لا جسر بين مصر و السعودية و لا تعليق...

**Hossam Mounir** · 14-05-2007 03:33 PM

عزيزى دكتور أحمد ... مع أحترامي الشديد للمقال التحلليلى الرائع اللى سيادتك كاتبه ...

أنا من خلال طبيعة عملى أوؤكد لسيادتك ان الشحن البحرى أغلى من الشحن البرى بكثيير .. والدليل ...

1- عدد سفن الحاويات ليس بالكثير مما يستلزم حجز السفن ... لنقل البضائع وأما تلفت البضائع مما يرفع سعر الشحن على السفن ... الموضوع عرض وطلب ...
2- المخاطر البحرية ... من حريق وغرق وتلف البضائع مما يجعل التأمين البحرى ... له تكلفة تضاف على الشحن ...
3- عمولات شركات الشحن البحرى ...
4- التحميل على أرصفة الميناء والتنزيل والتستيف على ظهر المركب ... والتخليص الجمركي ... وما إلى ذلك ...
5- الرسوم المفروضة على بعض الموانى كرسم الرسو ... أو عبور مضايق أو قنوات مثل المثال الذى تم ذكره وهو قناة السويس ...

كل ما سبق ذكرة من تكاليف يتم أضافته على تكلفة الشحن البحرى ...مما يرفع من قيمته جداً ...

وبالتالى مش علشان سيارات النقل بتتحمل حاوية واحدة والسفينة بتشيل مئات الحاويات يبقى الشحن البرى أرخص ... يبقى الموضوع بيدخل فيه حسابات كثيير علشان ما اخرجش بره الموضوع لا يوجد مجال لذكر كل النقط لكن فى هذا المثال ... بالذات الشحن البحرى يبقى أفضل لمصلحة مصر من الشحن البرى ...

يعنى ببساطة دولة زى الجزائر عايزه تورد حاجة للسعودية أو اليمن ... افضلها تأخذ سفينة من ميناء عنابة أو وهران بطول ساحل البحر المتوسط ثم عبور قناة السويس ثم دخول البحر الأحمر ثم إلى الميناء المقصود فى السعودية أو اليمن ولا الأسهل تاخذ الطريق الساحلي برياً عبر تونس وليبيا ومصر ثم الجسر المزمع أنشائه ... إلى الأراضى السعودية أو اليمنيه ...

فى هذه الحالة تكلفة النقل البرى أكيد هتبقى أرخص من الشحن البحري ... يبقى فى هذه الحالة ضيعنا على البلد ... فرصة عبور بعض السفن فى القناة مما يعود سلباً بالخسارة على مصر ...

وبالتالى دى نقطة سلبية فى المضوع حبيت ألفت نظر سيادتك والقراء أليها مع أنى متفق ... انه هناك اكيد نقط أجابيه كثيره ...ولكن ما يهمنى هو مصلحة بلدى وأيهما يعود عليها بالنفع ... مما دفعنى إلى الكتابة كما دفع سيادتك أيضاَ إلى الكتابة ...

تحياتى لك ...

أخوك م/ حسام منير

**Karim_Monir** · 14-05-2007 05:17 PM

استاذ حسام
السلام عليكم ورحمه الله
مرحبا بيك في المنتدي لاني اول مشاركة اقراها ليك دي
انا من مؤيدي كلام دكتور احمد
لاني اشتغلت فترة طويلة في اللوجستيك واعرف جيدا كل كلمة قولتها
لكن لو اتحسبت زي ما بتقول ممكن اعمل رسوم جيدة علي الطريق الدولي الساحلي اللي هايبقي انضف عشر مرات من دلوقتي
وبدل ما الدخل يدخل كلة من قناة السويس يدخل من تريلات الحاويات واعمل معاها موتيلات صغيرة وارعمل رسوم عبور حاوية توازي اللي ضاع مني ومتنساش ان في مقابل اقوي اني هاشجع السياحة البرية من دول المغرب العربي لكل اللي رايح اسيا
وهاتلاقي سيناء دي تحولت لمدن تجارية اكبر من هونج كونج ودبي لانها هاتربط بين المشرق والمغرب
تخيل لو تونسي او ليبي رايح قطر او اليمن
او العكس
تخيل حركة العمرة والحج لكل اللي رايح من دول المغرب العربي للسعودية عن طريقنا
الموضوع رائع فعلا موضوع الجسر
لكن عشان هايضرب مصالح اسرائيل في العمق-يبقي لازم يتوقف
عشان هايخلي في رمز للاتصال العربي زي قطار الشرق السريع يبقي لازم يتوقف
مش عايز اكمل اكتر من كدة لان اللي جاي هايكون ضد قوانين المنتدي لاني هاتطرق للسياسة

عذرا للاطالة

**PAYOO** · 14-05-2007 08:34 PM

أنا كنت كتبت الكلام ده في الخبر الأصلي وما حدش رد عليا

المشاركة الأصلية كتبت بواسطة أبو عبد الله

السلام عليكم
خبر سعيد سيتم الأسبوع القادم بدء العمل الفعلي في جسر يربط بين مدينة شرم الشيخ المصرية و المدينة المقابلة علي الساحل السعودي - أعتقد تبوك- بتكلفة 3 مليارات (لا أذكر العملة) و سيتحمل التكلفة الجانب السعودي لتنتهي إلي الأبد مشاكل العبارات و العمرة و الحج البري . و بهذا يتم الربط فعليا بين اسيا و أفريقيا و بين اكبر بلدين مسلمين .

و بالمناسبة إذا أراد أحدنا السفر عبر هذا الطريق البري فماذا تقترحون من سيارات تصلح و ذلك تحت سعر 100 ألف جنية.

من فضلك يا أبو عبدالله تقولنا على مصدر الخبر عشان عاوزين نعرف تفاصيل كتيره جدا منها أرتفاع الجسر عن مستوى سطح المياه؟
وهل الجسر من النوع الذي يفتح ويغلق لكي تمر السفن والبواخر العملاقه؟
وطوله (المسافه من وإلى) ؟
هل يوجد ميعاد للبدأ والأنهاء من المشروع ؟
هل المشروع أنتاج مشترك بيننا وبين السعوديه؟ أم ان هناك جهة دوليه هي من سوف تمول المشروع؟
هل سوف يكون هناك رسوم للعبور ؟ وإن كان هناك رسوم هل سوف تكون بعمله موحده؟

وأسئله كثيره جدا لذلك المصدر مهم

شكرا

**baher** · 14-05-2007 10:38 PM

حسبنا الله ونعم الوكيل في ال...........

**baher** · 14-05-2007 10:38 PM

مصر فعلا هي عسكري أمن اسرائيل

أبو عبد الله*** · 15-05-2007 12:16 PM

اخي العزيز بايو
لقد رديت بالفعل في الموضوع الأصلي و ذكرت المصدر و ...
و إن كان الرد متأخرا قليلا لظروف عملي
فعذرا علي التأخير و برجاء الرجوع للموضوع الأصلي للإطلاع .

**Ahmed Hassan** · 16-05-2007 02:33 AM

اؤيد ما كتبه الدكتور احمد سمير, فالجسر -ان وجد- لا تأثير له على قناة السويس لا من ناحيه سفن الحاويات, و لا من ناحية ناقلات النفط و اؤكد ان النقل البحري ارخص من البري و ان اعمل باكبر محطة حاويات في المنطقه.

من ناحيه اخرى و ده الأمر المحير اني بعد ما قريت الخبر هنا في المنتدى سمعت تاكيد ليه في اذاعه لندن بي بي سي!!!