يعني لما اكون انا مظلومة وحد بيتهمني اتهامات بحاجات معملتهاش وعلى الملأ وفي جرايد وتليفزيونات ..
مطلوب مني اقوله الله يسامحك ؟؟
ولا اخد جنب واقعد اعيط واقول مظلووووومة مظلوومة والنبي !!!

ده انا اللي اسمي بنت مش هسكت وهدافع عن حفي وعرضي وكرامتي ..
ده انا لو سكت ربنا يحاسبني ..
من مات دون عرضه فهو شهيد ..

وبعدين دول اليوم اللي نزلوا فيه موضوع الضرايب على اوراسكوم .. نزلت 10 % يومها في البورصة ..
يعني خسارة في المال والعرض ..

على فكرة انا اساسا من قبل موضوع الجزائر ده وانا عايزة اتكلم عن الفضائيات بتاعتنا اللي بقتت تتفنن في عرض المصايب والفضايح ..
اذا بليتم فاستتروا ..
مش نروح نتنافس في كل برنامج مين هيطلع فضايح انقح ..
واللي بيتفرج على البرامج دي مش مصريين بس .. احنا بنفضح نفسنا قدام العالم كله ..بمعنى تاني بننشر غسيلنا ال ... قدامهم ..
بينا للناس ان احنا بيئة خصبة لنمو المشاكل والفضايح ..
مجتمع هش تافه ..
هيبتنا راحت .. وبقينا ملطشة ..
اللي كان واخد فكرة عن المصري انه راجل شجاع شهم مقدام ...
بقى شايف غير كده ..
بقى شايف عاار وتفاهة ..
المفروض كل البرامج دي تتمنع .. كفاية فضايح عرتونا قدام الناس وكسفتونا وضيعتوا هيبتنا ..




و