بص يا سيدي انا كمان زي ما قلتلك عايز اشتري وأخلص كاش والفلوس معايا وعايز انزل اجيب في اسرع وقت ممكن
المهم انا امبارح بليل خلصت شغل 10 بليل وقلت اروح اشوف جابر عبد الشهيد في شارع السودان
المهم لقيتو قافل المهم لقيت معرض اسمو اوتو ستار فدخلت وقلتلو انا عايز اشوف السيراتو اللي عندك
المهم قالي معنديش EX وعندي SX فتحة سقف , جنوط 16 , تكييف تتش , طارة مالتي , فرامل ABS , اشارت في المرايات , الكبوت متبطن من جوا بالعازل , والجنوط 5 جنوط مش 4 جنوط ، وطارة مالتي فانكشن ، وواحد اير باج ، مفتاح ريموت كنترول وبيفتح الشنطة كمان (أصلي)
المهم قلتلو ده عاملة كام انا عايز اخلص كاش قالي هي عاملة 121000 جنيه
قلتلو هات من الاخر المهم بعد فصال سريع قالي 118.000 جنيه
وأعتقد كان ممكن افاصل كمان يعني ممكن لو واحد شاطر يوصلها لي 117.000 جنيه بس من غير ضمان وقالي ممكن تدخلها ضمان مع شركة اسمها (Triple A) وقالي تقريبا السنة او 20000 كيلومتر بتعمل 1450 جنيه
المهم انتوا ايه رأيكم في الكلام ده والعربية خليجي بالمناسبة
وأنا حاسس ان التجار مش لاقيين حد وبجد في كساد وخصوصا الموضوع لو معاك كاش وهتخلص معاه علطول
انا عايز خبراء المنتدى يردوا
وشكرا
المفضلات