أسعار لانسر 2010 الوكيل (مصرية)

**zizoyouo** · 06-12-2009 01:05 AM

ليه الاسعار دي ده تهريج بجد اذا كان اللانسر الشارك الخليجي بيبداء الاوتوماتيك فيها من 109000 والهاي لاين 136000 وكمان بالضمان ده غير انها فيها كماليات اكتر

**DeMhA** · 06-12-2009 02:00 AM

على ما اعتقد انى المشكلة مش فى متسوبيشى نفسها او لانسر بحد ذاتها

اعتقد المشكلة فى الوكيل المصرى نفسه او الشركة اللى بتستورد اللانسر

لأنى المتسوبيشى لانسر فى باقى الدول ارخص سعرا مقارنة باقى الانواع من فئتها

على ما اتذكر بـ40 الف درهم أو 45 يعنى لو ضربنا فى 2 علشان قانون الجمارك يبقى بـ 80 ألف جنييييييه شوووفتوا الفرق واللى مش مصدق يسأل أى حد يعرفه عايش فى دبى خليه يسألوا على السعر ؟؟!!

**DeMhA** · 06-12-2009 02:08 AM

المشاركة الأصلية كتبت بواسطة msds_eg

السعر مبالغ فيه بشكل غير طبيعي

وياترى ينفع نشتكي الوكيل للشركه الام في اليابان

ياريت يا جماعه نعمل حمله ونبدأها من هنا للاحتجاج على سياسه الوكيل وياريت مراسله الشركه الام والاحتجاج على السياسه التسعيريه للوكيل

أنا اتفق معاااااااااااااااك فى النقطة دى لازم نعمل حملة احتجاجية على الوكيل

دا كفاية مركز الصيانة الردىء آسف على الكلمة اللى من عصر ما اكتشفوا حاجة اسمها عربية

مش شايفيين باقى مراكز صيانة الشركات التانية والله عييييييب شركة زى متسوبيشى اسف على اللى هقولوا تختار وكيل زى دا سيء فى معاملته

والتسعييييير المبالغ فيييييييه دااااا والاستغلاااااااااال هيسوء سمعة الشركة الام بجد فى مصر

لازم يبقى فييييييييه وقفة احتجاجية ونجيب ايميل للشركة ونبعتلها اعتراضنا على الوكيل المصرى

**محمد ابراهيم 1** · 06-12-2009 02:58 AM

أعتقد إن السعر حينزل بعد بيع مخزون ال 2009 لأنه مش منطقى خالص

**DeMhA** · 06-12-2009 03:03 AM

هو غبووووووور معاه توكيل متسوبيشى ؟؟؟

لأن موجود ضمن قايمة وكلاء الشركة فى مصر هو ومصرية و شركة تانية اسمها jak pic تقريبا

فلو دا صحيح منزل العربية بكاااااااااام ولو برده معاه التوكييييييل محدش يعرف ايه نظام الصيانة عنده ؟؟؟

**mada121977** · 06-12-2009 10:12 AM

المشاركة الأصلية كتبت بواسطة demha

هو غبووووووور معاه توكيل متسوبيشى ؟؟؟

لأن موجود ضمن قايمة وكلاء الشركة فى مصر هو ومصرية و شركة تانية اسمها jak pic تقريبا

فلو دا صحيح منزل العربية بكاااااااااام ولو برده معاه التوكييييييل محدش يعرف ايه نظام الصيانة عنده ؟؟؟

غبور معاه توكيل عربيات المتسوبيشى ال 3\4 نقل والنقل

**مصراوي جدا** · 06-12-2009 11:38 AM

المشاركة الأصلية كتبت بواسطة demha

على ما اعتقد انى المشكلة مش فى متسوبيشى نفسها او لانسر بحد ذاتها

اعتقد المشكلة فى الوكيل المصرى نفسه او الشركة اللى بتستورد اللانسر

لأنى المتسوبيشى لانسر فى باقى الدول ارخص سعرا مقارنة باقى الانواع من فئتها

على ما اتذكر بـ40 الف درهم أو 45 يعنى لو ضربنا فى 2 علشان قانون الجمارك يبقى بـ 80 ألف جنييييييه شوووفتوا الفرق واللى مش مصدق يسأل أى حد يعرفه عايش فى دبى خليه يسألوا على السعر ؟؟!!

ما هو 45000 درهم × 1.5 = 67500 جنيه
صافي الجمارك والضرائب على المحركات 1600 فأقل حوالي 65% (فيه مواضيع في المنتدى العام شرحت الموضوع ده) = 43875 جنيه
يعني سعر العربية = 111375 جنيه مش 80ألف

المشاركة الأصلية كتبت بواسطة demha

هو غبووووووور معاه توكيل متسوبيشى ؟؟؟

لأن موجود ضمن قايمة وكلاء الشركة فى مصر هو ومصرية و شركة تانية اسمها jak pic تقريبا

فلو دا صحيح منزل العربية بكاااااااااام ولو برده معاه التوكييييييل محدش يعرف ايه نظام الصيانة عنده ؟؟؟

مصرية وكلاء سيارات الركوب (لانسر - لانسر ex - كولت - جالنت - باجيرو - اوتلاندر - جرانديز - ناتيفا)

شركة جاك كانت بتجمع النصف نقل l200 في مصر حتى 2006 ثم توقفت والآن مصرية وكلاء النصف نقل l200 بأنواعه من كابينة واحدة الى سبورتيرو (صناعة تايلندي) الى جانب الميكروباص l300

غبور وكيل الشاسيه الطويل والميني باص والنقل التقيل والباصات (معظمها تحول اسمه من شركة ميتسوبيشي الى شركة فوزو fuso وهي شركة تابعة لميتسوبيشي)

