الموضوع: للأسف... احذروا من النيوسيراتو...!!!!

المشاركة الأصلية كتبت بواسطة ahmed-moga

الف سلامة لحضرتك وقدر الله وماشاء فعل وربنا يتم شفاءك علي خير انا كنت عايز اقول علي حاجة حصلت معاياومتردد جدا و خايف من المهاجمة الشرسة اللي شوفتها هنا بس هقولها ورزقي علي الله
بداية انا معايا لانسر بومة اتوماتك 2008 و1300 سي سي بصراحة العربية اول مجبتها كانت زي الفل وبعد كدة بقي سحبها وحش جدا فعرضتها للبيع بس مجبتش السعر اللي انا عاوزة وكان لية جاري وصديقي عندة معرض سيارات وكنت سمعت عن السيراتو قصص وحكايات في جمالها وقوة ماتورها وكماليتها وفعلا الكلام دة صحيح المهم اتفقت مع صديقي دة انة لوجت قدامة نيو سراتو كسر زيرو يقولي وبالفعل ليلة رأس السنة الساعة 8مساء اتصل بية صديقي وقلي تعالي عندي عربية نيو سراتو موديل 2010 sx زيرور بمعني الكلمة ياتلحقها يامتلحقهاش عاملة يدوب 1500 كيلو صاحبها بيبعها لظروف خاصة جدا عندة وعايز اخر كلام 95000 وانا عاندي شاري لعربيتك هايخلص دلوقتي ب80000 المهم رحت بسرعة رايح ومتصل بصديق وأخ لية وجاري بيشتغل في توكيل هيونداي وقلتلة يجيلي بسرعة علي المعرض لأن خبرتي في العربيات مش جامدة المهم رحتلة واخدت العربية و15000 الف جنية الفرق احتياطي ولما وصلت قلي العروسة هناك اهية و العربية فعلا عروسة ومفهاش خربوش ولونها بتنجاني غامق وجنوط عريضة وخدت المفتاح منة وفتحت العربية والعربية ماشاء الله تحفة من جوة المهم جة صاحبي وانا جوة العربية وبحمد ربنا انة جة في الوقت دة لأني كنت خلاص هادور العربية وهاطلع علشان اجربها وأستئذنت صاحبي صاحب المعرض اني اخد العربية علشان نجربها في مكان فاضي علشان نشوف سحبها وسبتلة العرية بتاعتي علشان هو كلم الزبون علشان يجي يشوفها ويخلص فيها يعني الموضوع بالنسبة لي شبة منتهي المهم نيجي للمفيد العربية في بداية خروجها من السلنسية عشرة علي عشرة وبعدين وصلت لل100 ولحظت حاجة غريبة ان العربية بتحدف شمال قلت ممكن يكون نتيجة ان العربية لسة ركبها جديد ومعرفش ابعادها ومختش عليها المهم هي ثانية دورت وشي وبقول صاحبي انا حاسس ان فيها حاجة مش مظبوطة وكنت تقريبا في نص الطريق وبيني وبين الجزيرة اللي في النص مسافة معقولة ولقيتة بيصرخ وبقولي حاسب حاسب وانا بدون ماأشعر كنت دايس علي الفرامل بأقصي عزم ووبص ولاقي ان العربية كان فاضلها 20 سم واطلع علي الجزيرة اللي في النص قلتلة طب سوق انت لأنك واخد علي سواقة جميع العربيات وان اللي حصل دة ممكن يكون خطأ شخصي مني نتيجة اني دورت وشى ومختش بالي المهم ساق وقلي لأ فعلا العربية فيها حدفة شمال واضحة جدا بعد ال80 كيلو قلتلة طب ممكن يكون سببها اية وممكن تتعالج ولا لأ فقلي الحدفة دية ممكن يكون ليها كذا سبب اولها ممكن تكون خدت مطب جامد وعايزة ظبط زوايا او في بوش في الدريكسون في الشمال ودة مش هايتعرف الأ لما ينكشف عليها كشف دقيق المهم مكدبش علي حضرتكم انا قلقت منها ولما رجعت قلي صاحب المعرض اية رأيك قلتلة كويسة بس هارد علي حضرتك بكرة واخدت عربيتي ومشيت لأن المشتري مكنش جة وانا كنت مستعجل علشان اروح للشركة بتاعتي واول مارحت دخلت علي المنتدي وعلي قسم كيا وشوفت الموضوع ولقيت موضوع الحدفة دة عند ناس كتير مش في العربية دية بس وبصراحة صرفت نظر لأن العمر مش بعزقة وربنا يسترها علي كل الناس ويكفيهم شر الحوادث سواء كانت ب127 وحتي البي ام دبليو انا حبيت اقول تجربتي ورزقي علي الله وكل عام وانتم بخير

باشا هو معلش كدة ازاي سيرتو SX ماشية ١٥٠٠ كيلو تتبع ب ٩٥ ألف جنيه أنا أعتقد انها تجيب مستريح ١١٢ ألف مثلاً أكيد أصدق LX MANUAL

مش أصدي يا باشا بس موضوع الحتفه دة و عرفناه بس موضوع سعر إعادة البيع دة الجديد

حمدا لله علي السلامه وفداك اي عربيه

الف حمد لله على سلامتك انا كنت فاكر انها حادثه خفيفه لما عرفت من منتدى الفولكس
لكن الحمد لله قدر ولطف وان شاء الله تقوم بالسلامه
انا كنت بنصح بعض المعارف بالسيراتو كده هسحب كلامى
ربنا يبارك لك فى صحتك و العربيه ان شاء الله تعوضها بالى أحسن منها
اسف على التاخير فانا لا أخرج من منتدى الفولكس الا قليل