عضو جديد معاكم واشتريت عربية لانوس وعندى شويه اسئلة

**Nader_Mohamed** · 03-12-2009 01:34 AM

السلام عليكم وكل سنة وانتم طيبين

انا عضو جديد معاكم ودخلت المنتدى اول ما اشتريت العربية وقريت فى مواضيع كتير والحمد لله استفدت اوى من مشاركات الاعضاء هنا بجد كلها تفاعل.

الحمد لله اشتريت عربية دايو لانوس 1 موديل سنة 2000 من واحد معرفة بس هى غالية شوية علشان الحالة بس مش مشكلة.

العربية عملت 21 الف كليو فى 10 سنين بس هو كل الى يشوف كدة بيستغرب جدا ويقول العداد ملعوب بس العربية واضح عليها من حلتها وهو دة الى حببنى فيها المهم العربية طبعا 10 سنين ممشيتش تقريبا اكيد فى حاجات ممكن تكون اتأثرت بالركنة انا رحت غيرت السيور والمكانيكى قلى سلك البوجيهات عايز يتغير علشان مملح وغيرتو السلك القدم كان علية علامة دايو يعنى متغيرش قبل كدة.

المهم انا الى عايز اعرفو دلوقتى اية الى ممكن اشيك علية علشان اطمن ان مفيش حاجة اتأثرت من الوقفة الكبيرة دى للعربية.

وكمان انا غيرت زيت الباكم لما المكانيكنى قلى انو مش كويس بس حسيت ان الفرامل مش بقت زى الاول ومشوار الدواسة بقى طويل برغم ان التيل كان جاب اخرو وغيرتو هو كمان.

والحمد لله بعد ما جبت العربية بكام يوم خبطت فى ميكرباص جبلى بابين السواق فعايز اعرف مين ممكن يرد البابين دول على البارد خصوصا ان العربية فبريكة من برة وسمعت ان ممكن طبة الباب تتغير هل الكلام دة صحيح ؟

معلش طولت عليكم ومتشكر جدااا واسف على الاخطاء الاملائية ان وجدت

Nader Mohmed

**zocor742** · 03-12-2009 05:35 AM

الاول كل سنة وحضرتك طيب والف مبروك على العربية وربنا يباركلك فيها ويملاها بركة
بص ياباشا بما ان العربية كانت واقفة فترة يبقى تشيك على اى حاجة كاوتش فى العربية جلب وكاوتشات وكدة عشان ممكن تكون الجلب فى العفشة نشفت وتلاقى العفشة مش مظبوطة معاك وهيا كلها شوية جلب عايزة تتغير نشفت من واقفة العربية انا واجهنى الموضوع دة فى جلب العفشة اول ما اشتريت العربية وغيرتهم وكانت العفشة نشفة زيادة عن اللزوم وكاوتش العربية حسيت انة شقق من الوقفة وغيرتة يعنى شوية صيانات بجانب تغيير السيور والفلاتر والزيوت والكلام الاهم دة

**Nader_Mohamed** · 03-12-2009 08:18 AM

المشاركة الأصلية كتبت بواسطة zocor742

الاول كل سنة وحضرتك طيب والف مبروك على العربية وربنا يباركلك فيها ويملاها بركة
بص ياباشا بما ان العربية كانت واقفة فترة يبقى تشيك على اى حاجة كاوتش فى العربية جلب وكاوتشات وكدة عشان ممكن تكون الجلب فى العفشة نشفت وتلاقى العفشة مش مظبوطة معاك وهيا كلها شوية جلب عايزة تتغير نشفت من واقفة العربية انا واجهنى الموضوع دة فى جلب العفشة اول ما اشتريت العربية وغيرتهم وكانت العفشة نشفة زيادة عن اللزوم وكاوتش العربية حسيت انة شقق من الوقفة وغيرتة يعنى شوية صيانات بجانب تغيير السيور والفلاتر والزيوت والكلام الاهم دة

متشكر اوى على الرد حشوف عفشجى كويس يبص على العفشة وحراجع على كل الخراطيم يمكن تكون فيهم حاجة مششقة زى ما انت قلت.

وعندى سؤال تانى هل اغير زيت الفتيس ولا لا بما انو بقالو 10 سنين ولا دة ميأثرش.

