للأسف... احذروا من النيوسيراتو...!!!!

**wahid37** · 09-12-2009 09:01 PM

الف سلامه يا باشا وقدر الله وما شاء فعل...

**egynoor** · 09-12-2009 11:20 PM

طبعاً الف الف سلامة يا باشمهندس.
لكن تعال نتكلم بالراحة و بالمنطق. وقت الحوادث كل حاجة بتبقي ملخبطة و مشوشة و ماحدش ابداً بيقدر يفتكر كل حاجة بوضوح. اللي عاوز اقوله انه طبعاً مستحيييييل السيارة تتقلب 10 مرات و انت ماشي علي 100 كم!!!! صح ياشمهندس و لا ايه؟؟؟ يعني أنا أفترض انك كنت ماشي اسرع من كده. طيب واحد ماشي بسرعة , نزل في حفرة عميقة بسرعته فالمقص اتكسر و هو ما أخدش باله أو مالحقش و كمل فالعربية - للأسف - اتقلبت
علي ما أعتقد هذا السيناريو يحصل مع أي عربية و بالتالي يا باشمهندس يبقي الكلام أنك تحمد ربنا علي سلامتك, وتحذر الناس بس مش من السراتو و لكن من السواقة بسرعة، أو من الحفر اللي في الطريق..... أي حاجه لكن مش من العربية نفسها.
علي العموم ياباشمهندس أنا برضة بأقولك اشتكي كيا و ابعت التقرير احتمال فعلاً في عربيتك بالذات كان في حاجه غلط. و ربنا يعافيك و يعافينا

**sayedaly** · 10-12-2009 12:22 AM

قدر الله وما شاء فعل مش مهم الفلوس اهم حاجة صحتك

**ghazy12** · 10-12-2009 03:01 AM

المشاركة الأصلية كتبت بواسطة egynoor

طبعاً الف الف سلامة يا باشمهندس.
لكن تعال نتكلم بالراحة و بالمنطق. وقت الحوادث كل حاجة بتبقي ملخبطة و مشوشة و ماحدش ابداً بيقدر يفتكر كل حاجة بوضوح. اللي عاوز اقوله انه طبعاً مستحيييييل السيارة تتقلب 10 مرات و انت ماشي علي 100 كم!!!! صح ياشمهندس و لا ايه؟؟؟ يعني أنا أفترض انك كنت ماشي اسرع من كده. طيب واحد ماشي بسرعة , نزل في حفرة عميقة بسرعته فالمقص اتكسر و هو ما أخدش باله أو مالحقش و كمل فالعربية - للأسف - اتقلبت
علي ما أعتقد هذا السيناريو يحصل مع أي عربية و بالتالي يا باشمهندس يبقي الكلام أنك تحمد ربنا علي سلامتك, وتحذر الناس بس مش من السراتو و لكن من السواقة بسرعة، أو من الحفر اللي في الطريق..... أي حاجه لكن مش من العربية نفسها.
علي العموم ياباشمهندس أنا برضة بأقولك اشتكي كيا و ابعت التقرير احتمال فعلاً في عربيتك بالذات كان في حاجه غلط. و ربنا يعافيك و يعافينا

كلام سعادتك جميل جداا, بس انا معرفش العربية بالفعل اتقلبت كام قلبه..!!! و مقولتش اني عارف و متأكد انها اتقلبت العدد ده من القلبات ولا لأ...

ارجع لأول الموضوع هتلاقيني قلت ان الناس بتقول ان العربية اتقلبت تقريبا من 10 - 12 قلبه...!!! معنى كده ان مش انا اللي حددت و لا الناس (دول بيقولوا حوالي كذا قلبه)

الأكيد يا استاذي اني مكنتش بجري اصلا و انا واعي و فايق و واثق من كلامي 100% في الحته دي بالذات ((( قوي))) انا كنت ماشي على سرعه لم تتجاوز الـ100كم اصلا, و بالظبط كنت يا دوب داخل على الـ100 كم... و ده علشان فيه زي اعمال رصف من الحجر الجيري في الشارع بعرض الشارع كله و بطول حوالي 20 متر لقدام... فخدتها والله على سرعة غيار الـ d اللي بتحرك العربية و بالراحة مع شوية بنزين و على العداد مش قاري اكتر من الزيرو بحاجة بسيطة... و بعدين مشيت عادي جداا, المشافة بين النقره و مكان الرصف مش بعيده و متسمحليش حتى لو عملت كيك داون اني اجمع اكتر من 120 اصلا..!!!! و كلامي انا متأكد منه و عارف انا بقول ايه كويس و عارف انا عملت ايه من الألف الى الياء لحد بعد العربية ما اتقلبت و بعدين اغمي عليا و مش عارف ايه اللي جرى, بس الراجل اللي وداني المستشفى شافني و انا بطير في الهواء بعيد عن العربية لدرجة انه متخيلش ان ده بني ادم اصلا (شاف حاجة سوده في الهوا) و ده كلامه مش كلامي انا...

