الموضوع: اللوجان احسن ولا الافيو ؟؟؟؟؟؟

المشاركة الأصلية كتبت بواسطة zkralla

يعنى مع احترامى لحضرتك من حوالى 10 ايام عامل موضوع وبتطلب مساعدة الناس فى الموضوع ده http://www.nilemotors.net/nile/116380-a.html


فحضرتك بعد كام يوم داخل تقذف الناس بالباطل وتقول خد بالك من الى بيفتوا عشان كل الناس كده الا من رحم ربى وكل واحد يعتبر نفسه أن الكلام مش عليه وأنه من أن ربنا رحمهم
والمفروض كمان نقول ده رغم أنك داخل الموضوع وبيقول على عكس كل الى دخلوا - وده من حقك طبعا - أن اللوجان وحشه وزى ال 128 وبعدين بيقول بلاش الناس تفتى -ده بقى الى مش من حقك -
والمفروض أن احنا نفهم من كده طبعا أن حضرتك بتقصد ناس تانية مش احنا
عشان أنت مقلوتش بصورة مباشره أنتم فاتيين لا ده حضرتك بتتكلم عن الى خالفك فى الرأى بس مش احنا خالص

وخليت نفسك قاضى الاذواق فى مصر والعالم وحكمت أن اللوجان شكلها وحش جدا جدا وبعد كده صادرت على كل الاراء وفيما معناه محدش يتكلم ولا كلمة خلاص الحكم صدر اللوجان وحشه يعنى وحشه وبتقول "ومحدش يقولى اذواق "

لا يا سيدى أنا هقول اذواق واذواق واذواق

وناس كتير بيقولوا على شكل الاكسنت وحش - أنا عن نفسى شكلها عاجبنى - بس ما ينفعش اقول حلو وكله يسكت واقول محدش يقول اذواق

وبعدين موضوع رينو داشيا ورومانيا ده موضوع بقى قديم خالص واترد عليه 3598458 مليون مرة ورينو مش مصنع تحت السلم عشان يحط اسمه على اى حاجة عشان خاطر الحبايب ولا عشان خاطر عربية فى حاجة اسمها شركات متعددة الجنسيات وانشاء مصانع عشان التكلفة بتاعة العمالة والمواد الخام والقرب من الاسواق والعربية الى بتتصنع فى رومانيا بتتصدر تانى لفرنسا والمانيا وبصفه عامة اللوجان موجوده فى 55 دوله حول العالم ومليون سيارة و5 مصانع منهم صوماكا فى المغرب وداشيا فى رومانيا وبتنزل باسم نيسان ابريو كمان يعنى الموضوع مش تهريج زى ما حضرتك فاكر وموضوع نضحك على الناس ونحط اسم على العربية

وحضرتك واضح أنك رأيك عن العربية اللوجان غلط ومش عن تجربة شخصية ولا عن سؤال الى مجربنها

وادى الى جربوها

http://www.nilemotors.net/nile/102791-a.html

أمال بنيت رأيك علي أى اساس يعنى أنا معايا العربية ومعظم الى ردوا معاهم العربية يعنى مفيش حد بيفتى فينا

وده yoka احد ملاك الافيو واخرين في الافيو واخر موضوع كان الناس بتبارك له على بيع الافيو

http://www.nilemotors.net/nile/10280...help-me-3.html

اسعار قطع غيار رينو فى التوكيل بالمقارنة باللانسر وحضرتك ممكن تشيل اللانسر عشان مش نفس الفئة وتحط اى حاجة تانية وتقارن بيها

لوجان / لانسر
البوجيهات 75/80 جنيه
فلتر زيت 30/42
فلتر هواء 60/160
فلتر بنزين 50/400 مع ملاحظة أن فلتر بنزين لانسر مختلف لانه بيركب جوه التانك
تيل فرامل امامى 220/300
فانوس امامى 530/990
فانوس خلفى 210/900
طقة كاتينة 550/850
اكصدام امامى 1165/1800
اكصدام خلفى 1050/ 1440

اسعار صيانة لوجان فى التوكيل شامله تغيير زيت تخليقى بحوالى 300 جنيه
http://www.nilemotors.net/nile/71256-a.html

فين مص الدم بقى

حضرتك بقى قرر بناء على الكلام ده مين الى بيفتى ؟؟؟؟؟؟؟

بسم الله الرحمن الرحيم
" أتأمرون الناس بالبر وتنسون انفسكم "سورة البقرة (44)

بالنسبة للكلام الى على ساجا اكيد فى ناس فى قسم برتون هتخش تقول لحضرتك

أستاااااااااااااااااذ
هوة ده الكلام

مش فاهم فى ناس منفسنة من اللوجان كدا ليه
هل لسرعة انتشارها ؟
هل لنجاحها ؟
هل عشان شكلها حلو؟ ( ايوة شكلها حلو وبدليل انى لما بمشى فى الشارع بلاقى الناس بتمشى جنبى ويقعدوا يبصوا عليها لدرجة ان فى ناس بتستنانى اول ما بركن عشان يسألونى عليها وبعدين الوحش ما بيتبصلوش ومش عشان شكلها متميز يبقا وحشة ولازم اجيب عربية شكلها عااااااادى جدا عشان الناس تقولى اه الجمال دا ولا هو اى حد يقول إيه دى شكلها وحش نمشى وراه )
هل عشان اوروبية ومصدر ثقة وداخلة اختبارات الأمان الأوروبية؟ وعلى الأقل كل دول العالم معترفة بيها مش زى عربيات تانية
ولا عشان توكيلها الناس بتشكر فيه ؟
ولا يمكن عشان حضرتك اشتريت عربية وحسيت انك دفعت فيها اكتر من اللازم وملقيتش فيها كماليات وبصيت لقيت اللوجان بسعر اقل وفيها كماليات اكتر فعاوز تقنع نفسك انك ما دفعتش فلوس على الفاضى ؟
طب وبتبصولها على انها رخيصة ليه طب ما تبصوا انها لو كانت دخلت مصر بالجمارك زى العربيات التانية وسعرها بقا فى العلالى ساعتها هتشكروا فيها ؟

كلامى مش موجه لحد بعينه ولكن حبيت اعرض رأيى فقط