الموضوع: الحمد لله اشتريت الساجا

المشاركة الأصلية كتبت بواسطة eslam_wega

انا متعود ديما انى اكون صريح واقول الحق حتى لو على نفسى
ورغم انى راكب جين 2 واعشق البروتون بس الكلام الى جاى دة لازم يتقال
التبلوة لو زى الى فى الصور يبقا ضايع وبقولها 1000 مرة تبلوة ضايع وهروح قريب ان شاء الله اتاكد انه كدا على الطبيعة ولا حاجة تانية
ثانيا الاخ صاحب الموضوع المنتدى افادك فى اية حضرتك اولا عندك 10 مشاركات ولسة جديد على الموقع مكملتش شهر وغير كدا مفيش ولا تقراير اتعمل عن الساجا من التقرير الحقيقة
مش الموصفات والكلام دة لان لو على الكلام يبقا الصينى يكسب هتلقى نفسك بتكتب صفحات بس التقرير الى انا اقصدة تقرير عن الاداء وهى دى بجد الى واحد استفاد منها واشترى العربية وهو مطمن
ثالثا التقيم بتاع حضرتك مش هيفيد اى حد بيفكر يشترى العربية انا حاسس انك بتكلام كلام اعلانات حضرتك بتقول ان العربية لسة بتلين طيب يبقا كدا مش هنقدر نكلم على المتور
طيب فين اداء الثبات وطبعا دى حاجة مهمة جدا عشان انت بتقول العربية ناعمة فى المطبات
ودى عملية طردية بين الثبات وبين المطبات
يعنى عندك مثلا الجين ما شاء الله حدث ولا حرج عن الثبات بس فى الشوراع المكسرة مش قد كدا والسبيرتو الجديدة كدا برضوا
لاكن حضرتك بتقول ان العربية ناعمة فى المطبات يبقا الثبات ضعيف او ضايع ودة يعيب العربية زى بالظبط كورلا 2004 نفس النظام
عموما قريب جدا هنعرف كلنا الحقيقة سواء كانت العربية كويسة او لا
وبقول للناس الى بتفكر تشترى اوعا تتسارع وتاخد بتقرير واحد بس او انطبع شخص فقط
لان انت مش كل يوم هتشترى عربية وبالتوفيق ان شاء الله

انا برضه متعود ديما انى اكون صريح واقول الحق حتى لو على نفسى
ورغم انى راكب جين 2 واعشق البروتون بس الكلام الى جاى دة لازم يتقال
اولا هاتلى عربيه فى الفئه السعريه دى التابلوه بتاعها ابانوس ولا جلد طبيعى وبالمناسبه هو ضايع من ناحيه ايه بالضبط ... لو من ناحيه المواد المستخدمه بيتهيألى مينفعش نحكم من الصور .. ولو من ناحيه الشكل فدى مسأله ازواق
ثانيا ايه المشكله ان الراجل بيقول انه استفاد من المنتدى ... ده كفايه مشاركات حضرتك اللى استفدت منها كتيير جدا وافادت غيرى كتيير وياما ناس من اول مشاركه بتستحوذ على اهتمام كثير من الساده الأعضاء بدليل عدد المشاهدات لهذا الموضوع الى تعدت الألفين مشاهد بالرغم ان الأستاذ ملهوش غير 10 مشاركات فقط ... ولا ايه رأيك

ثالثا الراجل معملش التقرير اللى هو كاتبه الا بعد ما الناس طلبت منه ذلك والتقرير المكتوب على حسب ما انا شايف فيه هو عباره عن خبرات حصلت معاه شخصيا ( ومن وجه نظره اللى هو مقتنع بيها)يعنى مش كلام اعلانات ولا حاجه.. وبمعنى اصح الراجل مافتاش فى حاجه معرفهاش زى قوه الموتور والثبات العالى فى الملفات وسمك الصاج ... وعامه الراجل لو غلط فى تقييمه ( من وجه نظرك) فده اولا رأيه الشخصى ... واللى يستحق الثناء عليه محاولته مساعده الناس

