السلام عليكم
حد فاهم حاجة في الاحداث الاخيرة دي ؟؟
قبل الماتش14\11 قالو انهم اتضربو في مصر واحنا ردينا وقولنا لا وبعد ماتش السودان اعدين نعيط ونزعق ونقول ضربونا بهدلونا !! من غير ولا فيديو ولا صورة تقول يا جماعة صدقونا!!

والاعلام المصري مصعد الموقف جدا وشوبير مش راحم نفسه وبرضو من غير صورة واحدة
كل شوية يجيبوا واحد لابس لبس جزائري وواقف في بيتهم متصور بالساطور !!! وشوبير عمال يشرح في الصورة يا اخي ايه المشكلة لما البس علم بلدي وامسك ساطور واتصور في اوضتيي
وحاسس انها كلها حاجات تافهة
والسودانيين عمالين يشتموا فينا (انضموا لقائمة محتقرين الشعب المصري) بعد اللي احنا عملناه في الاعلام ولحد طبعا ما سيادة الريس امر اننا نهدي المسألة مع السودان كله رجع في كلامه

وادخلوا المنتديات السودانية وشوفو بيقولو علينا ايه .. والله ماكنت اتخيل ان توصل الحكاية بينا وبين السودان كدة

حاجة كمان في ادلة ان كلام السفارة الجزائرية في مصر ان كان في قتلى غير صحيح؟؟

والله العظيم متلخبط اخر لخبطة وبعد كل التصعيد اللي في قنواتنا تقوم قناه النيل مشكورة تقوم تذيع فيلم تسجيلي اسمه المصائر بيقول اننا مصر وجزائر واحد يافرحتي طب ماكان من الاول ايه لازمته اللي عملتوه دة كله
حاجة تجن

اسف لو طولت عليكم ..
تحياتي