مشاكل هيونداي الانترا (متجدد)

**momopersona** · 14-12-2009 08:30 AM

يا جماعه والله انا بالفيرنا بعلم على ناس كتير بس ده مش معناه انها استابيليتى وكده
بس ساعات السواق بيفرق كتييييييييييير جداااااا
بس غالبية الناس مش سواقين قوى يعنى وانت لو مش سواق تمام الالنترا ممكن تلعب بيك بسهولة عن الاوبترا وغيره ولا ايه ؟؟؟
وحتى لو تلاحظو انا وانا باتكلم على الباور والستابيليتى كلامى كله كنت باقول ان لو سواق مش جامد اوى

**Ghost2** · 18-12-2009 11:11 AM

ومازال للحوار بقية

**ADELHASANALSHAAIRYN6** · 19-12-2009 07:44 AM

انا كل عائلتى هيونداوية وانا هيونداوى اصيل - بصراحة انا بأغازل عربية واحد جارى هيونداى النترا موديل 2005 وهى سوداء اللون - عربية شيك جدا وهو محافظ عليها لا يستخدمها الا شهر واحد فى السنة لان شغله خارج مصر - العداد عامل 48000 كيلو - لكن زى ما تكون خارجة من المصنع اليوم - وهى مانيوال - سمعت من الهيونداوية ان الموديل دة ممتاز - ولكن لانه جارى فموضوع الفلوس هيبقى محرج شوية - بصراحة عندما علمت انه هيغير قررت أقتنيها بس مش عارف ادفع كام - أرجوا حد يقوللى لانى اعتبرها فرصة كويسة - وكل عام وانتم وجميع الهيونداوبة بخير وسعادة

**momopersona** · 19-12-2009 10:23 AM

ااه الموديل ده ممتاز وباعتبره افضل من الجديد
طبعا بالحاله دى ممكن تدفع فيها لحد 80000 جنيه فى رأيى
وماتسيبهاش تروح منك حتى لو باكتر طالما عاجباك انت وحالتها نادره كده

**Ghost2** · 24-12-2009 11:12 AM

لا انا شايف ان 80 الف كتير على الموديل ده خصوصا ان بقاله دلوقتي خمس سنين .. ومهما كان ناجح

**sibrahim** · 24-12-2009 10:59 PM

بالنسبة بأه لموضوع العيوب اللى ناس بتتكلم عليها:

أنا عربيتى 2008 و راكبها بقالى سنه تقريبا مش مأجرها و لا واخدها لفه سواء لفة كبيرة أو صغيرة - المهم نيجى للعيوب القاتلة اللى هيا مخليه العربيه دى فاشلة اخر حاجه(تريقه)

- العربيه بتحك فى المطبات الغبيه أو بمعنى أدق اللى معمولة بغباء لو معاك أكتر من واحد فى الكنبة خاصة لو الأوزان تقيله..

بس خلاص دى كل العيوب اللى فى العربيه.

الناس بقى اللى بتقول ثبات و مش عارف ايه و بتاع يبطلوا فتاوى لأنى هارى العربيه سفر القاهرة - شرم وأحيانا مرتين فى الشهر و عارف يعنى ايه العربية ثابته و ازاى و كمان الباور وكمان بقى السرعات العالية و لمدد طويلة و جاهز بمواقف للناس اللى بتشكك حتى مع البروتوناويه (مع احترامى الشديد للعربيات دى و للمجهود اللى بيتعمل علشان تطويرها)

**momopersona** · 25-12-2009 11:15 AM

والله كون ان رأيك انها ثابته فده مش معناه ان اللى بيقول مش ثابته يبئا بيفتى
لان الثبات ده عمليه نسبيه وكل واحد بيحكم علي عربيه بيحكم بالمقارنه بعربيات تانيه
فممكن تقوللى انهى عربيه تانيه فى فئتها اقل منها فى الثبات ؟؟؟؟؟

تانى حاجه فعلا المساعدين اللى ورا ده عيب طب الفرامل مابتزحلقش معاك بسهوله؟؟؟؟؟

تالت حاجه الباور اكيد انت اتعودت عليه لانه بييجى مع التعود بس هو فعلا خفيف اوى على السرعات العاليه والواطيه وبرده مقارنة بنفس الفئه لانه نسبى

العربيه جميله بس ده مايمنعش ان فيها بعض العيوب ممكن تخلى واحد زيى عايش فى مصر بمطباتها وبيحب يجرى ممكن الباور ده يدايقو والفرامل ماتسعفوش وقت مايعوزها يخليها ماتعجبوش