الموضوع: الحمد لله اشتريت الساجا

الأخ يا جماعة اللي شكلة متغاظ قوي من الساجا
جايب رابط لفيديو جايب موضوع في قسم المشاكل من موقع وبيقول ان
العربية فيها مشاكل

أولاً انا مش عارف انت ايه اللي غايظك قوي وعامل هجوم على الساجاوانت اساسا مركبتهاش

ثانياً سيادته كتب الأتي

المشاركة الأصلية كتبت بواسطة Egyzizo

على أى حال الخلاصة كانت فقرة لأخ هناك كنت سألته الساجا فى ماليزيا عاملة معاهم ايه ، فكانت إجابته كالتالى :

And to answer your questions directly about the quality of Saga BLM. So far Saga BLM in Malaysia has a number of manufacturing defects I am not gonna lie. IAFM, Window Switches and Etc. But the current batch of Saga BLM is already improved alot and im out most sure that the import quality of Saga BLM is in BETTER quality and more Reliable than the once made for Malaysia Users. (they have to, for the reputation of Proton and also Safety Qualification for Exports cars) Because your car has to pass certain test only you car can be export out to public market

يعنى هو بيقول ان فعلاً الساجا فيها مشاكل عيوب صناعة لا يستهان بها وان الشركة بتتداركها، لكنه بيتوقع ان النوعية اللى بتنزل مصر تكون أحسن من النوعية اللى بتتسوق فى ماليزيا علشان شركة بروتون تحافظ على سمعتها فى الخارج وعشان مصر مش هتسمح باستيراد سيارة من غير ما يكون فيها مواصفات كفاءة معينة ..

وأنا مش معاه طبعاً فى الجملة الأخيرة دى ..

وأخيراً ، أتمنى لكل من يبحث عن سيارة جديدة أن يوفقه الله لما يتمناه ..

طبعاً الكلام ده اتلعب في ترجمته
والترجمة الصحيحة

وإجابة أسئلتك عن جودة الساجا حتى الان كان في بعض العيوب ومش هكدب عليك زي زراير الازاز الكهربا ولكن الموديل الجديد من الساجا اتحسن كتير (يعني كان يقصد بالعيوب الموديلات القديمة لأن الساجا عربية شعبية هناك شغالة من سنين زي اللانوس هنا )
وانا متأكد تماماً ان الساجا التي تصدر أكثر جودة من اللي هنا في ماليزيا ( تمام زي الهند متعمل طراز مخصوص للتصدير من عربيتها الشعبية)علشان يحافظوا على اسم بروتون لأن العربية لازم تنجح في اختبارات معينة علشان تتصدر.
انتهت الترجمة
ملحوظة الكلام بين الأقواس ده تعليقي
طبعاً كده كلنا فهمنا سوء نية الأخ اللي بيهاجم الساجا مع اني مش شايف اي سبب لكده

ياريت يا جماعة أي حد عنده حاجة يقولها عن الساجا يقولها لما يبقى راكب العربية ويبقى بناء على الواقع مش لغرض في نفسه

ارجع أقول العربية ممتاااااااااااااااازة من الانطباع الأول كشكل وامكانيات وسعر ومتعة قيادة وكفاية كلام في الفاضي

اه قبل مانسى الموقع اللي الفيديو ده بيستند ليه وقالايه بيظهر عيوب الساجا اسمه Proton Saga BLM Club يعني نادي الساجا مش مهاجمين الساجا

والمنتدى مليان كلام وصور تخليك نفسك تركب الساجا

وطبعا في قسم للدعم والشكاوي زي اي عربية تانية
Proton Saga BLM Club - Home

المشاركة الأصلية كتبت بواسطة ahmed1981

ألف شكر على الموضوع
وعلى الصور وتعبك فيها

ما هي بلد تقفيل الساجا
ماليزيا أم الصين

العفو يا غالي

ماليزيا

المشاركة الأصلية كتبت بواسطة ahmedfathy77

يا استاذ allo سيبك من الناس اللى بتتصيد كل ما هو سىء عن العربية وما بتتكلمش عن اى حاجة كويسة على الرغم انها لا ركبتها ولا شافتها الا فى الصور وكفاية ان الموقع ده معمول لمحبى العربية و حتى لو كان من موقع مهاجم حضرتك هتلاقى مواقع كتير لكارهى عربيات تانية كتير اكبر واغلى منها .