**MMamdouh** · 03-12-2009 12:31 PM

اساسى لازم تكون غيرت سير الكاتينة لانة اكيد نشف و ممكن يتقطع

كاوتش العربية بالكامل لازم يتغير

زيت الموتور و زيت الباكم لازم يتغيروا... و بما انك غيرت زيت الباكم و حسيت بزيادة مشوار الدواسة فا دة محتاج انك تاخد هوا من الفرامل بس لما تمشى بالعربية يوم او اتنين كدة

طبعا البوجيهات لازم تتغير و مية التبريد كمان

MMamdouh

**MMamdouh** · 06-12-2009 11:31 AM

مش عارف بصراحة... زيت الفتيس مش بيتعرض لنفس ظروف التشغيل بتاعت زيت المكنة فا بيعيش اكتر بكتير و هو اصلا مشتغلش كتير

بس خللينا منبوظش الطبخة عشان بقرش ملح زى ما بيقولوا... غيرة احتياطى عشان تبقى متطمن... الحكاية كلها 2 لتر زيت فتيس W90 ب 20 جنية و عليهم جوان كارتيرة فتيس ب 10 جنية و شكرا

MMamdouh

**osama_ruan** · 06-12-2009 09:59 PM

الف مبروك يا باشا ربنا يكفيك شرها نصيحة تغير طقم الكاوتش في العربية وناتخليش شكلو الكويس يخدعك وبرضو تغير كاوتش العافشة وكل سوائل العربية مية وزيوت وربنا يملاهالك بركة

**hosamdaewoo** · 07-12-2009 06:19 PM

راجع على خراطيم المية
راجع على الضفيرة لو كانت بتتركن فى الشمس

**Nader_Mohamed** · 09-12-2009 06:16 AM

المشاركة الأصلية كتبت بواسطة mmamdouh

مش عارف بصراحة... زيت الفتيس مش بيتعرض لنفس ظروف التشغيل بتاعت زيت المكنة فا بيعيش اكتر بكتير و هو اصلا مشتغلش كتير

بس خللينا منبوظش الطبخة عشان بقرش ملح زى ما بيقولوا... غيرة احتياطى عشان تبقى متطمن... الحكاية كلها 2 لتر زيت فتيس w90 ب 20 جنية و عليهم جوان كارتيرة فتيس ب 10 جنية و شكرا

mmamdouh

محمد باشا متشكر اوى على تعبك معايا انا فعلا نويت اغيرو وحغير كمان الجوان بالمرة ومتشكر اوى اوى على ردك عليا.

المشاركة الأصلية كتبت بواسطة mohamedrabia

تغير طقم السيرفيس كله سيور وتشيك علي الطنابير وكمان تربط عفشة وتشيك علي الجلب وتحاول تظبط الفرامل لان الدايو معروفه بفراملها وربنا يكرمك وبخصوص الخبط في الباب مش بيعيب السيارة لو فبريكة

انا غيرت طقم السيرفس كلو فعلا ناقص بس تزبيط الفرامل دة لانى بصراحة مش عارف اعملها اية. ومتشكر على الرد

المشاركة الأصلية كتبت بواسطة osama_ruan

الف مبروك يا باشا ربنا يكفيك شرها نصيحة تغير طقم الكاوتش في العربية وناتخليش شكلو الكويس يخدعك وبرضو تغير كاوتش العافشة وكل سوائل العربية مية وزيوت وربنا يملاهالك بركة

الكوتش هانكوك شكلو لسة جديد ومشتغلش كتير بس ححاول اشوف حد يبصلى علية . وشكرا للمشاركة

المشاركة الأصلية كتبت بواسطة hosamdaewoo

راجع على خراطيم المية
راجع على الضفيرة لو كانت بتتركن فى الشمس

الحمد لله العربية كانت مركونة فى جارج.

الموضوع: عضو جديد معاكم واشتريت عربية لانوس وعندى شويه اسئلة

LinkBack

أدوات الموضوع

عرض

-

-

-

المواضيع المتشابهه

اشتريت a4 وعندى اسئلة

نويت اشترى مازدا وعندى شوية اسئلة

جديد فى عالم الهوندا وعندى شوية اسئلة ؟؟؟؟؟؟؟

اود شرا بريليانس fsv,وعندى اسئلة

استلمت نيسان صنى 2010 امبارح وعندى شوية اسئلة

الكلمات الدلالية لهذا الموضوع

المفضلات

المفضلات

ضوابط المشاركة