الموضوع: انا آسف ..... لن استطيع الاستمرار في المنتدى بهذا الوضع

المشاركة الأصلية كتبت بواسطة cairo2005

ماعك في كتير من كلامك لكن برفض كتير منه بردو
انا كمان والدي حارب مش بس 73 لا من اول اليمن ل67 ل73 يعني من قدماء المحاربين وضحايا الحرب على اسم جمعيتهم لكن مش معني ده اني اهاجم كل شئ
1- الفساد الحكومي والاداري احنا السبب فيه لان مين الادارة ؟ الادارة هي احنا الموظفين هما الادارة يعني من الشعب ولو كل واحد احترم نفسه مش هيبقي فيه فساد اداري ببساطة شديدة وفيه ناس كتير بتعمل كدة لكن الشيء بس هو اللى بيظهر في الصورة لو دخلت مبني حكومي وموظف واحد اخد منك رشوة او عاملك وحش هتقول كل موظفين المبني او كل الموفظين كدة رغم ان فيه مئات والاف وملايين مش كدة ابدا
2- بيع الغاز لليهود لاحكومة هي اللى عملته مش امواطنين وبعض المواطنين الشرفاء رافعين قضية على الحكومة لمنع تصديره لليهود لو مكنتش تعرف والموضوع كله في يد القضاء وليس لنا حق التعليق عليه حتي صدور الحكم
3- اللى يقبل ان اي امين شرطة يمسح بكرامته الارض هو حر لكن ما دام الواحد مش بيغلط والله لو مين قرب من كرامتي ما هسكت لا انا ولا غيري ولو فيها موتي مش هسكت الا الكرامة المهم تبقي عارف واجباتك وتلتزم بيها علشان متديش فرصة لحد يفتح بقه معاك وتبقي عارف حقوقك علشان لو حد قرب منها تاكله
4- عيب لما تقول اننا بلد بلا كرامة لان البلد دي مش هقولك 73 لا هقولك البلد دي الى خرج فيها مئات الالاف في مظاهرات لمساندة الامة العربية في كل مشاكلها وهي اللى خرج منها سليمان خاطر وغيره كتير لو نسيت
يا ريت تقول العرب عملوا ايه طول الوقت ده
وامتي العرب كانوا سند لينا ؟
لما زلونا بعد نكسة 67
ولا لما شاركوا بكام عسكري في 73 ومن وقتها يقولوا ساعدناكم في الحرب
ولا لما استفادوا من الحرب بجنون بسبب ارتفاع اسعار البترول من 3 دولار الى 40 دولار وتركونا نعيد بناء ما هدمته الحرب دون مساعدة
ولا لما قاطعونا لاننا عملنا صلح مع اليهود رجع ارضنا وهما دلوقت بيبوسوا جزمة اسرائيل علشان تديهم ربع اللى كان السادات جايبه لهم واتهموه بالخيانة
ولا لما قتلوا يوسف السباعي وضربوا وزير خارجيتك على قفاه في الحرم القدسي وهو داخل للصلاة
ولا لما النعوش الطايرة كانت بترجع من العراق واحنا بنساعدها في حربها ضد ايران
ولا لما ساعدنا في تحرير الكويت من العراق ورجعوا يزلونا ويقولوا حاربتم بفلوسنا يا مرتزقة
بقولك ايه يا ريت وحياة ابوك المقاتل البطل ما تجيب سيرة العرب مرة تانية

أولا معني إننا نختلف في تناول قضية ما ده لا يعني التهكم على شخصي و شخص والدي لمجرد إني استشهدت بجزء من حديثنا.

ثانيا : أشرت سيادتك للفساد الإداري وقلت احنا السبب فيه لإننا إحنا الموظفين و الإداريين, طيب ما إحنا فينا السئ و فينا المحترم لكن المؤسسه الإداريه هي المنوطه بوضع قواعد العمل و رقابة تطبيق تلك القواعد ,يعني لما أمشي في الشارع مثلا قد لا أجد ما يمنعني إلقاء القمامه في الشارع بدعوي يعني هي جت عليا لكني مقدرش أعملها في مترو الأنفاق مثلا لأنه هناك رقابه على مثل هذه السلوكيات البذيئه,ده مايمنعش إن هناك مسئولين شرفاء و بيجاهدوا قدر إستطاعتهم مكافحة الفساد لكنهم كمن يسبح ضد التيار.

فيما يتعلق بقضية تصدير الغاز للسفله والله عارف أن فيه قضيه مرفوعه, لكن خليني أفترض إن الحكم صدر بوقف التصدير و الحكومه كمان أزعنت للقرار هل ده هيمسح من التاريخ دعم حكومة مصر لإسرائيل بالغاز؟ صحيح إن التاريخ وقتها هيسجل إيجابية المعارضه المصريه لهذا القرار و انتصارها للحق لكن ده برده مش هيمسح تلك السقطه الكبرى إللي الشعب المصري كله برئ منها

