الموضوع: سرقة مستفزة جداً بجمارك بورسعيد

ايه القرف ده يعني الواحد ما يآمنش على حاجته في الجمرك كمان الله يلعنهم

المشاركة الأصلية كتبت بواسطة dodino2006

بمناسبة قرب رجوعي نهائياً لمصر بعد انتهاء السبب الذي سافرت لأجله، قررت شحن منقولاتي و اجهزتي من هونج كونج لمصر، و بالفعل تم الشحن عن طريق شركة هونج كونجية ذات سمعة طيبة جداً
كان من ضمن المنقولات احدي مجموعتين كاملتين من مضارب الجولف (الحمدلله فضلت ان اترك المجموعة الاخري معي ارجع بها علي الطائرة) بالاضافة لحوالي ٢٠ دستة من كور الجولف، بدأت المشكلة باتصال من المستخلص، علشان موظفين الجمارك عايزين يحسبوا مضارب الجولف انه استخدام تجاري لان الكمية كبيرة (١٨ مضرب) فطبعاً شرحتلهم ان دي مجموعة كاملة و مضارب مختلفة و مقاسات مختلفة و شرحتلهم الفروق بين المقاسات و الكلام ده كله، المهم المشكلة عدت علي خير و الحمدلله، و كل حاجة خرجت شخصي، و اخويا قام باستلام كل شئ، و بعد نقلهم لمنزلي طلبت منه مراجعة الحاجة و خصوصاً شنطة الجولف علشان مكنتش مطمن، و خصوصاً انه بلغني ان كل حاجة كانت متبهدلة و مفتحين الكراتين كلها بشكل غبي، لنتفاجئ انهم سارقين ٤ مضارب جولف انواع و مقاسات ملهاش علاقة بعض، يعني اللي سرقهم، سرقهم بشكل عشوائي...


علي العموم انا اعتقد ان مسير المضارب دي هتكون مع سواقين التاكسي او عربيات النقل لاستخدامهم في الخناقات بدل الشومة، فيا ريت لو حد من الاخوة خاصة في مدينة بورسعيد او المحافظات القريبة شاف حد بيتخانق او معاه مضارب جولف يا ريت يبلغني علي الخاص و له جزيل الشكر.....

ايه ده يا دودينو ده انت طلعت برجوازي امبريالي راسمالي وهما اللى متعفنين مش انت طبعا
مضارب جولف
يا راجل
ومش عايزهم يتسرقوا
تلاقيهم افتكروهم شوم ولا حاجة يا راجل يا طيب

المشاركة الأصلية كتبت بواسطة أحمد كمال

ايه القرف ده يعني الواحد ما يآمنش على حاجته في الجمرك كمان الله يلعنهم

انت لسة عارف ولا ايه يا احمد بيه ؟

المشاركة الأصلية كتبت بواسطة ahmed4000

متسكتش وقدم بلاغ واشتكى للشركة المخلصة للجمارك
اعملهم دوشة شوية
ممكن ميرجعلكش حقك بس على الاقل حتكون عملتلهم قلق
لغاية لما ربنا يخلصنا من النوعيات دى اللى بتستحل فلوس غيرهم

المشاركة الأصلية كتبت بواسطة kareemhisham

لا حول ولا قوة الا بالله ..

ياريت حضرتك فعلا تقدم بلاغ او اى حاجة .. بلاش سلبية و اعمل العليك .. و سيب الباقى على ربنا

كل الكلام ده ولا ليه اي قيمة ما دام استلم البضاعة المشحونة ولم يبدي اي ملاحظات عند الاستلام لم يعد له اي حق في اي شئ
الخلاصة عوضك على الله يا باشا
ووعد لو شفت اي حد بيتخانق بمضارب جولف هبلغك
المشكلة انى مش هعرف افرق بينهم وبين الشوم انا ونص الاعضاء هنا على الاقل يعني اعتمد على النص التاني البرجوازي زيك وسيبك مننا ابناء الطبقة العاملة يا ذوي اللياقات البيضاء