الموضوع: انا آسف ..... لن استطيع الاستمرار في المنتدى بهذا الوضع

المشاركة الأصلية كتبت بواسطة aif

انا طبعا دمي اتحرق زي اي مصري من اللي سمعته وقرأته في الخرطوم والجزائر
لكن احنا كدة بنلطش


الاسلوب غاية في الفظاظة والسوقية والهمجية والعصبية .... حتى في القنوات الرسمية التلفزيونية كل مذيع يتبارى في إظهار قلة ادبة على الهواء

.....
المفروض اننا شعب متحضر ..... 7000 سنة حضارة .... يعني حتى لما نعادي ناس يكون اسلوبنا افضل من كدة ...... احنا كدة مش بنضرهم ...احنا بنضر نفسنا ونشوه سمعتنا ..... وهما اللي بيكسبو تعاطف العالم كله بكلامنا المنفعل الهيستيري ....

.....

من المنطق ان نسأل نفسنا سؤال مهم .... الجزائر غلطانين من ساسهم لراسهم ......لكن هل احنا مش غلطانين خالص ؟؟؟؟؟؟


ده حتى السودان احتجو لدى السفير المصري على الاتهامات الموجهه ضدهم من الاعلام المصري ..... يعني بمنتهى الغباء خسرنا الطرف المحايد الوحيد اللي كان ممكن يكون في صفنا في الفيفا ...... ذكاء خارق


فيه اساليب اكثر احتراما ممكن نقول بيها اللي احنا عاوزينة ...... بدل ما نكسب سخرية العالم وكراهيتهم ..... كان ممكن العالم كله يتعاطف معانا .... لكن احنا مش بنتعلم ....

ما حدش من البهوات الأذكياء فكر ان البعثة المصرية تصور المباراة ولو بكاميرا واحدة وتركز على تصرفات الجمهور الجزائري ؟؟؟؟ برغم من وجود ارهاصات تشير الي نيتهم المبيته ..
ماحدش من المسئولين فكر يضع كاميرات في اتوبيسات الفريق الجزائري في القاهرة .....
ما حدش فكر غير في العويل والولوله والسب والشتيمة ......

السلام عليكم ورحوة الله وبركاته
يظهر اننا من كتر الغضب بقينا مش قادرين نقرأ .... او يمكن انا طولت اكتر من اللازم
الموجود في الأعلى اقتباسات من كلامي الاصلي في بداية الموضوع .....
ده موجه للزملاء اللي بيقولو اننا لازم ناخد حقنا وما نسكتش وما نراعيش عروبة ولا غيرها ...
هو انا قلت اننا نسكت ؟؟؟؟؟
انا كل اللي بأقوله اننا ناخد حقنا باسلوب اكثر احتراما يليق بحضارتنا ....... كدة غلط ؟؟؟؟..... كدة عيب ؟؟؟؟
ولا الصح اللي حصل فعلا ... قعدنا نشتم بالجملة في شعب بأكمله ..... حتى الشهداء لم يسلمو من السب والتريقة ......

الاخ اسلام اسلام .... انا ما درستش فكر الاخوان المسلمين وما أعرفش عنهم ما يكفي علشان ابقي معاهم او ضدهم ....
انا راجل مسلم وبس .... يعني انتمائي الاول لديني وعقيدتي .... ثم لوطني وبلدي ..... لما ربنا ح يحاسبني يوم القيامة مش ح يبقى معايا جواز سفر .... ح اتحاسب عن إيماني وعملي .... وعن لساني ..... بغض النظر عن قوميتي او جنسيتي
اما قولك اني واخد الموضوع بمنظور اسلامي وديني فده انا باشكرك عليه وبأعتبره مدح لشخصي قد لا استحقه ....
انا كل افعالي في حياتي لا زم اشوفها من منظور ديني ..... لازم اعرف حرام ولا حلال ..... مش بس الموضوع ده ...لأ ..... شغلي ....... معاملتي ...... تربيتي لأولادي ... كل حاجة في تصرفاتي لازم اقيسها بمنظور ديني طبعا ..... هو الدين للتعامل به في المسجد وبس ؟؟ .... او ما أطلع بره اعمل اي حاجة ؟؟ ..... مش لازم اشوف تصرفي ده يرضي ربنا ولا يغضبه ؟.....
انا عاوزك انت تجاوبني عن السؤال ده ....... سب 35 مليون مسلم معظمهم لا ذنب لهم فيما حدث .... حلال ولا حرام ؟؟؟؟...(ولا تذر وازرة وزر أخري).....
الناس في عرفات يرجون رحمة الله ونحن نسب ونلعن .... الناس يرجمون الشيطان في منى ... ونحن نتراشق بالسب العلني في كل مكان
...
خدوها نصيحة من أخ اكبر ومن زميل سابق .... فيه اسلوب اكتر احتراما من اللي احنا عملناه علشان ناخد حقنا .... احنا كدة ضيعنا حقنا ... للأسف ......الجزائر قدرت تكسب المعركة القانونية والفيفا ح يعاقبنا إحنا مش هما .... وكمان الجزائر للأسف قدرت تكسب تعاطف كافة الاطراف المحايدة .... بما في ذلك السودان ..... وده بسبب الاسلوب اللي احنا عالجنا بيه الأزمة ......
فيديو واحد بيوضح الاعتداءات او ان الجمهور كان معاه اسلحة بيضاء كان كفيل بإعادة المباراة ...... كل الآلاف المصريين دول ماحدش صور فيديو واحد بيوضح كدة ..... احنا مشغولين بالشتم والسباب ..... وهما بيصورو كل طوبة تتحدف عليهم ... حتى لو منديل ورق مش طوبة
....
كلمة اخيرة للإدارة ....
ردكم اللي في الرابط ده هو اللي اعطى الضوء الاخضر لكي نرى ونسمع في المنتدى ما يندى له الجبين
http://www.nilemotors.net/Nile/107092-a.html

.... راجعو الصور والتوقيعات والفيديوهات اللي شوفناها في نايل موتورز ......
مش معني كترة الغلط اننا نتقبله ....لو كنتم خدتم اجراء حازم كان الامر اختلف

رجاء اخير من الزملاء .... ارجو ان تعيدو قراءة هذا الموضوع بعد شهر واحد من الآن


آسف للإطالة وتحياتي للزملاء والزميلات سواء الذين أيدو رأيي او عارضوه او سخرو منه وتهكمو عليه
وكل عام وأنتم بخير

...