الشاب ده اسمه (حماده البيلي) و هو موزع موسيقي و بيشتغل مع ناس كتيير على حسب كلامه زي تامر حسني و كده... اللي ممكن يكون عارف حد في الوسط يسأله يا رجاله و انا موجود في اي وقت طبعاا...

و شكراا يا باشا على ذوقك و مرورك الكريم و انا نصحت الناس باللي يرضي ضميري قدام ربنا قبل اي انسان....

**egynoor** · 10-12-2009 03:09 AM

أنا مش فاهم.. انت أخدت الحفرة دي علي 100 و لا بالراحة؟؟؟؟
برضه لو بالراحة و المقص اتكسر يبقي كان عندك مشكلة في عربيتك انت بالذات و يبقي من حقك تعمل لكيا مشكلة كبيرة. الحقيقة أنا سواقتي عنيفة بس ما أشتكيتش من أي مشكلة في العفشة و لا تزييق أو حدفة. علي العموم ألف سلامه عليك و الحمد لله علي كدة.

**ghazy12** · 10-12-2009 03:38 AM

المشاركة الأصلية كتبت بواسطة egynoor

أنا مش فاهم.. انت أخدت الحفرة دي علي 100 و لا بالراحة؟؟؟؟
برضه لو بالراحة و المقص اتكسر يبقي كان عندك مشكلة في عربيتك انت بالذات و يبقي من حقك تعمل لكيا مشكلة كبيرة. الحقيقة أنا سواقتي عنيفة بس ما أشتكيتش من أي مشكلة في العفشة و لا تزييق أو حدفة. علي العموم ألف سلامه عليك و الحمد لله علي كدة.

لأ يا باشا, النقره خدتهتا على سرعة لم تتجاوز الـ100كم\س...

و والله انا مش بتمنى ان حد يشتكي و يا رب تطلع جت فيا انا بس و محدش يشوف ربع اللي انا شفته و الله العظيم... و لو العربية كويسه, انا هطلع فيها مشاكل لييييه!!!!! حد يفهمني ايه مصلحتي؟؟؟ انا اول واحد جاب العربية في المنتدى و عمل عنها تقرير و تم تثبيته مع موضوع الاستاذ أحمد..!!!!!! يعني انا مش منفسن و لا حاقد على اللي راكبين سيراتو و المشكله ان بامكاني بفضل من ربنا وحده اني اجيبها تاني (بس مستحييييل) معلش يعني.. (لأ و لما اشتريت السيراتو فضلتها عن اللانسر الشارك و المازدا 3) شفت الجبارووووت اللي كنت فيه..!!!!! جنان رسمي طبعااا
بس انا بقول ايه اللي حصل و ليه حصل و بس, و كل اللي طلبته بكل تعقل و من غير اندفاع و هجووم و الكلام ده ( يا جماعة بلاش جري و احذروا من البلاعات و النقر و خلافه) بس كده.... و ربنا يبارك للجميع فيما رزق و يبعد عنهم شر الحوادث...

و شكراا على ذوقك مره تانيه يا باشا...

**best2010** · 10-12-2009 05:12 AM

العربية دية بتشد النظر .. هى فعلا شيك وبتخطف العين معاها .. انت معذور يا فندم لما اشتريتها .. وانا مصدوم فعلا من انها تكون فيها العيوب الخطيرة دية .. دية عاملة زى البنت الجميلة اللى طباعها هباب .. لكن نشكر ربنا انك قومت بالسلامة وان شاء الله تكون بصحة جيدة ، واشكرك لانك كتبت بشجاعة علشان يمكن تنقذ ناس تانية .. ومرة تانية حمد لله على سلامتك

**Beeso** · 10-12-2009 08:02 AM

المشاركة الأصلية كتبت بواسطة ghazy12

لأ يا باشا, النقره خدتهتا على سرعة لم تتجاوز الـ100كم\س...

