انا آسف ..... لن استطيع الاستمرار في المنتدى بهذا الوضع

**pop3** · 24-11-2009 09:48 PM

المشاركة الأصلية كتبت بواسطة col. Eng. Khaled

أخي الكريم pop3

كلامي إللي جاي مش معناه أبدا الجدال ، لكن لو حنتكلم عن الخليج - بأسلوب التعميم إللي الكويتي أشار إليه - فممكن

أحكي لحضرتك و أي حد عايز يعرف عنهم (بس مش على صفحات المنتدى لإنه ما يصحش يتحكي هنا)

ممكن نحدد مكان و زمان نتقابل و أحكي إللي شوفته بعيني في الكويت من مختلف جنسيات الخليج ، و إللي شوفته

بعيني بين العصر و المغرب في يوم من أيام رمضان (2007) في الرياض .

أكيد يكون ليا الشرف بمقالتك يا باشمهندس وأتمنى إنها تكون في إحدى مقابلات المنتدى ولو في يوم شرفت فيه السويس هيكونلك بيت مستني زيارتك

**Dr Ahmed** · 24-11-2009 09:49 PM

المشاركة الأصلية كتبت بواسطة islamislam

اول حاجة حضرتك خالفت قواعد المنتدى لانك بتحاول تمنعنى اقول راى وده مش من حقك وتانى حاجة حضرتك انا اسمى اسلام ده مش اسم اخوانى دا اسم اسلامى وثالثة حاجة انى الوم على الحاج احمد الاخذ بنظرة اسلامية فقط دون النظر الى الدولة الى يعيش على ترابها وهى مصر وليست الامارة العربية الاسلامية العظمى !!

أنا مش هتطرق "لحقى وحقك" وبمنعك وبمنعكشى علشان منزعلش من بعض ولن أذكرك بشعار الإخوان القريب من إسمك الذى اخترته ليعبر عنك.

لكن عايز أعرف منك إيه اللى شايفه ناقص فى "النظرة الإسلامية" لدرجة أنك تنفى عنها النظر للدولة التى يعيش على ترابها .. هل النظرة الإسلامية لا تنظر لمصر كوطن أو شعب؟

لم أكن أعارض أحدا أن ينفى عن مصر العروبة لكن أن تصل لنفى الصفة الإسلامية منها وعنها فهذا لا أستطيع أن أتقبله.

**pop3** · 24-11-2009 09:53 PM

المشاركة الأصلية كتبت بواسطة cairo2005

انا مستعجل ومضطر اخرج كمان دقايق فمش هقدر اعلق على كل كلامك
بس فيه حاجة كان لازم ارد عيلها واوضجها ووالله لة شايفها حالا
اني اتهكمت عليك او علي والدك
يا راجل اتقي الله
حرام عليك
انا لم ولن اجرؤ انى اتهكم عليك ما بالك بالسيد الفاضل والدك
مستحيل اكون قلت اي كلمة يتفهم منها اي بتهكم على والدك
والله لا يمكن
ولو فيه اي كلمة انت فهمت معناها كدة يبقي انا بعتذر عنها جدا
مهما كان الخلاف بيننا فيه خط احمر لا يمكن ان اتجاوزه ابدا ولا اقبل لاي مخلوق يتجاوزه اني او اي حد يغلط في اهل التاني
ما بالك ووالدك بطل من ابطال 73 اللى بنفتخر بيهم ورافعين راسنا بسببهم
وعلى فكرة انا قلت ان والدي كمان شارك في حرب اليمن و67 و73 فلا يمكن اتهكم على واحد في مقام والدي ومحل فخر وشرف ليا ولاي حد تاني
اظن كلامي واضح جدا يا بوب

لا داعي للعذر مادام ماكنش قصد حضرتك الإساءه, ويبقي أنا إللي لازم أعتذر لسوء فهمي لعبارتك الأخيره , ساعات قرآت كلمات مكتوبه معناها بيختلف بتعبيرها بنبرة الصوت أو زي ما بيقولوا الغرب الـ tone

