الموضوع: اللوجان احسن ولا الافيو ؟؟؟؟؟؟

المشاركة الأصلية كتبت بواسطة mohamed1979

لوجان يا باشا بدون تفكير
انا كان معايا الأفيو موديل 2007 كورى و ليست مصرى و كان فيها شويه حاجات تجننك
صوت بالعفشه تزين فى المطبات ده غي ارتفاع الأر بى ام بدون سبب
و قررت انى اجيب اللوجان و الحمد لله فاقت كل توقعاتى
و كفايه ان الهاف اوبشن فى اللوجان زى الكامله فى الأفيو فى الكمليات و ارخص ب 10000 جنيه عن الأفيو

رد ابلغ و قاطع

لوجان طبع بلا منافس ... بسم الله ما شاء الله ربنا يحفظها لنا

المشاركة الأصلية كتبت بواسطة احمد عزت

بص يا باشا انت بتشترى عربية بفلوس كتير مش شوية وانا كنت فى نفس حيرتك وقلبت السق كلة
وبدأت من اول الماروتى وفضلت الناس تقولى زود شوية وهات كذا .....لحد ما وصلت للباسات
وفى الاخر اشتريت هيونداى اكسنت بعد التخفيض الجديد ب 76 الف مش هقولك انها حلوة او احسن او كدة .......
بس هقولك كام حاجة تاخد بالك منهم كويس
1: الفتايين فى مصر كتير بيشجعوا واحنا معاهم
2: اللوجان اللى بيتكلموا عليها دة ومع احترامى ليها حلوة كانت ام سيئة فهى فى الاخر سيارة داتشيا بعلامة رينو وتقفيل مغربى وعلابية لو انت شايف ان سعرها رخيص على كماليات كتير فكماليتها دة اساسا ليست على جودة كما تظن كأنك جايب عربية 128 ومركبلها كماليات فى الحرفيين ناهيك عن الشكل السئ ومحدش يقولى اذواق ....اذواق اة بس العربية شكلها وحش جدا جدا وبلاش يا جماعة نضحك على نفسنا مش عيب اننا نقول ان دة شكلة حلو او ان دة شكلة وحش......والناس اللى بتقول ان توكيل كيا ورينو واخوة نصير انهم كويسين .....انا معاهم انهم كويسين بس غالييين جدا بالذات فى رينو وكمان الكيا قطع غيارها غالية جدا بالنسبة لولاد عمهم غبور هوة يمكن غبور غلس فى التعامل بس بسبب ضغط العربيات الكتيرة علية كفاية علية الفيرنا .....فما تقولش عن توكيل حلو وكويس وهوة بيدفعك صيانة ممكن تكون عادية بس بيمص دمك فى اسعار قطع الغيار
وبعدين اشمعنا طلعتم القطط الفطسانة فى متور الافيو وانة قديم وانة وانة
ما هو موتور اللوجان نفس القصة كامة واحدة و8 صمامات وافتح الكابوت وهتعرف
وماتفرحش بس بازاز كهربا فى اماكن غريبة وان العربية فيها اير باج وان العربية ثابتة وان واحد يقولك ان العربية دة ثباتها مش عارف ازاى والكلام دة ......اغلب الكلام كلة دعاية وضلالات الا من رحم ربى......
3:الساجا اللى الناس طلعا بيها السما دة مش عارف على اة ويقولك سمعة بروتون وكلام كدة اساسا كلة ملوش اساسا من الصحة....يا باشا توكيل عز العرب دة اساسا من اغلى التوكيلات فى مصر وقطع غيارة غالية جدا واللى هتوفرة فى العربية هتدفعة قطع غيار وكمان سعر البيع مش مضمون

4:انت عايش فى مصر وبتركب عربيات فى مصر واللى بتتعامل معاهم فى قطع الغيار والصيانة واعادة البيع مصريين .......فبلاش ان اللى تغير الواقع وتندم .....خلى الفتايين همة اللى يغيروة....واستخير قبل الشراء

يعنى مع احترامى لحضرتك من حوالى 10 ايام عامل موضوع وبتطلب مساعدة الناس فى الموضوع ده http://www.nilemotors.net/Nile/116380-a.html


