مشاكل هيونداي الانترا (متجدد)

**mohbasyouni** · 10-03-2010 11:30 AM

المشاركة الأصلية كتبت بواسطة mahmod3mostafa

انا معايا النترا 2010 نازل بيها من الكويت ورخصتها ودفعت جماركها بجد عربية مالهاش حل انا مشيت بيها 220 كيلو من غير ماتتعبنى نهائى ومالهاش حل فى الثبات والى معايا اعلى فئة منها مابتحكش نهائى فى المطبات واحلى مليون مرة من كيا سيراتو وقطع غيارها موجودة ومتوفرة ورخيصة ومعمرة

-
-------------------------------------------------------
ممكن اعرف من حضرتك دفعت جمرك كام ؟ لان انا عندى النترا 2008 فى السعودية و عايز انزلها مصر نهائى و شكرا

**professorx** · 10-03-2010 12:46 PM

أنا معايا النترا بالها سنة ولسة ماشكيتش من أي حاجة وموضوع الثبات كويس أنا مشيت بيها لغاية 175 وكانت ثابته وال بور حلو جدا جوه ال بلد وعلى الطريق البور عادي ماشتكتش مش عارف البور عملكم إيه

**professorx** · 10-03-2010 12:56 PM

نسيت أقول حاجة نوع الكويتش بتاعها وحش ناشف شوية غبور الله يسامحه وحاجة ماحدش يعرفها إن توكيل العربية كويس وحاجتها موجودة عن أي حد ده بجد

**M.Elhamy** · 10-03-2010 03:46 PM

المشاركة الأصلية كتبت بواسطة professorx

نسيت أقول حاجة نوع الكويتش بتاعها وحش ناشف شوية غبور الله يسامحه وحاجة ماحدش يعرفها إن توكيل العربية كويس وحاجتها موجودة عن أي حد ده بجد

فعلا تم تغير الكويتش بعد 2500 كيلو

**top_10group** · 10-03-2010 04:18 PM

2500 كيلو بس ولا قصد حضرتك 25000 ؟

**M.Elhamy** · 10-03-2010 10:54 PM

لا 2500

أنا غيرت عشان سببين صوت الكاوتش مكنش عجبني وبتزحف مع الفرامل الحمد الله المشاكل دي راحت بعد تغير الكاوتش والمقاس ل16

**m_mekkawy** · 11-03-2010 08:25 AM

انا فى السعوديه وعندى واحده منها ستاندرد اوبشن جير عادى العربيه مش فيها اى مشاكل بالأضافه ان الباور ستيرنج فيه تحكم بيضعف على حسب سرعة العربيه العربيه وهو الـ(eps) ماشاء الله جايب عليها 190 وكانت زى القطر لا حدفه ولا اى حاجه بس هى زى اى عربيه من فئتها بعد ال140 العربيه تقريبا بتبقى طايره من ع الأرض.
المشكله الوحيده اللى منرفزانى فعلا فيه صوت خبطه حاجه مفكوكه فى العفشه من تحت مش لاقيها خااااااااااااااااااالص

**alihussien2** · 09-04-2010 06:12 AM

السلام عليكم للاخ الفاضل / محمود مصطفى الكويت = انا اشتريت النترا 2010 من هونداي الكويت ( شمال الخليج التجارية ) وعاوز اعرف تفاصيل نزول وجمارك سيارتك الى مصر مع الشكر

**medociv** · 09-06-2010 11:48 AM

المشاركة الأصلية كتبت بواسطة monmonmon

هو انت مفيش موضوع تدخله غير و تعمل كده و بقى القسم ماشى بسياسه و مفيش حد بيفيد حد!!!

و انت اللى بتقول للناس تتكلم بصدق؟؟؟ مع انك دخلت فى مواضيع كتييييييييييير بتقول معلومات غلط كتييييييييييييييييييييييي ير و الهدف تشتم فى اى عربية كورى و تطلع عربية مليانه عيوب و بروتون بتاعتك اللى فتحوها سنه 1983 زى السيفيك و تقول
حرام عليكو الناس وكفايه تحيز وشغل اعلانات

شوف الموضوع ده الوحيد فى القسم عندكم اللى شاركت فيه لكمية الاستفزاز و التهجم على صاحب الموضوع علشان عنده مشكله و عايزين يحذفوا الموضوع:http://www.nilemotors.net/Nile/101718-a.html

على فكرة الراجل ده ماشاركش في هذا الموضوع ومش ذنبه ان منتدى بروتون في اعضاء بتدافع عن السيارة باستماتة !! (في اعضاء كتير في هيونداي او كيا بيتخانقو مع اللي بينتقد العربية) فيا اخي الكريم اذا كان عندك دليل على ان العضو ده اسلوبه الهجوم وخلاص قولوه لكن متجيبش دليل من مكان تاني ملوش دخل فيه!!
في النهاية يعلم الله اني لا اعرفه او اعرفك
وتقبلو فائق احترامي

كفايه انك داخل تكدبنى من اول مشاركة ليك فى المنتدى علشان بقول انى غيرت تيل فرامل عند 58000 كم.. لو انت بتغيره كل 10,000 فى البروتون (السيفيك) بتاعتك دى تبقى مشكلتك و غيرك معاه كورى زى الفل معمر و بيعيش و مفيش مشاكل ظهرت فيه و مستمتع بعربيته و كمان لما يجى يبيعها مش بيخسر فيها و يدلل عليها علشان حد يشتريها الحمد لله

