت ال 5 جنيه ورفع البصمه 4 مرات رايح - جاى طبعا ولما سألته ليه ما بتكون واضحه قال الرقم غى هذه العربات مكتوب بالكمبيوتر واخيرا ذهبت للمهندس وجاء وبص للعربيه ومضى الورق ... يعنى هم عارفين المشكله.

**أحمد كمال** · 25-11-2009 12:59 AM

المشاركة الأصلية كتبت بواسطة rockyman1

حصل معايا نفس الشىء بمرور السلام ودفعت ال 5 جنيه ورفع البصمه 4 مرات رايح - جاى طبعا ولما سألته ليه ما بتكون واضحه قال الرقم غى هذه العربات مكتوب بالكمبيوتر واخيرا ذهبت للمهندس وجاء وبص للعربيه ومضى الورق ... يعنى هم عارفين المشكله.

يعني ايه كمبيوتر و ايه علاقة الكمبيوتر بصعوبة رفع البصمة؟

**drahmd** · 25-11-2009 09:36 AM

انا كمان فكيت العمه اللي كانت على وش الموتور عشان يرفع البصمه كان في ميكانيكي قدام الفحص فكهالي ف دقيقه والراجل اللي بيرفع اتحايلت عليه ياخد ال 5 جنيه مرضيش رحت للمهندس قاللي البصمه مش ظاهره ارجع للراجل تاني يرفعهالك قولو ان الباشمهندس مش شايفها رحتلو قاللي انا شايف البصمه وهي واضحه بس صعب تترفع وقام كاتبلي رقم الموتور على ورقة الفحص ورحت بيها للمهندس ومضالي ومشيت زي الفل على فكره الفحص كله اخد مني ربع ساعه بالموال ده كله بس حصل معايا مشكله لما رحت اودي خطاب المرور في ادراة المرور كانوا البشوات بتوع التوكيل ناسيين يكتبوا في الفاتوره رقم الموتور وانا رايح استلم اللوح رجعوني عليها وقالولي تجيب رقم الموتور في الماتوره مختوم بأكلاشيه الشركه طبعا ضربت مشوار المقطم ورجعت واستلمت النمر ف ساعه.مبروك لكل اللي رخصوا وعقبال كل اللي لسه مارخصوش

**redawilliam** · 25-11-2009 10:37 AM

يا جماعة ممكن تقولننا اشترتهوا ازاى و تمنها كام قسط و لا كاش
و العربية عاملة اية معاكو فى المشى فى السفر و الجرى

**menocomp** · 25-11-2009 10:39 AM

المشاركة الأصلية كتبت بواسطة drahmd

حصل معايا مشكله لما رحت اودي خطاب المرور في ادراة المرور كانوا البشوات بتوع التوكيل ناسيين يكتبوا في الفاتوره رقم الموتور وانا رايح استلم اللوح رجعوني عليها وقالولي تجيب رقم الموتور في الماتوره مختوم بأكلاشيه الشركه طبعا ضربت مشوار المقطم ورجعت واستلمت النمر ف ساعه.مبروك لكل اللي رخصوا وعقبال كل اللي لسه مارخصوش

بصرة نفس اللى حصل معايا ..أنا أستلمت من التوكيل فى المعادى ورخصت فى مرور مصر الجديدة...
ورقة المبايعة مش مكتوب فيها رقم الموتور مش عارف لية يمكن مش عارفيين يقروها هما كمان

..المهم الست اللى على الشباك استلمت منى الورق والدوسية عادى جدا وقاليتلى روح شباك رقم 4 واستنى لما ينادوك علشان تستلم الرخصة...روحت لشباك 4 واستنيت كتير وبعد كدة حد نادانى وقاللى عندك مشكلة فى الورق ..روحت رجعت للست تانى ومن غير مأعرف المشكلة اية ..أيدى دخلت فى جيبى وطلعت 10 جنية الست اخدتهم وقاليتلى "الناس لبعضيها" ودخلت على الظابط اللى كتب رقم الموتور بنفسة.. والامور مشيت بعد كدة.

ياريت ياجماعة اى حد يستلم العربية يتاكد ان ورقة المبايعة مكتوب فيها رقم الموتور و الشاسية...

**drahmd** · 25-11-2009 01:10 PM

لا انا رخمو معايا مع ان كان رقم الموتور مكتوب ف ألف حته تانيه.عموما غلطتي اني ماكتبتش رقم الموتور من الأول معتقدش هتفرق طول ماالورقه تحت مختومه لذلك فضلا تأكد ان رقم الموتور في فاتورة البيع ولو مش موجود اكتبه هي مش مستاهله مشوار للمقطم بس هم اتلككولي روتين بقى وقرف ربنا يتوب علينا م البلد دي قولوا آمين

**asimo** · 25-11-2009 08:02 PM

نفس الموضوع حصل معايا بتاع البصمة اتضبط وملانى رقم الموتور
زى اللى مكتوب فى الافراج بالضبط بس المهندس هو اللى رخم وخلانى ارفعها تانى وقضيت

**vicogm** · 05-05-2010 12:31 PM

المشاركة الأصلية كتبت بواسطة rere

السلام عليكم
لو سمحتوا يا جماعه عندي استفسار احنا اشترينا اللوجان الاسبوع الي فات لحد ما الافراج الجمركي وصل اخدها زوجي وراح عشان يرخصها بس حصلت حاجه غريبه رقم الموتور مش ظاهر راح لميكانيكي عشان يصنفر الموتور بس برده الرقم مش يظهر انا بجد قلقانه ومش عارفه هي دي حاجه عاديه ولا ايه بالضبط لان طبعا في المرور مردوش يرخصوها

بلاش تدى الراجل فلوس خلية يعملها واضحة عشان فعلا طبعة رقم الموتور ضعيفة و خلى بالك انا كان عندى رقم الموتو غلط
الفعلى 45
و فى الافراج 54
لو كنت اديت الراجل فلوس كانت مشيت على الغلط
مهم جدا رقم الموتو عشان الترخيص و ضمان الموتور
ممكن فية طريقة الراجل عملها عندى حط نفطة حبر اسود عشان يوضح شوية