مادام حضرتك العربية عاجباك ومقتنع بيها انسى اى حاجة تانية وانا متوقع ان الهوجة دى هتاخد شوية كده فى الاول وبعد كده العربية هى اللى هتثبت نفسها وانا متاكد ان حتى الجين 2 زمانها اتهاجمت اول ما نزلت للصبح لانها حتى الان الهجوم برضه شغال على الرغم من اثباتها نفسها بدون لا دعاية ولا دعم اعلانى

+11111111111111111111111111

انا بس لي تعليق صغير على الاخوة اللي بيبدوا رأيهم في سيارة بدون رؤيتها على ارض الواقع.. انا قبل ماشوف الساجا واقعد فيها حكمت عليها من الصور اللي اتعرضت هنا انها عربية سيئة جدا وتابلوها سيء جدا وحتى شكلها الخارجي مش قد كدة (بالاضافة لانطباعي السابق عن بروتون انها مش شركة كويسة) لكن لما شفت الساجا على الطبيعة انا انبهرت جدا وكنت مش مصدق.. الحقيقة غير الصور تماما والتقفيل والخامات كويسين جدا جدا (بالنسبة للفئة السعرية دي) وانا ابتدت صورة بروتون المنطبعة في ذهني من قديم الأزل تتغير للعكس تماما.. الشركة دي بتتقدم وبتتطور واللي مفرحني اكتر انها من بلد مسلمة (مع احترامي الكامل للديانات الأخرى).. انا اتعلمت ان عمري ما احكم على شيء الا اذا شفته بعيني ولمسته بإيدي.. وربنا يبارك للجميع في سياراتهم سواء بروتون او اي ماركة اخرى

المشاركة الأصلية كتبت بواسطة ahmedfathy77

يا استاذ allo سيبك من الناس اللى بتتصيد كل ما هو سىء عن العربية وما بتتكلمش عن اى حاجة كويسة على الرغم انها لا ركبتها ولا شافتها الا فى الصور وكفاية ان الموقع ده معمول لمحبى العربية و حتى لو كان من موقع مهاجم حضرتك هتلاقى مواقع كتير لكارهى عربيات تانية كتير اكبر واغلى منها .

كلام مظبوط والف شكر على ردك

المشاركة الأصلية كتبت بواسطة beam28

واللي مفرحني اكتر انها من بلد مسلمة (مع احترامي الكامل للديانات الأخرى).. انا اتعلمت ان عمري ما احكم على شيء الا اذا شفته بعيني ولمسته بإيدي.. وربنا يبارك للجميع في سياراتهم سواء بروتون او اي ماركة اخرى

نفس اللي بفكر بيه بالظبط والف شكر على مشاركتك

والله يبارك في كل اللي باركوا ويكرمهم جميعاً ويرزقهم بكل اللي يتمنوه من خير
وانا بعتذر ان كنت مبردش على كل اللي بيتكتب منعاً للإطالة على متصفحي الموضوع

انا النهاردة 700 كيلو بالظبط بس مشاوير في شوارع تمام قوي والعربية الحمد لله شغالة تمام
وشايلة 5 ركاب بدون مشاكل وارتفاعها في المطبات والشوارع المتكسرة حلو قوي.

بإذن الله على يوم الخميس هعمل صيانة الألف مع اني معرفش هو الواحد بيروحلها على طول ولا بيحجز . عموما هتصل اسأل