أسعار لانسر 2010 الوكيل (مصرية)

**msds_eg** · 03-12-2009 10:27 PM

السعر مبالغ فيه بشكل غير طبيعي

وياترى ينفع نشتكي الوكيل للشركه الام في اليابان

ياريت يا جماعه نعمل حمله ونبدأها من هنا للاحتجاج على سياسه الوكيل وياريت مراسله الشركه الام والاحتجاج على السياسه التسعيريه للوكيل

**sakrquraish** · 03-12-2009 10:56 PM

انا معاكم

**barrii** · 04-12-2009 05:40 AM

السعر مبالغ على هذه السياره جدا جدا جدا
وبعدين الفتيس دا ممكن يبقى فيه مشكله ذى بتاع التيوتا لازم يتجرب الاول و نشوف الخليجى نازل بيه ولا لأ نستنى حد يدفع المبلغ ده و يقول رأيه

**مصراوي جدا** · 04-12-2009 10:16 AM

الخليجي نزل به بالفعل لأن الخليجي وصل مصر واتباع قبل المصري اللي لسه في الجمرك وهيخرج بكره باذن الله

الفتيس ده غير فتيس التويوتا اللي الناس اشتكت منه لأن فتيس التويوتا فتيس مانوال أوتوماتيك وهو مثل الموجود في الميتسوبيشي كولت المصنعة في أوروبا ومثل فتيس الايزي ترونيك في الأوبل الجديدة هو فتيس مانوال ولكن بدون دبرياج وبالتالي بتشعر بالنقل بوضوح جدا

اما فتيس البومة الجديد فهو مثل الموجود في الباجيرو وهو اوتوماتيك مانوال يعني اوتوماتيك به اضافة في برنامج الكمبيوتر ليمنع النقل للسرعة الأعلى الا عند الطلب (في حالة الانتقال الى الزائد والناقص) انما هو فتيس اوتوماتيك عادي

**ahmed-moga** · 04-12-2009 06:56 PM

طب ياجماعة الأسعار الجديدة بتاعة 2010 هاترفع اسعار المستعمل في الموديلات الأقل يعني في 2008 و2007 يعني انا عندي بومة 1300 اتوماتك موديل 2008 وعاملة 15500 كيلو فابريكة برة وجوة تتباع بكام دلوقتي في ظل الأرتفاع الجامد دة لسعر السيارات اللانسر 2010

**KSA2011** · 04-12-2009 07:08 PM

الفتيس ده عامل زى فتيس المازدا 3 و ناعم جداا وسواقته زى سواقة الاوتوماتيك
وطبعا اكيد سعر المستعمل هيزيد بعد زياده اسعار الجديد

**ahmed-moga** · 04-12-2009 11:29 PM

المشاركة الأصلية كتبت بواسطة osamaos20022

الخلاف في الراي لا يفسد للود قضيه
التوكيل مستغل فرصه تقافه التقليد عن بعض المستهلكين المصريين
البومه في راي الشخصي احد اسؤا ما انتجته اليابان في العشر سنوات الاخيره
ممكن اعرف يتقال ايه عن الي يشتري 1300 مانيوال ب 100 الف
انا مش هقول شوف الكوري بكام خلينا في الياباني الياريس فول اوبشن اتوماتيك بكام.؟
السريون 1300 ولا حتي 1500
الصني السوبر صالون

ولا 1600 ب 110 مانيوال ضحكت قوي لما شوف السعر دنا زعلت من واحد اشترها 95 زيرو في 2007
علي العموم الالنترا كانت خدت جزء من مبيعات البومه في 2008
وجائت السيراتو في 2009 لتسحب البساط بالكامل من البومه والشارك وحتي الالنترا
والتوكيل لو جاب كميه هيبعيع فيها لحد 2012 ان شاء الله
لابد من توعيه المصريين يعني ايه مازدا وهوندا وسوباروا بالنسبه الي من يهوي الياباني
وللعلو وصلت مصر النيو ريو ب 83 الف 1400 وسلملي علي البومه

فعلا كلام حضرتك صح جدا جدا وانت متفق معاك في الرآي ولازم التوكيل ينزل في الأسعار وألا مش هايتباع منها الا نادر وأنا من رآي انهم يلغوا استيراد 1300 الأتوماتيك لأنها ضعيفة ومش عملية وساعة الجد مش هاتسعفك وبعدين استهلاكها في البنزين مش قليل زي الناس ماهيا فاكرة الفرق بينها وبين 1600 في استهلاك البنزين مش كبير اعتقد لو اتوقف انتاج الموديل 1300 الأتوماتك احسن وبتمن تكلفة السيارة 1300 الأتوماتك علي الشركة ينزلوا من سعر بقية الموديلات اية رأيكم