حسام حسن مديرا فنيا للزمالك

**KSA2011** · 29-11-2009 11:14 PM

حسام حسن مديرا فنيا للزمالك
مبروك الهبوط للزمالك

**bassem.naguib** · 29-11-2009 11:21 PM

مبدئياً انا أهلاوي صميم .. وحط تحت صميم دي مليون خط .. وأحب ألخص مشكلة الزمالك دي في النقاط التالية :
1) مجلس إدارة الزمالك كلهم ملهمش في الإدارة ولا الكورة خالص سواء لنقص الخبرة أو لعدم وجود الخبرة من أساسه أو لدخول المجلس من باب المنظرة .
2) أنا شايف أن شيكابالا (على الرغم من أنه لعيب) وأحمد حسام (ميدو) هما سبب مشاكل الزمالك .. لأني بحس أن الاتنين دول لما بيلعبوا مع زمايلهم بيتعالوا عليهم وعلى الكورة كمان .. بالإضافة أن عمرو زكي (اللعيب المقاتل والمخلص) على غير وفاق مع ميدو والاتنين بيكرهوا بعض .
3) النفوس في الزمالك وحشه .. واللعيبة بصفة عامة مبيحبوش بعض .. أزاي بقى يلعبوا مع بعض !!

ولك الله يا زمالك .

**kasten** · 29-11-2009 11:27 PM

انتبه من فضلك الزمالك يرجع الى الخلف ..
انتبه من فضلك الزمالك يرجع الى الخلف ..

**ehabradwan** · 29-11-2009 11:30 PM

ياريت والله حسام مقاتل و محتاج امكانيات بس

**Islam_galal** · 29-11-2009 11:31 PM

حيحسن وضع الزمالك بس لفترة
حسام زي المخدر بيزيل الألم لكن لا يشفي المرض

**M.Mosaad** · 29-11-2009 11:33 PM

انا مش عارف في مصر بيتم اختيار الوظائف علي اي اساس
يعني حسام حسن لاعب كبير جداااااااااااااا محدش يقدر يقول حاجة
بس كمدرب ايه امكانياته اي دراسته اي شهادته ايه اللي هيضيفه للعيبه غير شوية زعيق و شتيمه علي الخط و خلاص
يعني نظام مصر هي امي و نلعب علشان الجماهير و الاغاني الوطنيه مبقاش يجيب نتيجه
الكورة علم و دراسه و تكتيك و مدربصاحي علي الدكه يقدر يقرا الماتش مش عارف عي اساس الاختيار
يعني حسام البدري قعد تحت جناح جوزيه 5 سنين بيشرب علم منه حسام حسن درب مع مين خد خبرة من مين ؟
هو اتمرن كلاعب مع مدربين كتير اوي بس كمدرب مع مين ؟
هو اختيار لتهدئة الجماهير و لو حسام فاز الماتش الجاي هتلاقي الدنيا كلها بتغني و تقول شعر فيه و لو خسر هيقول ان الفريق محتاج وقت و صبر و لازم نعمل معسكر اعداد للمرة الثالثه الموسم دة

بجد مفيش اي معايير لاختيار اي حد لاي وظيفه في البلد دي

**w-m-a** · 29-11-2009 11:49 PM

خبر غريب وصادم

**ecybrarian** · 29-11-2009 11:50 PM

شفتوا شيكابالا وحازم إمام وهما بيعيطوا..ومن قبليهم محمد فؤاد وايهاب توفيق..هي ايه حكاية الرجالة إللي بتعيط في البلد دي!!! على رأي سيد ابو حفيظة..صحيح شر البلية ما يضحك..الغريب إن مجلس الإدارة خد القرار بدون الرجوع للجنة الكرة...عرفت دلوقتي العيب فين..في الإدارة طبعا

المهم ماتنسوش كرامتنا المهدرة في السودان (حتى لا ننسى)

**KSA2011** · 30-11-2009 12:05 AM

المشاركة الأصلية كتبت بواسطة Terrible_DaRsH

حسن شحاته يعين مديرا فنيا لنادى الزمالك , و يعين مانويل جوزيه مديرا فنيا لمنتخب مصر .

و بعد سنة واحدة الكورة المصرية هتكون سمعت فى اوروبا كلها .

ابصم بالعشره على كده

جوزيه لو كان الى ماسك المنتخب فى التصفيات كنا صعدنا
الماتشات كلها كانت بتاعته وكان بيعرف يتعامل معاها
انا اهلاوى على فكره وزعلان على الى بيحصل للزمالك