الموضوع: لما ابطل العربية المية تفور؟؟؟

المشاركة الأصلية كتبت بواسطة mmamdouh

اما غطا القربة وحش او القربة اللى جبتها سنها بايظ... هى قربة اصلى؟؟

mmamdouh

جبت واحدة مش اصلى طلعت بتسرب وغيرتها بواحدة اصلى وكانت تمام لحد ما حصل اللى حصل

المشاركة الأصلية كتبت بواسطة magomago

اخبار امبير الحراره ايه ؟مع العلم ان المؤشر بيثبت قبل النص بشويه
وهل الرادياتير حالته سليمه والمروحه شغاله كويس؟
انا حاسس ان الميه بتسخن زياده عن اللازم وبحاول ادور معاك على السبب
والله يكون فى عونك

امبير الحرارة قبل النص والرادياتير سليم وسلكتة مع شغل بتاع وش السلندر وكلة متظبط والمروحة مخدتش بالى منها وشكرا ليك جدا لمشاركتك

يا جماعة حد ياخد فى ايدة غطا و يروح للاستاذ الفاضل علشان يصدق
دة ممدوح بنفسة اللى قال كدة يبقى اكيد كلامة صح

السلام عليكم
طالما ان الميه بتفور من القربه يبقي اكيد الغطاء بايظ ولا اظن ان سن القربه هو السبب لان سن القربه مفيش عليه ضغط يبقي طالما انه رابط كويس يبقي السن خارج الموضوع وغالبا اللي بيهرب في معظم الحالات هو البلف اللي موجود في الغطاء(بلف الضغط الزائد) انا مره فكيت البلف وشديت السوسته بتاعته وركبته واشتغل لفتره بس اللي انا عملته غلط لان البلف المفروض متعاير علي ضغط معين وانا لما شديت السوسته غيرت المعايره بتاعته فممكن يتسبب في ارتفاع الضغط في دائره التبريد لكن انا كنت عايز اجرب
المهم انت غير غطاء القربه بواحد اصلي او استيراد واوعي تجيب البلف الصيني لانه مش هيشتغل وبعد كده تابع الميه اللي في القربه

ياجماعة
انا معايا نوبيرا 2006 مستعملة عاملة 42 الف كيلو

ومن ساعة ماجيبت العربية كانت المياه بتنقص يإستمرار ، لكن مش خدت بالي الإ بعد ماغيرت وش التكيهات لأنها كانت بتجيب زيت
وكشفت على الردياتير والقربة والخراطيم وكل ده كان سليم
ولاحظنا في الآخر ان طمبة المياه اللي في الموتور بتسرب المياه ، علمناها بلحام كده الميكانيكي اشتراه ، وشال الترموستات اللي داخل الكوعة ، علشان المياه فعلا مش كانت بتنزل الا لما العربية بتسخن ، مش اول ماادور العربيىة ، فالميكانيكي قالي نشيله خالص علشان مش يعمل ضغط ويسرب المياه من الطبمة المياه بتاعت الموتور
فدلوقتي ، انا مش عارف ابص ازاي على المياه علشان اتأكد ان الحل ده جاب نتيجة ،
-ابص على العربية قبل ماادورها الصبح ؟
- ابص عليها بعد ماعمل مشوار واركنها يعني ابص وهيا مبطلة ؟
- ابص عليها بعد ماعمل مشوار وقبل مابطل العربية ؟
علشان انا لسه جديد مع العربيات واتخلبط من الردود السابقة

وهل فعلا المفروض يكون منسوب المياه يكون واحد في كل الأوقات دي ؟

وشكرا