الموضوع: أسعار لانسر 2010 الوكيل (مصرية)

استاذنا المبجل طارق ...... خالص شكرى العميق لسعة صدرك ومعلوماتك القيمة التى بجد توضح لنا اشياء هامة جدااااا حيث اننى معى سيارة لانسر2009اوتوماتيك1600كلاسيك وكيل وليس خليجى وحاولت امبارح ان اذهب لبعض التجار لمعرفة سعرها حيث انى افكر فى بيعها لانى محتاج مبلغ مالى وطبعا التجار اللى معندهمش ضمير بينزلو سعرها الارض الللا يقولك 90 واللى يقولك85 مع العلم انها فابريكة تماماااااااولكن العداد عالى شويا47000 (من11/2008)ودا لانى اجرتهلمدة 3 شهور لمصنع بالعاشر من رمضان المهم ان بعد معلومة حضرتك بالاسعار الجديدة اناغيرت رايى فى البيع الحالى وسوف انتظر فجزاك الله خيرا-وربنا يسامح كلمن بيسرق وبيستحل فلوس الناس اللى بيطلع عنها عشان نفسها تركب عربية تحافظ على ادميتها من بهدلة المواصلات-والله الموفق.



( اة يا بلد ....بتبهدلى فينا وبرضو بنحبك بصبر وجلد)

دى انا كنت مستكتر 105 على المانيوال 1600 تبقى ب110
طيب حتى كانوا غيروا فى الشكل
العربيه دى بتنهى نفسها بنفسها

شكرا للمهندس طارق على كل المجهودات دى , راجل بيحب يخدم ببلاش فعلا مع انى عمرى ما قابلته و لا اتعملت معاه بس واضح من كل اللى بيعمله اد ايه هو انسان محترم.

بالنسبة للسعر الجديد فانا رايى ببساطة انها خدعة علشان يعرف يبيع 2009 اللى عنده لان الوكيل مفروض يكون مخلص 2009 و منزل 2010 قبل اكتوبر و احنا فى ديسمبر و كان اسبوع هنبقى فى سنة 2010 و التوكيل لسه عنده موديل 2009 .
فى رايى (من الانتشار طبعا ) ان اللانسر البومة خلاص راحت عليها بسبب عربيات تانية نزلت تنافسها فرفع السعر دا حركة علشان يخلص من 2009 بعدين ينزل سعرها لان فى خليجى منها فبالتالى ميقدرش يرفع سعرها لان الناس هتشترى الخليجى , يعنى من الاخر انا اتوقع انه هينزل السعر تانى بعد ما يخلص من 2009 , اصله مش معقول متوقع يبيع لانسر 1600 مانيوال ب 110 الف الشكل القديم , يعنى اغلى من sx4 و لا تيدا اوتوماتيك بلاش السيراتو و لا الالنترا علشان حبايبنا بتوع اليابانى مش هيرجع تانى