اه الالنترا محترمه و الماتريكس و ال i10 و الاكسنت..... و كل عربيات هيونداى محترمه حتى لو طلع فيها عيوب صناعه و حالات فرديه... و انا الحمد لله امتلك هيوندايتين

و لى صديق كان معاه اكسيل (الناس هتقول زبالة هيونداى) بس عربية 1500 و اتوماتيك و ماشيه من 1994 لحد ما باعها فى 2009 و جاب ماتريكس اتوماتيك.. علشان واثق فى هيونداى و مجرب و عارف مش مجرد كلام و خلاص

و ان شاء الله لو فكرت اغير الماتريكس احتمال اجيب الالنترا عربية تحفه و كفايه انها هيونداى

ارحم بقى

**alivara** · 09-06-2010 09:12 PM

المشاركة الأصلية كتبت بواسطة momopersona

فعلا الموضوع اصبح مش مفيد

على العموم اى حد ناوى يشترى العربيه طبعا مش هايشتريها بناءا على كلامنا بس (ازاي يعني هو ايه اللي اتقال يعيب فيها؟)
ولازم يجرب بنفسه
يعنى يحط الاربع نقط دول فى دماغه وهو بيجرب
وطبعا الموضوع نسبى وكل واحد وليه معايير سواء لارتفاع العربيه او الباور او الفرامل او الثبات (هههههههه التلاتة اللي في الاخر دول من احسن مميزات العربية مش عيوب و مفيهاش غير عيب المطبات بس انما لو خدت المطب بالراحة مفيش مشكلة)
وهو طبعا اللى ليه الحكم الاخير

والموضوع فعلا نسبى يا جماعه
يعنى في واحد نازل من فيرنا بالنسبه له الالنترا قمه فى الثبات
وفى واحد نازل من سيفيك بالنسبه له الالنترا عربية موت
وهكذا فى الباور والفرامل والارتفاع

يعنى مش شرط ان رأيى غلط او رأيك اللى غلط
كل واحد بيقول رأيه بناءا على تجاربه للعربيات السابقه وبيقارن بينها وبين اللى ركبه قبل كده وبيحاول يفيد الناس

فلازم اللى يشترى يجرب الاول وهو اللى يشوف تناسبه ولا لا

وانا رأيى
انها
1- الثبات : لا يقارن مثلا بالاوبترا والبروتون والصنى عشان كده حكمت عليه انه فيه مشكله (ازاي يعني تتصور ان ممكن البروتون لو بأعلى فئة فيه ممكن يكون فيها حاجة واحدة مميزة عن النترا ؟ طبعا كلام خطأ جدا و بروتون دي و الله لو عرضوها عليا ببلاش مش هاخدها و بعدين انت بتقارن عربية من ماليزيا ما بقالهاش كام سنة بشركة ليها تاريخ و رقم 5 على العالم ؟) و انت جربت الثبات عشان تقول كده ؟ اوبترا مين و بروتون مين / ناس كتيرة جابت بالنترا فوق ال 200 و العربية ما بتتحركش سم واحد بالعكس دي ثابتة جداااااااااااااااا
2- الفرامل : سهل تزحف جدا مقارنة بالاوبترا والبروتون والصنى (الفرامل قوية جدا في النترا خصوصا لو abs يبقى ازاي الفرامل تعبانة ؟ و حتى لو مش كويسة عمر ما عربية من اللي قولتهم دول هتكون فراملها احسن)
3- الباور : خفيف جدا وزاويته جامده يعنى نص لفه الدريكسيون ب 3/4 لفه عندى فى البروتون والصنى يعنى تبئا ماشى على سرعه عاليه تلفه لفه خفيفه تلاقى العربيه حدفت جامد وبيساعد على كده انه خفيف جدا على السرعات فعشان كده قولت انه عيب بالنسبه للى بيمشى على سرعات عاليه (مين ضحك عليك و قالك كده ؟ الباور بتاعها ممتاز فوق الوصف و انا ما بقيتش اعرف اسوق غيرها و بيتقل على السرعات العالية مش زي ما بتقول كده !!!)
4- هبوط العفشه : ده بسبب ضعف السوست والمساعدين ونعومتها الزائده يعنى مش التصميم واطى عشان الثبات لا المساعدين والسوست قابلين للفتح والقفل بسهوله وده طبعا عيب ومش بيأثر فى المطبات بس لا ده بيأثر على الثبات لانك وانت بتاخد منحنى يمين بتلاقى العربيه بتوطا جامد من الشمال فده بيخليها سهل تتقلب بردو الكلام ده مقارنة بالاوبترا والصنى والبروتون (اها حضرتك بتعرف شركة هيونداي ازاي يصنعوا السوست و المساعدين و بتثبت ليهم انهم عاملين المساعدين كده مش عشان الثبات و انما ده بيسبب مشاكل و العربية بتهبط ؟ كلام يضحك و الله / اتفرج على المساعدين دول في المطبات و الطرق بيخلوا العربية ناعمة ازاي)

وطبعا انا مش بقارن لغرض تفضيل سياره على سياره لكن بقارن للتوضيح بس وطبعا الالنترا تتفوق فى حاجات تانيه على العربيات دى

ويا ريت اللى هايشترى يجرب الاول ويشوف المعطيات بتديله احتياجاته ولا لا

انا رديت متأخر اوي بس انا لسة قاري المشاركات الغريبة بتاعتك دلوقتي و كان لازم ارد عليك