الموضوع: مجرد حادثة من ألف حادثة لكن تجلى فيها كل التخلف

انا من ضمن ااااااالناس التي تضررت بالحادث ده
الطريق كان مقفول وبرضه الطريق البديل طريق 12 كان واقف لانه طريق فردي !!

وطبعا الطرق تحولت لداخل القرى فمثلا القادم من بنها كان بيدخل من الشموت ويطلع داخل قرى مرصفا وميت كنانة ثم الى طوخ ثم الى الاسكندرية الزراعي

انا كنت نازل مشوار ولكن للاسف وقفت ساعة ونص مش عارف اعمل ايه قمت لفيت ورجعت تاني

وحسبنا الله ونعم الوكيل

لا أعلم حتى إن كان القتيل أراد توفير عناء صعود سلالم كوبرى المشاة أم لا

للاسف لايوجد سلم مشاه في منطقة الحادث !

لا حول ولا قوة الا بالله

المجتمع ككل اصبح فاشل في كل مكان ومجال، فماذا تنتظر، السلبية اصبحت هي عقيدة التعاملات الاجتماعية في شتى صورها، نظرية التعايش الحيادي مع الفساد اصبحت مهترئة، واثبتت عدم صحتها، الفساد يأكل من لا يحاربه، الفشل قمت بتوصيفه على طريق القاهرة - الاسكندرية الزراعي، ويبدو ان هذا الطريق يتمدد ويقصر ويتلوى ليدخل كل بيت وشارع ومدينة في وطننا.

أعتذر في نهاية الأمر عن فشلي، من منكم سيقبل هذا الإعتذار؟؟ (لا أحد !!).

طول ما الطريق ده بدون حلول جذريه للناس اللى بتعدى هتفضل الحوادث عليه بالمنظر ده كل يوم

الناس من كتر ما بتعدى الطريق اساسا بقا عندهم برود اعصاب واستعباط رهيب

تلاقى الواحد من دول بيعدى الشارع بموتوسيكل بالعرض او بيعدى وهو بيكلم حد جنبه او مثلا حاجه وقعت منه يقف يجيبها ولا كأنه طريق بسرعه 90 كم

وطبعا اللى سايق عربيه وعارف ان الطريق السريع اللى يموت عليه ملوش حساب تلاقيه طايح فى اللى بيعدى ومش مديله فرصه

والطرف الثالث هى الحكومه اللى كل مره ينزل الاهالى فيها يولعوا فى الطريق ويكسرو العربيات اللى ماشيه علشان واحد ماتلهم وهو بيعدى تروح تطبطب عليهم وتقولهم معلش ومفيش واحد فيهم يبات فى النقطه حتى

انا والدى لسه واصل الساعه 8 من المنصوره وهو على الطريق من الساعه 3 ونص وكل ده علشان البهوات واخدين الطريق اتاوه

المشاركة الأصلية كتبت بواسطة ahmed0nouh

تلاقى الواحد من دول بيعدى الشارع بموتوسيكل بالعرض او بيعدى وهو بيكلم حد جنبه او مثلا حاجه وقعت منه يقف يجيبها ولا كأنه طريق بسرعه 90 كم

أى والله بيحصل
غير الحمير المتحملة والعربيات الكارو والتكاتك والجواميس وغيرها واللى بتعدى الطريق بالعرض فى أى مكان
ناهيك عن الجرارات والموتوسيكلات والميكروباصات القادمة فى المخالف واللى خايف على نفسه ياخد باله
طب والمطبات والمقبات والترلات اللى شمال على البطئ وفى اليمين صواريخ وللا وللا وللا أأأأأأأأأأأأأه يابلد

المشاركة الأصلية كتبت بواسطة أحمد كمال

يعني ايه اصطياد بالاذى؟ يعني مثلا يحدفوا طوب ؟

الحقيقة لم تتح لى الفرصة لرؤية مكان الحادث لإنى برضه لفيت ورجعت بعد ما اتلطعت أكتر من ساعة مش عارف أخرج من بنها علشان أوصل أختى وأولادها لبيتهم فى القاهرة ..
لكن قطع الطريق دايما بيصاحبه وقوف قاطعيه فى إنتظار أى مار لصب غضبهم وغبائهم عليه ولا يمكن تصور أقل من تدمير السيارة مع إحتمال ضرب مبرح أو أكثر من ذلك وطبعا سيتفرق دم المضروب بين القبائل!