وصدقني سعيد بمعرفة شخص واسع الإطلاع وده إللي واضح من خلال مشاركاتك السابقه

وكل عام و انت بخير والأسره الكريمه

إيهاب

**samcar** · 24-11-2009 11:08 PM

المشاركة الأصلية كتبت بواسطة cairo2005

اهانة المصريين على الحدود وقتل عساكر الامن المركزي لم نسكت عليها يوما ومظاهرات الجامعة من السبعينات شاهدة على ذلك ولم يحدث ولن يحدث ان يصمت المصريين على اهانتهن مع العدو الصهيوني وكفاية مئات الالاف اللى خرجوا يوم مقتل سليمان خاطر او زميله الذي قتل اكتر من 30 صهيوني او حين اقتحم الحرم الابراهيمي وغيرها من الايام الزظاهر حضرتك مكنتش معانا فيا ريت متقولش اننا سكتنا
وبعدين ارسوا على بر عمرو بن العاص ولا اسماعيل صدقي اللي قال اننا شعب تجمعه زمارة وطبلة في روايات اخري ورقاصة في روايات ثالثة وتفرقه عصايا ؟
وللمرة المليون بقول اللى يقول كدة على شعب مصر ميستاهلش يبقي واحد منهم
ولو قابل يتقال كدة على شعب مصر متنساش انك واحد منهم

عارف ومتاكد يا اخ اسلام ان اكيد ممكن رايي يحتمل الخطا وراي الغير يحتمل الصواب بس يا ريت المعارضين ليا يكون عندهم نفس الاعتقاد بردة ولا انا غلطان ؟
احترامي الدائم ليك حتي لو اختلفنا في الراي

شوف يا اخ اشرف انت في مشاركة واحدة اتهمتنا وشتمتنا وسبتنا بكام شتيمة:
1-همجية
2- سطحية
3- وقلة وعى
4- عوام منساقين وراء الهوجة والغوغائية الاعلامية
5- احنى كدولة ضربنا الارقام القياسية فى التخلف والفساد والهمجية بعيدآ عن ماتش الجزائر
يعني وصفتنا بالفاظ يا راجل يا متدين ياللى بتدعو للحكمة وان نكون من الصالحين والمجتهدين والعاملين على قضاء بحوائج الناس باوصاف لا يجوز بنفس طريقتك ان تصف بها اخوك المسلم
يا اخ اشرف لا تنصح لاناس ولا تعمل بما تنصح به
وبطريقتي انا اللى مفيهاشر تمحك زائف بالدين بقولك عيب انك توصفنا بالالفاظ دي لمجرد اننا بنخالفك الراي ولاننا بندافع عن كرامة بلدنا اللى اتحرق علمها لاوطني 3 مرات علنا على يد عاهرات وضرب اخواتنا في السودان على يد الجيش الجزائري ولو عندك كلمة كويسة تقولها من غير ما تغلط قولها معندكش يبقي تسكت علشان ردي عليك المرة الجاية هيكون بنفس طريقتك وهتزعل مني اوي

وايه هي الطريقة الى تكدر عليهم يا اخي العزيز ابو مريم
لعلمك اعلامهم حتي اللحظة ما زال مستمر في الشتيمة والسب والك1ب وتاليف الروايات وبعد ما شبعوا من حكاية ال6 قتلي دلوقت نقلوا على ان المصريين بيقلعوا البنات الجزائريات اللى بيدرسوا في مصر والمتزوجات من مصريين هدومهم في الشارع وبيمشوهم ملط ويجبروهم يدوسوا على جواز السفر الجزائري شفت كدب وتجني اكتر من كدة؟

حكايه سليمان خاطر انا انضرب على فيها قنابل مسيله للدموع ما عرفش انت كنت فين ساعتها- بس سؤال هو سليمان خاطر حصل له ايه مش اتعدم بناءا على طلب اسرائيل- ولا معندكش خبر