و والله انا مش بتمنى ان حد يشتكي و يا رب تطلع جت فيا انا بس و محدش يشوف ربع اللي انا شفته و الله العظيم... و لو العربية كويسه, انا هطلع فيها مشاكل لييييه!!!!! حد يفهمني ايه مصلحتي؟؟؟ انا اول واحد جاب العربية في المنتدى و عمل عنها تقرير و تم تثبيته مع موضوع الاستاذ أحمد..!!!!!! يعني انا مش منفسن و لا حاقد على اللي راكبين سيراتو و المشكله ان بامكاني بفضل من ربنا وحده اني اجيبها تاني (بس مستحييييل) معلش يعني.. (لأ و لما اشتريت السيراتو فضلتها عن اللانسر الشارك و المازدا 3) شفت الجبارووووت اللي كنت فيه..!!!!! جنان رسمي طبعااا
بس انا بقول ايه اللي حصل و ليه حصل و بس, و كل اللي طلبته بكل تعقل و من غير اندفاع و هجووم و الكلام ده ( يا جماعة بلاش جري و احذروا من البلاعات و النقر و خلافه) بس كده.... و ربنا يبارك للجميع فيما رزق و يبعد عنهم شر الحوادث...

و شكراا على ذوقك مره تانيه يا باشا...

ياجماعة بجد أنا عوز أؤل حاجة مهمة أوي ونة التها في كم موضوع أبل كدة yareeeeeeeeeeeeeeeeeeeeeet yareeeeeeeeeeeeeeet yareeeeeeeeeeeeeeeet إلي يئول رأي مش لزم يشكك في أراء الأخرين يعني ارجل بيال أنا كنت ماشي على ١٠٠ وألها مليون مرة نصدقه بس نختلف معه فالأسباب مش نكدب وكمان أنا بصراحة كلمة الهجوم على العربية ده بتضيئني عشان أنا بردو لم عملت التوبيك إن عربتي كان فيها حدف شمال (الحمدلله راحت دلوأتي ) إذجمت جمد أوي بردو من كل الناس وناس تألق دة في ناس مجندين وأي كلام في فالبطيخ

محدش له مصلحة إن يبوظ سمعت عربية هي الفكرة إن المهندس غازي حب يفيد إيناس بتجربة ويحل أو يمنع مشكلة تحصل لحد غيرو ودة برد كان هدفي لم عملت توبيك الحدف الشمال أول ماغبت عربتي

يجمعa لزم نفيد بعد والكلام مبيلزئش يعني دة montadaaaaaaaaaaaa وكل واحد من حأ يقول رأيه ويسلم لو مع أدلة يبئة أحسن

ألف سلامة يا باشا وربنا يسترها مع الجميع فالطرق بتاعتنا ونة فكر إن من كم سنة في فيه عربية لمبرجيني إتإلبت فطرق إسحل أدم مارينا عشان خد مطب هوى يعني أكيد ده مكنش فيها مشكلة فالعفشة بس هو كان طييييييير مش ١٢٠ ولا ١٤0 فعدي قدر الله ومشا فعل ويكمل يبشمهندش غازي يمكن توصل لحل لو أدرت تثبت اني في مشكلة ملموسة في أي جزء من عفشة واللي عربتو مفيهاش مشاكل يحمد ربنا يمذعلش من رأي حد تاني (أنا الحمدلله معنديش مشكلة بعد ملحدفة راحت

بس لسة عاوز أعرف كنت من إيه )

**mastr_n** · 10-12-2009 08:43 AM

[[gdwl]QUOTE=best2010;3872183039][size=4]العربية دية بتشد النظر .. هى فعلا شيك وبتخطف العين معاها .. انت معذور يا فندم لما اشتريتها .. وانا مصدوم فعلا من انها تكون فيها العيوب الخطيرة دية .. دية عاملة زى البنت الجميلة اللى طباعها هباب .. لكن نشكر ربنا انك قومت بالسلامة وان شاء الله تكون بصحة جيدة ، واشكرك لانك كتبت بشجاعة علشان يمكن تنقذ ناس تانية .. ومرة تانية حمد لله على سلامتك[/gdwl]

