حسام حسن مديرا فنيا للزمالك

**mr_sameh** · 30-11-2009 01:53 PM

المشاركة الأصلية كتبت بواسطة sarah5

الزمالك مش هيخسر اكتر من اللي خسره
اعتقد ان قرار مجلس الادارة بتعيين حسام حسن هو عبارة ع تجربة لأن خلاص مفيش حاجة نخسرها بعد اللي خسرناه
جابوا الاجنبي منفعش جابوا فاروق جعفر وهو مدرب كبير وليه خبرة منفعش فقالوا يجيبوا واحد في سن اللاعبين يمكن يعمل حاجة
وعموما مبقتش تفرق

هوا حسام حسن محتاج نجربو ده مدرب فاااااااااشل ودرب فرقتين واطرد من واحده وهبط بالتانيه للدرجه التانيه , وكمان مين قال ان فاروق جعفرمدرب كبير هتلي بطوله خدها فاروق جعفر اللي بيدرب من 20 سنه

المشاركة الأصلية كتبت بواسطة islamislam

لان مفيش اى حد من الجيل الحالى عمل للكره زى ما حسام عمل

طبعا عمل حاجات كتير بس طبعا مش زي احمد حسن ولا ابوتريكه ولا الحضري
كل دول عملو لمصر اكتر من الاخ حسام اللي قضي حياته ايقافات وسفاله وقلت ادب واخيرا طرده من النادي الاهلي

المشاركة الأصلية كتبت بواسطة kh_talaat

أنا مش عارف مجلس ادارة الزمالك بيفكر ازاي ؟؟؟؟
بقى الزمالك يدربه حسام حسن !!!!!
انا متوقعله انه يكسبله ماتشين في الأول والزمالكاوية هيفرحوا ويطلعوا بيه السما ، بعدها هيخسرله ماتش ويقعد يسب ويلعن في الحكام كعادته والحكم يطرده بره الملعب كام ماتش ... وعلى نهاية الموسم مجلس الإدارة يكون أقاله
ومن فشل الى فشل ويا زمالك
__________________
أهلاوي حزين على حال الزمالك

الغريب ان كل الناس فاهمه الكلام ده الا ادارة الزمالك

**Terrible_DaRsH** · 30-11-2009 02:54 PM

حد يعرف ابراهيم حسن هيشتغل ازاى و هو موقوف من الاتحاد الدولى !!

**kh_talaat** · 30-11-2009 03:01 PM

المشاركة الأصلية كتبت بواسطة terrible_darsh

حد يعرف ابراهيم حسن هيشتغل ازاى و هو موقوف من الاتحاد الدولى !!

مين قال ان ابراهيم حسن هيشترك مع حسام في الطاقم الفني

**Terrible_DaRsH** · 30-11-2009 03:07 PM

المشاركة الأصلية كتبت بواسطة kh_talaat

مين قال ان ابراهيم حسن هيشترك مع حسام في الطاقم الفني

: قرر مجلس إدارة الزمالك بعد اجتماعه العاجل مساء الأحد استدعاء التوأم حسام وإبراهيم حسن من دبي الاثنين لإتمام التعاقد معهما رسمياً خلفاً للفرنسي هنري ميشيل الذي تم إقالته بشكل رسمي.
وعلم مراسل Yallakora.com ان مجلس إدارة الزمالك بعد اجتماعه الأحد طلب من التوأم العودة سريعاً من دبي ومعهم أسرهم على حساب النادي لإنهاء التعاقد رسمياً.
وأضاف مراسلنا ان مجلس إدارة الزمالك أجرى تصويتاً على تعيين حسام حسن وجاءت نتيجة الموافقة على تعينه 4 اعضاء ومثلهم معترضين على تعيينه، إلا ان موافقة ممدوح عباس رئيس النادي على حسام قد زادت من فرص الأخير في تولي قيادة الفريق.
ويأتي الاختلاف الوحيد من جانب مجلس إدارة الزمالك على تعيين حسام حسن هو طلب الأخير وجود توأمه ابراهيم ضمن الجهاز الفني وهو ما رفضه الأعضاء وقاموا بترشيح بعض الأسماء الأخرى لمعاونة العميد على رأسهم أيمن منصور.
وأفاد مراسل Yallakora.com ان مجلس الإدارة سيعقد اجتماعاً عاجلاً صباح الاثنين مع لجنة الكرة برئاسة حمادة امام لاستطلاع رأيهم في تعيين حسام حسن لقيادة الفريق في الفترة القادمة.
وكان المجلس الأبيض قد اتخذ قرارا حاسماً بإقالة هنري ميشيل المدير الفني الفرنسي للفريق