عمرو بن العاص عمره ما قال حاجه سئه عن مصر- ما عرفش انت بتاخد الكلام ده منين - لكن اسماعيل صدقى هو اللى عمل دستور 1930- اللى ورثته الثوره ............... وطلعوا علينا بالميثاق وما عرفش ايه- - عايز تعرف تاريخ الاهانه للكرامه بدء امتى ابقى راجع تاريخ الثوره- فى حادثه ما عرفش تسمع عنها ولا لا - فاكر لما الامريكان اجبروا طياره مصريه تنزل فى ايطاليا علشان كنا مهربين فيها ابو العباس الفلسطينى - الريس بتاعك طلع زى اليومين دول وقال عن ريجان لازم يعتذر لى - ريجان طلع فى مهرجان كان بمناسبه ما عرفش ايه ولما واحد لمه للبقين دول ريجان ضحك وقال احنا ما بنتعذرش لاى حد- وتصفيق حاد من الامريكان الموجودين - وبعدها سلم لى على الكرامه -

لقد خالفتم القاعدة رقم 9 بند ب (انتقاد لنظام الحكم) مما يستوجب ايقافكم لمدة أسبوع

سيتم ايقاف تنفيذ الوقت مع انذاركم

مشرف الاجتماعي

**samcar** · 24-11-2009 11:10 PM

المشاركة الأصلية كتبت بواسطة Dr Ahmed Abdelghany

أنا مش هتطرق "لحقى وحقك" وبمنعك وبمنعكشى علشان منزعلش من بعض ولن أذكرك بشعار الإخوان القريب من إسمك الذى اخترته ليعبر عنك.

لكن عايز أعرف منك إيه اللى شايفه ناقص فى "النظرة الإسلامية" لدرجة أنك تنفى عنها النظر للدولة التى يعيش على ترابها .. هل النظرة الإسلامية لا تنظر لمصر كوطن أو شعب؟

لم أكن أعارض أحدا أن ينفى عن مصر العروبة لكن أن تصل لنفى الصفة الإسلامية منها وعنها فهذا لا أستطيع أن أتقبله.

الله يفتح عليك

**MTAK** · 24-11-2009 11:48 PM

اخوانى الاعزاء
رغم انى كنت قد قررت فى مشاركة بموضوع مشابه انى لن اشارك مرة اخرى فى هذا الموضوع
و لكن بصراحه لم استطع
عندى كلمتين و يا ريت تشوفوهم:
-----------------------------
بخصوص الموضوع "الجزائر و ما حدث فى السودان و كيفية الرد و.......و.......................

الملخص ان هناك فريقان بالمنتدى
كل واحد يحاول ان يبين ان وجهة نظرة هى الصواب
و يفند وجهة نظر الاخر سواء بالادله او بالصوت العالى

ماشى لا يوجد مشاكل
انما

ماذا بعد

كل فريق اقنع من يستطيع اقناعه و ضمه الى صفه
و اعتقد ان خلاص مافيش حد هاينتقل من فريق للأخر
يبقى بصراحه مالوش لازمة كتر الكلام و الخناق و المشاحنات التى لا تخلق سوى العداء او النرفزة من الاخر
طيب ما تيجوا نعمل فض اشتباك
-----\\\__- | -__////-------

و كل فريق يشتغل على ما هو مقتنع به من وجهة نظرة
و نشوف فى الاخر النتيجه الخاصه بكل فريق
و ساعتها هانعرف مين اللى كان صح

بس خلاص
شفتوا ازاى
كلمتيــــــــــــــــــــ ـــــــــــــــــن و بس
_______________________
على فكرة طبعا هناك ناس يتبنوا بعض الافكار من هنا و من هناك
و لذا لم اقصد ان ناس المنتدى منقسمة و لكنها دعوه لكل شخص ان يعمل على وجهة نظرة المقتنع بها