**DeMhA** · 06-12-2009 02:03 PM

المشاركة الأصلية كتبت بواسطة مصراوي جدا

ما هو 45000 درهم × 1.5 = 67500 جنيه
صافي الجمارك والضرائب على المحركات 1600 فأقل حوالي 65% (فيه مواضيع في المنتدى العام شرحت الموضوع ده) = 43875 جنيه
يعني سعر العربية = 111375 جنيه مش 80ألف

مصرية وكلاء سيارات الركوب (لانسر - لانسر ex - كولت - جالنت - باجيرو - اوتلاندر - جرانديز - ناتيفا)

شركة جاك كانت بتجمع النصف نقل l200 في مصر حتى 2006 ثم توقفت والآن مصرية وكلاء النصف نقل l200 بأنواعه من كابينة واحدة الى سبورتيرو (صناعة تايلندي) الى جانب الميكروباص l300

غبور وكيل الشاسيه الطويل والميني باص والنقل التقيل والباصات (معظمها تحول اسمه من شركة ميتسوبيشي الى شركة فوزو fuso وهي شركة تابعة لميتسوبيشي)

شكرا للافادة يا بشمهندس

**Dr.SherifMansy** · 06-12-2009 02:31 PM

أنا لى رأى شخصى يمكن ناس تزعل منى لما اقوله بس انا للأسف مقتنع به..

أسوا تاجر هو التاجر المصرى ... بيبص تحت رجله و يمكن وراها كمان .. عايز يبيع بأغلى سعر حتى لو السلعة لا تستحقه ، و بدون تعب ، و مش بيفكر فى ما بعد البيع ... حتى لو هايخسر زبونه بعد كده ، المهم المكسب دلوقت و بس ...

يمكن لما الباشمهندس طارق قال على التغيير فى فتيس اللانسر كنت ناقشت سيادته فى ان الفتيس ده موجود بره من زمان ، و سعادته بكرمه المعتاد و اسلوبه الرائع وضح لى انه موجود بره فى اوروبا و امريكا مش فى الشرق الأوسط ...

و لكن لما ينزل عندنا (مع انى بافضل ال CVT اكتر) و يزيد السعر بالشكل الفظيع ده ... مع ان فى الخليج مافيش زيادة ، و لما تزيد ال 1300 اللى مافيهاش تغيير بالمرة عن 2009 او 2008 الخ ... يبقى ليييييه ؟؟؟

لما العربيات ارتفع سعرها فى 2008 حوالى 6000 جنيه قالوا علشان الين ارتفع ، و دلوقت لما الين نزل بقى علشان الدولار ارتفع ... هو الوكيل عليه ندر انه لازم يشترى بالعملة الأغلى فى السوق ؟؟؟ ولا كنا بنجيب اللانسر من اليابان و دلوقت من امريكا ؟؟؟

الموضوع هو المسلسل الممل بتاع جشع التاجر ... انا فاكر واحد زميلنا اشترى كورولا قبل تخفيض الجمارك ب 109000 و بعد التخفيض واحد تانى اشتراها ب 114000 و هى نفس العربية و الكماليات ..

الموضوع انهم بيلبسوا طاقية ده لده ، و الحجج دايما موجودة ..

لما سوق العربيات انهار اول 2009 و العالم كله الأسعار نزلت فيه و قللوا الانتاج احنا رفعنا السعر هنا بحجة ان العربيات اللى بتيجى من بره قلت و الطلب لسه زيادة ... الين على يبقى العربيات تغلى .. الين نزل و الدولار على يبقى العربيات تغلى ... مش بعيد ان لو التين الشوكى سعره ارتفع العربيات تغلى برضه ... ماهى سبوبة ... و مادام فيه اللى بيشترى يبقى ارفع السعر و اللى مش عاجبه عنده 4 حيطان ...

عزيزى المهندس طارق ... طبعا لك كل الشكر على وضع الأسعار الجديدة و اخبارنا بها قبل الغير ... و طبعا موقفك المتفهم ده مش غريب على واحد بذوق و اخلاق حضرتك ...

و طبعا لازم ااكد و اقول ان اى نقد حضرتك مش مقصود به بالمرة لا من قريب ولا من بعيد ... ده للوكيل فى مصر ..

و لكن اللى نقدر نوجهه لسعادتك هو كل الحب و الشكر و التقدير على مجهودك معانا فى المنتدى و خارجه ..

الواحد بس صعبان عليه ان عربية زى ميتسوبيشى سوقها يقل بسبب جشع التجار ...

و اهى فرصة لأنواع تانية تشم نفسها و ترفع راسها بعد كبس اللانسر على نفسهم السنين الماضية .. و اهى عجلة .. النهاردة فوق ... بكره تحت ...

على فكرة ... انا عاشق للانسر من 1994 حتى الآن

و تحياتى

الموضوع: أسعار لانسر 2010 الوكيل (مصرية)

LinkBack

أدوات الموضوع

عرض

-

-

-

-

-

-

-

المواضيع المتشابهه

اعرف منين اذا كانت السيارة تبع الوكيل(مصرية)ام خليجي(كويتي-اردني-سعودي...)

خصم على الصيانة من شركة مصرية (الوكيل السابق) لأعضاء نايل موتورز

موقع الوكيل (مصرية ) الجديد على النت

أحدث أسعار للوكيل (مصرية) - أغسطس 2009

أسعار الصيانات في التوكيل (مصرية) وأعمال كل صيانة

الكلمات الدلالية لهذا الموضوع

المفضلات

المفضلات

ضوابط المشاركة