**kh_talaat** · 30-11-2009 03:10 PM

شكرا للتوضيح

يعني خربانه خربانه دة انا كنت فاكره هيدرب لوحده كمان هياخد معاه ابراهيم ....... والله صعبان عليا الزمالك ومشجعي الزمالك

**XXXMEMOXXX** · 30-11-2009 03:12 PM

المشاركة الأصلية كتبت بواسطة motorizer

انا متفائلهم بحسام حسن مش عشان هو مدرب معجزة و جامد لأ عشان حسام حسن عايز يكسب و شخصيته قوية و قليل الأدب و الزمالك مليان لعيبة عايزة تتربي و شايفة نفسها و مينفعش معاهم غير حسام و إبراهيم يلطشولهم و يقفوا يسبولهم في التمرين و عالخط

المشاركة الأصلية كتبت بواسطة tyler_durden

الزمالك كده خد خطوة في الاتجاه الصحيح ..
تولي لاعبين كبار تدريب أندية بدون خبرة تدريبية مش بدعة ..جوارديولا في برشلونة و ليوناردو في الميلان و غيرهم كتير قوي

+1
ان شاء الله الزمالك هيتحسن حاله مع حسام
يا رب

**zaza_lanos** · 30-11-2009 03:32 PM

انا شايف انه احسن حاجة للتعامل مع العيال ده

**Abo_Lina** · 30-11-2009 03:38 PM

المشاركة الأصلية كتبت بواسطة islamislam

بصراحة ياحضرات انا موافق على اختيار حسام حسن مع اقتناعى التام بانة ليس مدرب على درجة عالية من الكفاءة بس اسبابى ان نادى الزمالك محتاج اى رمز كروى كبير يكون ليه احترامة وكمان حسام شخصيتة قوية يعنى مش بيهمو اى لاعب مهما كان اسمه ولا اى حد من الادارة يعنى محدش هيعرف يرغى معاه لان مفيش اى حد من الجيل الحالى عمل للكره زى ما حسام عمل وكمان اسلوب حسام فى الكلام هيخلى اللعيبة تتعلم الادب وتخاف منه ويبطلو فرعنة على الفاضى والمليان وكلنا عارفين ان اللعيب المصرى لما بيحس بنفسه مش بينفع معاه غير اسلوب الترهيب مش الطبطبة يعنى لازم يتعامل معاهم باسلوب الجيش عشان الكل يتلم وموضوع الخبرة فى التدريب هيزيد معاه مع مرور الايام وهى ماجتش عليه ماهوالزمالك عمال يغير فى المدربين زى الشربات لازم ياخد فرصة ويمكن حالى الزمالك يتعدل

الناس محسساني إن حسام حسن ده بياع ترمس ..
الموضة برة زي ما قلت إن اللعيبة الكبيرة المبطلة تمسك فرق ..أنت عايز تتطبق الكلام ده هنا هاتجيب مين ? حمادة شنح ?
حسام كخبرة و شخصية هو أنسب شخص للزمالك حاليا