شكـــــــــــــــــــــــ ـــــــــــــرا

**Islam_galal** · 25-11-2009 12:52 AM

أتفق معك تماما و لذلك توقفت عن التعليق ، ففعلا وجهات النظر بقت واضحه للكل و لم يتبق إلا الإغراق لإثبات أغلبية الرأي و هو ما أتجنبه بالتوقف عن التعليق
و لا أنسي أن أشكر كاتب الموضوع الحاج أحمد إبراهيم و الرد الأخير لدكتور أحمد عبد الغني لأنهم أدخلوا السرور إلي قلبي ، جزاهم الله كل الخير

أخيرا ، كلنا بشر و الحياه مراحل
عندما يردنا الله من جنده يبصرنا و عندما لا يريد يغشي علينا فلا نري الحق حقا و إن كان أمامنا

اللهم اجعلنا من جندك
اللهم أرنا الحق حقا و ارزقنا اتباعه
اللهم أخرجنا من الدنيا علي خير و ابعثنا علي خير و في خير و ارزقنا معية حبيبك و رسولك محمد صلي الله عليه و سلم

**mexmarine** · 25-11-2009 01:55 AM

كلام حضرتك غايه فى الاحترام و غاية العقل و كل ما قلته حدث لكن و نحط تحت لكن مائة خط ... عندما ارى بعينى حوار فى غاية الود و المحبه بين سودانى و جزائرى (السودانيين هم من جرينا فى احضانهم و هم لك كارهون و الله العظيم كارهون كارهون كارهون) فى منتدى ما و عندما يتم ذكر مصر و ليس المنتخب المصرى تتبعها يهود و قتلة غزه و محاصروا غزه و ابناء الفراعين و غيره و الادهى حينما اريد ان اشرح لهم وجهة نظرى اكتشف ان الـ ip adrress الخاص بمصر ممنوع من الدخول على ذلك المنتدى و ليس لك حق الرد.. عنصريه و كراهيه ليس لها محل اعراب إلا انك متفوق .. صدقنى لو لعبنا معهم ثانية سنكون نحن الارهابيين فى الملعب وذلك لتحول الشعور مما كنا عليه لما بقينا عليه و هو ما كانوا يشعرون به .. حسبى الله و نعم الوكيل و بالرغم من معارضتى لكل ما قلت عليه إلا إنى أشعر بالذة المرضى النفسيين مما اراه من اعلامنا و ربنا يستر علينا

**dr-mohamed** · 25-11-2009 06:01 AM

المشاركة الأصلية كتبت بواسطة dr ahmed abdelghany

لم أكن أعارض أحدا أن ينفى عن مصر العروبة لكن أن تصل لنفى الصفة الإسلامية منها وعنها فهذا لا أستطيع أن أتقبله.

لا يستطيع مخلوق ان ينفي عن مصر صفتها الاسلامية لكن يا دكتور احمد الاسلام مش حجة علشان ننضرب كل شوية ونتهزا ونقول اللى عمل كدة فينا مسلم يبقي المسامح كريم وخيركم من بدا بالاعتذار ومتغلطش في اخوك المسلم
لا يا دكتور احمد العين بالعين والسن بالسن ولكم في القصاص حياة يا اولي الالباب
لو مسلم او مسيحي او يهودي اعتدي على وطني مش هسكت له ابدا
وبعدين حكاية الاسلام والعروبة بقت بايخة اوي لتمرير اهانتنا في كل مرة
مع خالص احترامي لشخصك العزيز جدا على قلبي

المشاركة الأصلية كتبت بواسطة pop3

لا داعي للعذر مادام ماكنش قصد حضرتك الإساءه, ويبقي أنا إللي لازم أعتذر لسوء فهمي لعبارتك الأخيره , ساعات قرآت كلمات مكتوبه معناها بيختلف بتعبيرها بنبرة الصوت أو زي ما بيقولوا الغرب الـ tone
وصدقني سعيد بمعرفة شخص واسع الإطلاع وده إللي واضح من خلال مشاركاتك السابقه
كل عام و انت بخير والأسره الكريمه
إيهاب