المشاركة الأصلية كتبت بواسطة eslam_wega

يعنى عندك مثلا الجين ما شاء الله حدث ولا حرج عن الثبات بس فى الشوراع المكسرة مش قد كدا والسبيرتو الجديدة كدا برضوا

معلومه جديده عليا بصراحه طول عمرى عارف ان السبيرتو مش ثابت خالص ده كان بيطير اول مافتح غطا الازازه (طبعا ده هزار اصل القافيه حكمت)
خلاصه الكلام احنا كلنا فى المنتدى اخوات ونتمنى العلاقه الجميله دى تفضل موجوده دايما باذن الله ... ورفقا باللى شارى عربيه جديده مش مظبوط ان احنا نديله اراء كأنه اشترى العتبه الخضرا وخاصه ان احنا لسه معندناش معلومات عن اداء السياره من ملاكها حتى الأن ....

استاذ اللو انا كده عملت اللى عليا والباقى عليك بقى ....ازاى تسكت على كلام زى ده ... انا عاوز دم فى الموضوع ده

طبعا ده برضه هزار وعامه الف مليوووون مبروك وربنا يديك خيرها ويكفيك شرها وباذن الله تستمتع بيها

هوا صحيح ان السعر الل 63 الف للبيسك والكامله اغلى من كدا ولا ايه لان دا نازل مع برشور السيارة

شكرا ليك ياباشا انا اول ما السيارة نزلت شفت التقارير والكلام دا بس شفت واحد كاتب فى منتدى اخر انه راح سال وعرف ان هينزل نص الكماليات ب 63 والجنوط وبقيه الكماليات هتغلى بس هوا عامل كدا فى الاول احد اما العربيه تنتشر وبعدين يعلو السعر ارجو التاكد من هذة الاخبار من ناس راحت التوكيل وسالت مش تقارير بس ؟؟؟؟

الأخ densfog مفيش كلام يتقال بعد اللي انت قلته

وعموماً زي مقولت قبل كده انا تليفوني كتبته في الموضوع وأي حد عايز يستفسر عن أي جزئية أقدر أفيده بيها في المرحلة دي أو حاجة مجاش في بالي اكتبها أو حتى يحب يشرفني شخصياً ويشوف العربية أنا تحت أمره

وتليفوني مرة تانية 0101696033

ربنا يوفق الجميع

المشاركة الأصلية كتبت بواسطة allo

الباور مش تقيل ولا حاجة حتى والعربية واقفة

معلش هوة حضرتك كنت راكب عربية فيها بور قبل كدة؟؟
اصل انا اخويا معا دايو اسبيرو و فيها بور بس تقسل شوية

المشاركة الأصلية كتبت بواسطة allo

تشبه تابلوه الأفيو جداً

؟؟؟ يشبية في الخمات و لا في الشكل ؟؟؟

المشاركة الأصلية كتبت بواسطة mizamega

معلش هوة حضرتك كنت راكب عربية فيها بور قبل كدة؟؟
اصل انا اخويا معا دايو اسبيرو و فيها بور بس تقسل شوية



؟؟؟ يشبية في الخمات و لا في الشكل ؟؟؟

بص هو البور مش تقيل ولا حاجة هو كويس بس مش خفيف لدرجة ان العربية تبقى سايبة مع السرعة

يعني لا خفيف ولا تقيل


بالنسبة للتابلوه هو يشبه الأفيو في الخامة والشكل وده من وجهة نظري طبعاً علشان محدش يزعل

المشاركة الأصلية كتبت بواسطة allo

بص هو البور مش تقيل ولا حاجة هو كويس بس مش خفيف لدرجة ان العربية تبقى سايبة مع السرعة

يعني لا خفيف ولا تقيل


بالنسبة للتابلوه هو يشبه الأفيو في الخامة والشكل وده من وجهة نظري طبعاً علشان محدش يزعل

شكرا جدا لاهتمام حضرتك

لو حضرتك سوقت الافيو قبل كدا
ممكن تعملنا مقرنا بين الساجا والافيو من جهة (الصوت -البور -السحب- الثبات - سعة الكنبة الخلفية - الوسع )