أما عن موضوع الكرامه إللي زعلك فأحب أوضح قصدي بمعني بلد بلا كرامه
لازم نفرق بين كرامة الفرد و كرامة وطن , فقدان كرامة الفرد دي بين الأفراد و بعضهم البعض في حال حدوث إهانه زي إللي حضرتك وجهتالي بتهكمك عليا في ردك السابق.
أما كرامة وطن فدي مسئولية زعماء هذا الوطن لأنهم من المفروض منتخبين من جموع الشعب , ولما زعماء هذا الوطن مايحفظوش على كرامة مواطنيهم داخل وطنهم مش خارجه لأ ده جوه بيوتهم تبقي بلد بلا كرامه لأن في حينها كرامتي هتبقى عرضه لكل من هب و دب من دول غربيه أو عربيه إللى أنا متفق معاك في موقفك ضدهم
وإليك بعض الفديوهات التي تبرهن إن كرامتي في مصر في السما

YouTube - ‫ط´ظ‡ط§ط¯ط© ط£ط.ظ…ط¯ ظ…ط§ظ‡ط± ط.ظˆظ„ طھط¹ط°ظٹط¨ظ‡ ط¬ط²ط، 2 ظ…ظ† 2‬‎

YouTube - ‫ط¨ظ„ط·ط¬ط© ظˆظ…ظٹظ„ظٹط´ظٹط§طھ ط§ظ„ط.ظƒظˆظ…ط© ط§ظ„ظ…طµط±ظٹط© ظ…ط¹ ط§ظ„ط§ط®ظˆط§ظ† ط§ظ„ظ…ط³ظ„ظ…ظٹظ†‬‎

YouTube - ‫ط§ط¹طھط¯ط§ط، ط§ظ„ط£ظ…ظ† ط§ظ„ظ…طµط±ظٹ ط¹ظ„ظ‰ ط§ظ„ظ…طھط¸ط§ظ‡ط±ظٹظ† ظٹظˆظ… ط§ظ„ط؛ط¶ط¨ 4/6 ط¨ط§ظ„ط¨ط.ظٹط±ط©‬‎

قصة بقى ان أقدر أحافظ على كرامتي كويس من أي أمين شرطه ظالم فدي أشك فيها يا سيدي لأن في حالت حضرتك و حضرتي و الكثير يوم ما بيحصل مشكله مع ظابط مرور مثلا إللي بيحلها واحد معرفه ظابط زميله برده, لكن في حالة ناس كتير قوي بيتظلموا وميعرفوش يعملوا ايه غير حسبي الله و نعم الوكيل وربح من كان الله حسبه و الأمثله كتيره قوي بنشوفها كل يوم.

طيب ده جوه مصر ايه انعكاسه في الخارج في الدول العربيه زي ما انت أشرت بنتعامل زي الزفت رغم أفضالنا على كل الدول العربيه و مواقفنا إللي سجلها التاريخ إلا إن الأمريكي بيتعامل معاملة السيد و الكثير من المصريين هناك " لا استطيع الجمع " يعاملوا معاملة العبيد
مما دفع لكاتب كويتي صرح بأن المصري في الكويت لا يساوي إلا غساله كوري لما سألوه ليه التشبيه الفج ده؟ قال أنا ماجبيتش حاجه من عندي الحكومه المصريه تأمر بصرف تعويضات للقتلي في الكوارث كذا و هذا ما يعادل تمن غساله كوري في الكويت... ايه إلي وصلهم لكده؟
لكن بمحاسبة مسئولي تلك الكارثه بعاقب رادع تكمن كرامة هؤلاء الشهداء

وأخيرا عن كلامي عن دور الرياده لمصر و فقدانه , يا أخي مصر بحكم موقعها و مؤسستها الدينيه و العسكريه و الثقافيه وتاريخها كله فرض عليها دور الرياده العربيه لكن هذا الدور اندفعلوا دم و جهد أجيال متعاقبه منهم والدك و والدي و كل مشاركيهم في الحفاظ على هذا الدور
مش موضوعي إن الدول العربيه عايزه الحرق وإننا مابنخدش منهم غير الإهانه و عدم العرفان بالجميل لكن المضمون إن في حاجه إسمها الرياده العربيه المصريه شاء من شاء و أبى من أبي دفع تمنها ناس كتير لكنها الأن أصبحت على المحك لإمتهان كرامة المواطن المصري في مصر و خارجها دون رد مناسب.

في واحد من السويس بيعمل بمبوطي أو بيشتري حاجات من السفن الراسيه في الغاطس وبيلقط رزقه منهم في بوم مشأوم لمصر كلها اقترب هذا الشخص بمركبه من إحدي السفن الراسيه هناك كلام باللغه الإنجليزيه وجه ليه عبر الميكرفون لم يفهمه و استمر إلي أن أطلقوا عليه الرصاص ليردوه قتيلا ليه؟ لأنها سفيه أمريكيه عسكريه لكنها تحمل بضائع وليست لأغراض حربيه لذا لا تبدوا في الشكل عسكريه. ايه الرد؟؟؟؟ مفيش غير السفير الأمريكي أعلن جزنه عن هذا الخظأ الغير مقصود و خلصنا. وزيه كتيير هنا و هناك

ده مقصدي يا سيدي الفاضل ورأيي هذا يحتمل بالتأكيد الخطأ لكنه يجب أن يحترم على الأقل من إخوتي هنا ولك مني التحيه وعذرا على الإطاله