الحمد لله يا ايهاب بيه انك تفهمت وجهة نظري وتاكد انها كما قلتها في مشاركتي الاخيرة وكل سنة وانت والسيد الوالد والاسرة كلها وكل المسلمين بخير

المشاركة الأصلية كتبت بواسطة samcar

حكايه سليمان خاطر انا انضرب على فيها قنابل مسيله للدموع ما عرفش انت كنت فين ساعتها- بس سؤال هو سليمان خاطر حصل له ايه مش اتعدم بناءا على طلب اسرائيل- ولا معندكش خبر
عمرو بن العاص عمره ما قال حاجه سئه عن مصر- ما عرفش انت بتاخد الكلام ده منين - لكن اسماعيل صدقى هو اللى عمل دستور 1930- اللى ورثته الثوره ............... وطلعوا علينا بالميثاق وما عرفش ايه- - عايز تعرف تاريخ الاهانه للكرامه بدء امتى ابقى راجع تاريخ الثوره- فى حادثه ما عرفش تسمع عنها ولا لا - فاكر لما الامريكان اجبروا طياره مصريه تنزل فى ايطاليا علشان كنا مهربين فيها ابو العباس الفلسطينى - الريس بتاعك طلع زى اليومين دول وقال عن ريجان لازم يعتذر لى - ريجان طلع فى مهرجان كان بمناسبه ما عرفش ايه ولما واحد لمه للبقين دول ريجان ضحك وقال احنا ما بنتعذرش لاى حد- وتصفيق حاد من الامريكان الموجودين - وبعدها سلم لى على الكرامه -

انا انضربت بالقنابل المسيلة للدموع والدخان في جامعة القاهرة وانضربت ورا ودني اليمين الظاهر انت اللى كان بينضرب جنبي يا سام
سليمان اتشنق في زنزانته اه بس الل ىبعده قتل اكتر منه وخرج من السجن بعد 10 سنين كانه قتل خطا صح ولا انا غلطان ؟
وبعدين ناس قلات عمرو ابن العاص صاحب المقولة المسيئة لنا وناس قالت اسماعيل صدق فانا قلت ارسوا على بر لان مفيش ولا مرجع تاريخي جاد يبثبت المقولة دي
وعلى فكرة الطيارة اللى الامريكان خطفوها اتخطفت مش علشان كان فيها ابو العباس هي اتخطفت لان كان فيها الفلسطينيين اللى كانوا خاطفين السفينة اكيلي لاورو وقتلوا واحد امريكي وكان المفروض الطيارة المصرية تسلمهم لمنظمة التحرير في تونس تحاكمهم لكن الامريكان بفضل تصنتهم على الرياسة قدرت تعرف مسار الطيارة وخطفتها
اما الكرامة فلم ولن تزول الا بتهاوننا في حقوقنا مع القريب قبل الغريب
وزي ما افتكرت تريقة ريجان افتكر تريقة العرب علينا كل يوم وافتكر قلة ادب بعض اعضاء مجلس لامة الكويتي لما الرئيس قال ان ولاء الشيعة لايران او سفالة الفلسطينين مع وزير الخارجية المصري وهو داخل يصلي في المسجد الاقصي واخد بلاك داخل المسجد الاقصي وضربوه على قفاه والنعوش لاطائرة من العراق ايام صدام وجلد الطبيب المصري في السعودية 10 الاف جلدة وهي عقوبة لم ينزل بها اي كتاب سماوي وغيرها الكتير
يبقي الاساءة لينا من القريب قبل الغريب
وبالتالي
من النهاردة مش هنقبل الاساءة لا من قريب ولا من غريب
ومن النهاردة ماليش غير بلدي وبس
سام احترامي الشديد جدا ليك حتي لو اختلفنا في الراي