النجاة من حادث الى متى هذااااااااااااااااااااااا اا

**slimbig** · 23-11-2009 03:02 PM

المشاركة الأصلية كتبت بواسطة hanykd

السلام عليكم ورحمة الله وبركاته

أخى فى الله
بداية حمداً لله على سلامتك
وبعدين المفروض ياجماعة إن إحنا متفقين إن السواق مش اللى مابيغلطش السواق هو اللى يتفادى أخطاء الغير
اللى حصل معاك دة شىء عادى بالنسبة للناس بتاعة الساعة 3.30 بالليل ( تعالى إسكندرية وإتفرج على الكورنبش فى الميعاد دة تحس إنك بتتفرج على سباق need for speed) متوقع تقابل مين غير حاجة من تلاتة
واحد سكران أو محشش مش شايف قدامه
واحد طالع يتعلم السواقة بالليل عشان المرور والكماين
واحد مروح من الشغل متأخر وهلكان ومش شايف قدامه
والتلاتة أسوأ من بعض
قدر الله وماشاء فعل
والحمد لله الذى لا يحمد على مكروه سواه
وحمداً لله على السلامة

أخوك فى الله هانى

معلش بردو في حاجات مينفعش نتفاداها و انا معاك فموضوع طريق البحر باليل متأخر العيال بتشد مع بعض و في ناس كتير بيمشو 180 خطر و موت حقيقي عدد الحوادث غير عادي و مفهوش هزار انا في أيام باجي متأخر بمشي من شارع ابو قير من الي شوفتو قبل كده ربنا يحفظنا

**honda forever** · 23-11-2009 03:10 PM

ربنا يسلم طريقنا جميعا

**N.a.j.d** · 23-11-2009 06:55 PM

امين

**hanykd** · 24-11-2009 09:56 AM

المشاركة الأصلية كتبت بواسطة slimbig

معلش بردو في حاجات مينفعش نتفاداها و انا معاك فموضوع طريق البحر باليل متأخر العيال بتشد مع بعض و في ناس كتير بيمشو 180 خطر و موت حقيقي عدد الحوادث غير عادي و مفهوش هزار انا في أيام باجي متأخر بمشي من شارع ابو قير من الي شوفتو قبل كده ربنا يحفظنا

السلام عليكم ورحمة الله
طبعاً فى حاجات مينفعش نتفاداها بس فى الموقف دة كان باين إن الواد دة متردد وحايعمل مصيبة
أما بالنسبة لإسكندرية والكورنيش فحدث ولا حرج وبعدين مش مهم إنه ماشى 180 المهم ماشى ال 180 إزاى غرز وكلام من دة ولا محافظ على مساره والعربية حتلم معاه ولا مش حاتساعده لو حب يقف
أنا كنت بشتغل فى سيناء وكنت قاعد فى الطور وبروح كل يوم شرم وسانت كاترين واللى راح هناك عارف يعنى إيه سواقة
ماينفعش هناك تمشى أقل من 150 مثلا بس تمشى بأدب يعنى تنسى الغرز والتفحيط وشغل الهبل دة عشان هناك الحادثة موت مافيش هزار أنا كنت بشوف حوادث هناك تستغرب من شكل العربية بعدها تحس إن العربية زى علبة السجاير اللى واحد عجنها ورماها

ربنا يستر علينا

أخوكم فى الله هانى

**kasten** · 24-11-2009 11:10 AM

ياباشا حمد الله على سلامتك قدر ولطف

**tananybasha** · 24-11-2009 11:20 PM

سلوكيات السواقه فى مصر بقت فى اسوء و اقذر حالتها
كله فاكر نفسه فى سباق و ماشى و لا همه
اتفرج على كورنيش النيل فى المعادى صواريخ صواريخ صواريخ معدية من حواليك
اعلى معدل وفيات حوادث طرق فى القاهرة على الكورنيش

**tananybasha** · 25-11-2009 01:09 AM

الله يسلمك
اللهم امين

**hanykd** · 25-11-2009 11:42 AM

السلام عليكم ورحمة الله وبركاته
فعلا ياهيثم إحنا المفروض نبدأ بنفسنا نحاول نكون قدوة لكل الناس اللى بتسوق بعشوائية
وياريت إحنا شباب نايل موتورز منتدى الأوبل نبدأ حملة من هنا لتصحيح المفاهيم الخاصة بالسواقة
ياريت نبدأ إحنا بأى طريقة نحاول نغير العادات السيئة الخاصة بالسواقة عتد الشباب
ياريت نفكر سوى ونشوف طريقة مش عارف مثلاً نعمل إستيكرات نحطها على عربياتنا
نعمل جروب على الفيس بوك
نعمل سيت على الإنتر نت
أى طريقة عشان بجد شكلنا سىء جداً قدام العالم كله, كل الناس الأجانب والعرب اللى بيجوا مصر بيقولوا إن أسوأ حاجة فى مصر هما السائقين
وإن إحنا ماعندناش ثقافة السواقة خالص ومافيش حاجة ممنوعة عندنا خالص.

أخزكم فى الله هانى