واللة ما عارف بتجيبوا الامثلة دية منين بنت جميلة وطبعها وحش وبعدين ما تصدمش احنا جبناها ومش مصدومين اى عربية بتنزل ممكن تلاقى فيها عيوب فردية ومش شرط تكون فى الفئات كلها

**OilMan** · 10-12-2009 09:51 AM

نفس الحادث ده شفته بعينى على طريق التجمع وكنت حكيته قبل كده وقوبلت بالشتيمه او التريقه من الاعضاء اللى هما متحيزين للسياره واللى يقوللى انت شايف عربيه فيها نفس امكانيات وكماليات التويوتا ومتغاظ منها وطبعا انا مش رديت لانه راى مع احترامى راى تافه ويدل عن عدم وعى ثقافى لبعضهم عموما سلامتك يا محمد واسف انى قلتلك يا عمرو فى مشاركتى السابقه وعلى فكره الحادث اللى شفته بعينى مش كان فى غير ملف حاد شويه وهو خده بسرعته يعنى تقريبا 120 وانا كنت ماشى على 110 بالتويوتا وعلشان عارف انى الملف خطر قللت سرعتى هو وعلى كلامه حاسس انه راكب عربيه شديده وده من كلامه بعد ما وقفت لمساعدته بعد ما اتقلب فى الجزيره اللى فى النص طار والله طار فيها بس هو ربنا سترها معاه وطار ونزل على جنبه وبعد كده اتعدلت العربيه وهو برده رايه فى العربيه مش يختلف عنك كتير واحب ااقول للى معاهم العربيه مش معنى كده انها سيئه او فيها عيب خطير ومش لازم يكون كله نفس العيب فى كل الطرازات اللى نزلت ممكن تكون شحنه معينه هى اللى فيها العيب ربنا يباركلكم فيها و يكفيكم شر الطريق والغفله بس رجائى الخاص عاملوها على قدر امكانيتها الحقيقيه وبلاش السرعه لان السرعه = تهور=موت
ومع تحياتى بالشفاء العاجل
وتقبلوا مرورى

المشاركة الأصلية كتبت بواسطة ghazy12

كلام سعادتك جميل جداا, بس انا معرفش العربية بالفعل اتقلبت كام قلبه..!!! و مقولتش اني عارف و متأكد انها اتقلبت العدد ده من القلبات ولا لأ...

ارجع لأول الموضوع هتلاقيني قلت ان الناس بتقول ان العربية اتقلبت تقريبا من 10 - 12 قلبه...!!! معنى كده ان مش انا اللي حددت و لا الناس (دول بيقولوا حوالي كذا قلبه)

الأكيد يا استاذي اني مكنتش بجري اصلا و انا واعي و فايق و واثق من كلامي 100% في الحته دي بالذات ((( قوي))) انا كنت ماشي على سرعه لم تتجاوز الـ100كم اصلا, و بالظبط كنت يا دوب داخل على الـ100 كم... و ده علشان فيه زي اعمال رصف من الحجر الجيري في الشارع بعرض الشارع كله و بطول حوالي 20 متر لقدام... فخدتها والله على سرعة غيار الـ d اللي بتحرك العربية و بالراحة مع شوية بنزين و على العداد مش قاري اكتر من الزيرو بحاجة بسيطة... و بعدين مشيت عادي جداا, المشافة بين النقره و مكان الرصف مش بعيده و متسمحليش حتى لو عملت كيك داون اني اجمع اكتر من 120 اصلا..!!!! و كلامي انا متأكد منه و عارف انا بقول ايه كويس و عارف انا عملت ايه من الألف الى الياء لحد بعد العربية ما اتقلبت و بعدين اغمي عليا و مش عارف ايه اللي جرى, بس الراجل اللي وداني المستشفى شافني و انا بطير في الهواء بعيد عن العربية لدرجة انه متخيلش ان ده بني ادم اصلا (شاف حاجة سوده في الهوا) و ده كلامه مش كلامي انا...

الشاب ده اسمه (حماده البيلي) و هو موزع موسيقي و بيشتغل مع ناس كتيير على حسب كلامه زي تامر حسني و كده... اللي ممكن يكون عارف حد في الوسط يسأله يا رجاله و انا موجود في اي وقت طبعاا...

و شكراا يا باشا على ذوقك و مرورك الكريم و انا نصحت الناس باللي يرضي ضميري قدام ربنا قبل اي انسان....