المشاركة الأصلية كتبت بواسطة sakrouz

كلام محترم وانا معاك---- وراى بصراحة ان المصرين طيبن اوى لما واحد ينجح مع فرقة لظروف معينة يكون هو ده اساس الحكم ويكون جوزية رمز الكرة المصرية ولو مسك المنتخب الكره هتسمع فى اوروبا ذى ما واحد من الاعضاء بيقول- حاجة غريب جدا نفسى مره ندرس عوامل النجاح نفسى نفكر ان يكون عندنا اكثر من ناجح مش ندور على اللى نجح ويكون هو ده ونعيش على ذكراه جوزيه لما درب الاهلى ماكانش عنده ولا بطوله واحده فى ال cv وحسام لو اخذ الفرص هاينجح بس ليه لازم كل الناس تحارب انتا مين يا حسام ده جوزية اصل مش عارف اه

باشا cv ايه بس ما احنا كان عندنا هنري ميشيل مدرب عايز اتنين معاه عشان يشيلوا ال cv بتاعه .. و عمل لنا إيه ..صفر
cv ايه اللي الناس جاية تقول عليه..
الكورة مش كده و مافيهاش شغل المعادلات الحسابية و أبو cv و أبو من غير cv ..
جوزيه كان جاي مصر نكرة و ال cv بتاعه صغير .. مشى من هنا و ال cv بتاعه وارم ..
يا راجل احنا عاوزين نخرج من الحلقة المفرغة بتاعة المدربين دي بقى و شيلوا طولان و هاتو فاروق جعفر و شيلوا جعفر و هاتو محسن صالح ..
بورتو أعطى الفرصة لمدرب شاب مغمور و ليس له نجاحات تذكر و بعد سنة خد الدوري البرتغالي و الشامبيونز ليج الأوروبي ..
المدرب ده إسمه جوزيه مورينيو ..
الدنيا بره اتغيرت يا شباب ..

**kh_talaat** · 30-11-2009 03:40 PM

إن غدا لناظره قريب

**KSA2011** · 30-11-2009 03:46 PM

المشاركة الأصلية كتبت بواسطة Tyler_Durden

الناس محسساني إن حسام حسن ده بياع ترمس ..
الموضة برة زي ما قلت إن اللعيبة الكبيرة المبطلة تمسك فرق ..أنت عايز تتطبق الكلام ده هنا هاتجيب مين ? حمادة شنح ?
حسام كخبرة و شخصية هو أنسب شخص للزمالك حاليا

باشا cv ايه بس ما احنا كان عندنا هنري ميشيل مدرب عايز اتنين معاه عشان يشيلوا ال cv بتاعه .. و عمل لنا إيه ..صفر
cv ايه اللي الناس جاية تقول عليه..
الكورة مش كده و مافيهاش شغل المعادلات الحسابية و أبو cv و أبو من غير cv ..
جوزيه كان جاي مصر نكرة و ال cv بتاعه صغير .. مشى من هنا و ال cv بتاعه وارم ..
يا راجل احنا عاوزين نخرج من الحلقة المفرغة بتاعة المدربين دي بقى و شيلوا طولان و هاتو فاروق جعفر و شيلوا جعفر و هاتو محسن صالح ..
بورتو أعطى الفرصة لمدرب شاب مغمور و ليس له نجاحات تذكر و بعد سنة خد الدوري البرتغالي و الشامبيونز ليج الأوروبي ..
المدرب ده إسمه جوزيه مورينيو ..
الدنيا بره اتغيرت يا شباب ..

معذور صعبان عليا

كل سنه وانت طيب يا باشا

الموضوع: حسام حسن مديرا فنيا للزمالك

LinkBack

أدوات الموضوع

عرض

-

-

-

-

-

-

-

المواضيع المتشابهه

رسميا .. حسن شحاتة مديرا فنيا للزمالك خلفا لحسام حسن

كيف تصبح مديرا مفتريا !!! نصايحكم !!!

هل ما زال عمر سليمان مديرا للمخابرات العامه؟؟

عايزين نتطمن علي أخونا حسام سيف .. (انت فين ياعمو حسام؟)

الكلمات الدلالية لهذا الموضوع

المفضلات

المفضلات

ضوابط المشاركة