الموضوع: سرقة مستفزة جداً بجمارك بورسعيد

المشاركة الأصلية كتبت بواسطة dr_abooody

الجمارك دول حسبي الله و نعم الوكيل

نازل من الكويت و شاحن اجهزة و تحف و حاجات كتير

حاجات كتير اتكسرت و في حاجات اتسرقت

حسبي الله و نعم الوكيل

للاسف موضوع سرقة محتويات الشحنات الشخصية عرفت انه منتشر جامد، بيعتبروا ان الحاجة الشخصية مش بتكون مجرودة كويس قبل الشحن، و غالباً بتكون الدنيا ملخبطة، موضوع التكسير ده حصل معانا كذا مرة و لكن في شحنات تجارية سابقة بس عمرها ما اتسرق منها حاجة.
و شكراً لردك يا فندم

المشاركة الأصلية كتبت بواسطة gears

ومش عايزهم يتسرقوا :d

هيزين بيها البيت ، نازل خناقة ، يعملها مقشة :d

لو على هيستفيد فهو هيستفيد :d

معلش وعوضك على الله وحسبي الله ونعم الوكيل في كل الرزلين اللي زيه.

يا حسرتي لو عملهم مقشة

و شكراً لردك يا باشا

المشاركة الأصلية كتبت بواسطة Eng_Mostafa_89

ليهم حق يتسرقوا
انت مش ناوى تبعت مضارب تانى علشان نستناهم
اهم ينفعوا فى البيت

يا باشا انا تحت امرك، يوصلوا لحد البيت

و الف شكر لردك

شكرا انا بهزر مع حضرتك
بس بجد شكلهم شيك جدا

المشاركة الأصلية كتبت بواسطة mohabelnegm

شكوى للرقابة ألأدارية ,الناس فى الهيئة دى قمة فى ألأحترام و بيهتموا بأى شكوى ضد أى فساد فى مؤسسات الدولة..اوعى تسيب حقك..حتى أنك بكدة بتعمل خير لوجة الله علشان اللصوص دول مايسرقوش حد تانى.

شكراً يا فندم لردك، انا اسف للرد المتآخر، هطلب من اخويا يحاول في السكة دي، ولو اني اعرف ان الرقابة الادارية غاويين القضايا الكبيرة او المتعلقة بالفساد الاداري، دي بالنسبالهم سرقة عادية جداً بتحصل كل يوم، و في نفس الوقت معنديش دليل قوي ان في حاجة اتسرقت....

المشاركة الأصلية كتبت بواسطة ahmed4000

اعذرنى بس انت لسه جاى من هونج كونج يعنى اكيد روح السلبية لسه مسيطرتش عليك
قدم شكوى واعمل دوشة شوية والله حتى لو مش حتاخد حقكك بس اولا تبقى عملت اللى عليك لانك تعبان فى الفلوس

وثانيا وده الاهم انك تقلق الناس الحرامية دول.لو كل واحد اتسرق عمل شكوى حيبدوا يخافوا (شوية) حيتلموا (شوية) او حتى حد حيشدهم لما الموضوع يتكرر

ابعت للجرايد وانشر الموضوع يمكن تلفت نظر حد كبير ويتدخل او على الاقل فى ناس حتنتبه وبعد كده لما يجى يستلموا جاتهم من الجمارك حيشيكوا عليها الاول قبل الاستلام

لكن الحرامية دول طول مبيسرقوا وحتى مفيش شكوى بتتقدم ضدهم حيعيشوا حياتهم على الاخر

شكراً يا فندم علي ردك، في الحقيقة انا اعتبر اني قدمت شكوي و إن كانت مش رسمية، بس الناس دي برضه عارفة هي بتعمل ايه، بمعني ان الباكينج ليست (قائمة المحتويات) كان متسجل فيها Golf Bag (حقيبة جولف) و للاسف مش متسجل فيها عدد المضارب او اي حاجة، يعني لو كانوا سلموني الشنطة فاضية كان هيبقي اسمهم مسرقوش حاجة برضه...