فحضرتك بعد كام يوم داخل تقذف الناس بالباطل وتقول خد بالك من الى بيفتوا عشان كل الناس كده الا من رحم ربى وكل واحد يعتبر نفسه أن الكلام مش عليه وأنه من أن ربنا رحمهم
والمفروض كمان نقول ده رغم أنك داخل الموضوع وبيقول على عكس كل الى دخلوا - وده من حقك طبعا - أن اللوجان وحشه وزى ال 128 وبعدين بيقول بلاش الناس تفتى -ده بقى الى مش من حقك -
والمفروض أن احنا نفهم من كده طبعا أن حضرتك بتقصد ناس تانية مش احنا
عشان أنت مقلوتش بصورة مباشره أنتم فاتيين لا ده حضرتك بتتكلم عن الى خالفك فى الرأى بس مش احنا خالص

وخليت نفسك قاضى الاذواق فى مصر والعالم وحكمت أن اللوجان شكلها وحش جدا جدا وبعد كده صادرت على كل الاراء وفيما معناه محدش يتكلم ولا كلمة خلاص الحكم صدر اللوجان وحشه يعنى وحشه وبتقول "ومحدش يقولى اذواق "

لا يا سيدى أنا هقول اذواق واذواق واذواق

وناس كتير بيقولوا على شكل الاكسنت وحش - أنا عن نفسى شكلها عاجبنى - بس ما ينفعش اقول حلو وكله يسكت واقول محدش يقول اذواق

وبعدين موضوع رينو داشيا ورومانيا ده موضوع بقى قديم خالص واترد عليه 3598458 مليون مرة ورينو مش مصنع تحت السلم عشان يحط اسمه على اى حاجة عشان خاطر الحبايب ولا عشان خاطر عربية فى حاجة اسمها شركات متعددة الجنسيات وانشاء مصانع عشان التكلفة بتاعة العمالة والمواد الخام والقرب من الاسواق والعربية الى بتتصنع فى رومانيا بتتصدر تانى لفرنسا والمانيا وبصفه عامة اللوجان موجوده فى 55 دوله حول العالم ومليون سيارة و5 مصانع منهم صوماكا فى المغرب وداشيا فى رومانيا وبتنزل باسم نيسان ابريو كمان يعنى الموضوع مش تهريج زى ما حضرتك فاكر وموضوع نضحك على الناس ونحط اسم على العربية

وحضرتك واضح أنك رأيك عن العربية اللوجان غلط ومش عن تجربة شخصية ولا عن سؤال الى مجربنها

وادى الى جربوها

http://www.nilemotors.net/Nile/102791-a.html

أمال بنيت رأيك علي أى اساس يعنى أنا معايا العربية ومعظم الى ردوا معاهم العربية يعنى مفيش حد بيفتى فينا

وده Yoka احد ملاك الافيو واخرين في الافيو واخر موضوع كان الناس بتبارك له على بيع الافيو

http://www.nilemotors.net/Nile/10280...help-me-3.html

اسعار قطع غيار رينو فى التوكيل بالمقارنة باللانسر وحضرتك ممكن تشيل اللانسر عشان مش نفس الفئة وتحط اى حاجة تانية وتقارن بيها

لوجان / لانسر
البوجيهات 75/80 جنيه
فلتر زيت 30/42
فلتر هواء 60/160
فلتر بنزين 50/400 مع ملاحظة أن فلتر بنزين لانسر مختلف لانه بيركب جوه التانك
تيل فرامل امامى 220/300
فانوس امامى 530/990
فانوس خلفى 210/900
طقة كاتينة 550/850
اكصدام امامى 1165/1800
اكصدام خلفى 1050/ 1440

اسعار صيانة لوجان فى التوكيل شامله تغيير زيت تخليقى بحوالى 300 جنيه
http://www.nilemotors.net/Nile/71256-a.html

فين مص الدم بقى

حضرتك بقى قرر بناء على الكلام ده مين الى بيفتى ؟؟؟؟؟؟؟

بسم الله الرحمن الرحيم
" أتأمرون الناس بالبر وتنسون انفسكم "سورة البقرة (44)

بالنسبة للكلام الى على ساجا اكيد فى ناس فى قسم برتون هتخش تقول لحضرتك