بص يا غالي كون التابلوه بلاستيك ده شيء معروف ومفتكرش ان أي عربية من نفس الفئة أو حتى أعلى شوية هيبقى ابنوس احنا بنتكلم على المقارنة لنفس الفئة يعني بقارن عربية في سعر 60-70 الف جنيه وتعقيبي كان على اللي بيقول ان التابلوه مش قد كده الرد انه مقارنة بنفس الفئة خامتها كويسة جداً
مقلتش انه أحسن مطلقاً زي بالظبط لما قولت مميزات قلت مقارنة بنفس الفئة السعرية (يعني لانوس -فيرنا ولوجان) وده مش معناه انا بقول مين احسن من مين يعني خامته كويسه مش معناه العربية التانية خامتها وحشة لكن لما حد يقول التابلوه خامته مش قد كده لازم يقول مقارنة بمين
ثانياً المقارنة في اي كلام بيتكتب مش مهاجمة لنوع أخر دي بس للتوضيح وبرده دي وجهة نظري الشخصية بالظبط زي ناس بتقول الصيني وحش وناس بتقول الصيني حلو وجهات نظر
ثالثاً انا ملتزم باللي بكتبه أنا ومش مسئول عن ردود الأخرين ومفيش حاجة اسمها عربية وحشة النقطة هي انا دفعت قد كده هل انا أشتريت عربية تسوى اللي دفعته ولا لأ فأرجو ان محدش ياخد الموضوع شخصي أو يتحمس لعربية أخرى
رابعاً الموضوع ده مش كاتبه خبير عالم السيارات ده كاتبه العبد لله وده مجرد توضيح لعربية جديدة لسه ناس كتير متعرفش عنها حاجة وأنا في نظري هي وسيلة وليست غاية بدليل اني مكنتش بدور على بروتون بالذات ولو قريت موضوعي هتعرف اني كنت رايح اشتري عربية تانية
وطبعاً لو لقيت عيوب أكيد هكتبها لأن دي أمانة
وأخيراً كلنا هنا اخوة وربنا يبارك فيك ويرزقنا جميعاً bmw امين
المفضلات